முக்கிய செய்திகள்
Idhayam Matrimony

குடியரசு தின விழா கலெக்டர் சிவஞானம்.

வியாழக்கிழமை, 26 ஜனவரி 2017      விருதுநகர்
Image Unavailable

 விருதுநகர் - விருதுநகர் மாவட்டம், சூலக்கரை ஆயுதப்படையினர் குடியிருப்பு வளாக மைதானத்தில்   குடியரசு தின விழா நடைபெற்றது. இவ்விழாவில் பங்கேற்க மாவட்ட ஆட்சித்தலைவர் திரு.அ.சிவஞானம்.  வருகை தந்தபோது மாவட்ட காவல் கண்காணிப்பாளர் திரு.மு.ராசராசன்,இ.கா.ப., மாவட்ட வருவாய் அலுவலர்  சி.முத்துக்குமரன் மற்றும் அரசுத்துறை  உயர் அலுவலர்கள் வரவேற்றனர்.
 மாவட்ட ஆட்சித்தலைவர்  அ.சிவஞானம்;.  தேசியக் கொடியினை ஏற்றிவைத்து மரியாதை செலுத்தினார். பின்னர் மாவட்ட ஆட்சித்தலைவர் காவல் துறையினரின் அணிவகுப்பினை பார்வையிட்டு, காவல் துறையினரின் அணிவகுப்பு மரியாதையை ஏற்றுக்கொண்டார். மேலும், 58 காவலர்களுக்கு தமிழ்நாடு முதலமைச்சர் அவர்களின் காவல் பதக்கங்களை அணிவித்தும் பாராட்டுச் சான்றிதழை வழங்கியும், இந்திய சுதந்திரத்திற்காக பாடுபட்ட சுதந்திர போராட்ட தியாகிகள் மற்றும் வாரிசுதாரர்களுக்கு சால்வை அணிவித்து கௌரவித்தார்.


 பின்னர், மாவட்ட ஆட்சித்தலைவர், முன்னாள் படைவீரர் நலத்துறையின் மூலம்  5 பயனாளிகளுக்கு தலா ரூ.25 ஆயிரம் மதிப்பில் ரூ.1 லட்சத்து 50 ஆயிரம் மதிப்பிலான வருடாந்திர பராமரிப்பு மானியத்தினையும், இராமசாமியாபுரம், துலுக்கபட்டி மற்றும் அயன்நத்தம்பட்டி ஆகிய ஊராட்சி அளவிலான கூட்டமைப்புகளுக்கு ரூ.1 கோடியே 15 லட்சத்து 15 ஆயிரம் மதிப்பிலான கடன் உதவியினையும், 3 பயனாளிகளுக்கு முதலமைச்சரின் விரிவான காப்பீட்டுத் திட்டத்தின் கீழ் ரூ.24 ஆயிரம் மதிப்பில் காதொலி கருவிகளையும், வேளாண்மைத்துறையின் கீழ் 2 பயனாளிகளுக்கு ரூ.4 ஆயிரத்து 75 மதிப்பில் நலத்திட்ட உதவிகளையும், 3 நபர்களுக்கு பொது விநியோகத்திட்டத்தின் கீழ் ஊட்டி டீ அதிகளவில் விற்பனை செய்தமைக்காக தலா ரூ.3 ஆயிரம் மதிப்பில் ரூ.9 ஆயிரம் ஊக்கத்தொகையினையும், பாராட்டுச்சான்றிதழ்களையும், ஒருங்கிணைந்த குழந்தை வளர்ச்சிப் பணிகளில் சிறப்பாகப் பணியாற்றிய 3 நபர்களுக்கு தலா ரூ.5 ஆயிரம் மதிப்பில் ரூ.15 ஆயிரம் ஊக்கத்தொகையினையும், பாராட்டுச்சான்றிதழ்களையும், மாநில அளவில் நடைபெற்ற மாற்றுத்திறனாளிகளுக்கான பாரா தடகளப் போட்டிகளில் வெற்றி பெற்ற 3 நபர்களுக்கு பதக்கங்கள் மற்றும் சான்றிதழ்களையும், அரசின் பல்வேறு துறைகளில் சிறப்பாக பணியாற்றிய 66 அரசு அலுவலர்களுக்கு சான்றிதழ்களையும், காவல் துறையில் சிறப்பாக பணியாற்றிய 25 காவலர்களுக்கு பாராட்டுச் சான்றிதழ்களையும் ஆக மொத்தம் 113 பயனாளிகளுக்கு ரூ.1 கோடியே 17 லட்சத்து 17 ஆயிரத்து 075  மதிப்பிலான நலத்திட்ட உதவிகளை மாவட்ட ஆட்சித்தலைவர் திரு.அ.சிவஞானம்.இ.ஆ.ப., அவர்கள் வழங்கினார்.
 பின்னர், சிவகாசி விநாயகா மெட்ரிக் மேல்நிலைப்பள்ளி, விருதுநகர் கேந்திரியா வித்யாலயா மேல்நிலைப்பள்ளி, சாட்சியாபுரம் வாய்பேசாதோர் மற்றும் காதுகேளாதோர் பள்ளி, இராஜபாளையம் ஏ.கே.டி.ஆர். பெண்கள் மேல்நிலைப்பள்ளி, வேவர்ஸ்காலனி நகராட்சி உயர்நிலைப்பள்ளி, பெரியவள்ளிகுளம் நோபல் மெட்ரிக் மேல்நிலைப்பள்ளி, விருதுநகர் கே.வி.எஸ் மெட்ரிக் மேல்நிலைப்பள்ளி ஆகிய பள்ளிகளின் மாணவ, மாணவியர்களின் கலை நிகழ்ச்சி நடைபெற்றது. கலைநிகழ்ச்சிகளில் முதலிடம் பிடித்த இராஜபாளையம் ஏ.கே.டி.ஆர். பெண்கள் மேல்நிலைப்பள்ளி, இரண்டாம் இடம் பிடித்த பெரியவள்ளிகுளம் நோபல் மெட்ரிக் மேல்நிலைப்பள்ளி, மூன்றாம் இடம் பிடித்த விருதுநகர் கே.வி.எஸ் மெட்ரிக் மேல்நிலைப்பள்ளி ஆகிய பள்ளிகளுக்கு பரிசுகளையும், நிகழ்ச்சியில் பங்கேற்ற அனைத்து பள்ளிகளுக்கும் நினைவு பரிசினை மாவட்ட ஆட்சித்தலைவர்  .சிவஞானம்  வழங்கினார். குடியரசுதின விழா நிகழ்ச்சிகள் கோலாகலமாகவும், சிறப்பாகவும் நடைபெற்றது.
 இந்நிகழ்ச்சியில் மாவட்ட காவல் கண்காணிப்பாளர்  மு.ராசராசன்;,இ.கா.ப., மாவட்ட வருவாய் அலுவலர் திரு.சி.முத்துக்குமரன், மாவட்ட முதன்மை கல்வி அலுவலர்  புகழேந்தி, மாவட்ட ஆட்சியரின் நேர்முக உதவியாளர் (பொது)  ஆ.பூமி, செய்தி மக்கள் தொடர்பு அலுவலர் இரா.ஜெயஅருள்பதி, காவல் துணை கண்காணிப்பாளர்கள், அரசுதுறை உயர் அலுவலர்கள், காவல்துறை அலுவலர்கள், பொதுமக்கள், மாணவ, மாணவியர்கள் உட்பட பலர் கலந்து கொண்டனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago