முக்கிய செய்திகள்
Idhayam Matrimony

ஐ.பி.எல். 35-வது லீக் ஆட்டம்: பெங்களூர் அணியை 6 விக்கெட் வித்தியாசத்தில் வீழ்த்தி சென்னை சூப்பர் கிங்ஸ் அணி வெற்றி

சனிக்கிழமை, 5 மே 2018      விளையாட்டு
Image Unavailable

புனே: புனே மகாராஷ்டிரா கிரிக்கெட் சங்க மைதானத்தில் நேற்று மாலை நான்கு மணிக்கு நடந்த ஐபிஎல் தொடரின் 35-வது லீக் ஆட்டத்தில் சென்னை சூப்பர் கிங்ஸ் அணி, ராயல் சேலஞ்சர்ஸ் பெங்களூர் அணியை 6 விக்கெட் வித்தியாசத்தில் வீழ்த்தி அபார வெற்றிபெற்றது. இதன் மூலம் புள்ளிப்பட்டியலில் மீண்டும் முதலிடத்திற்கு வந்தது சி.எஸ்.கே.

பந்து வீச்சு தேர்வு
ஐபிஎல் தொடரின் 35-வது லீக் ஆட்டம் சென்னை சூப்பர் கிங்ஸ் அணிக்கு சொந்தமான புனே மகாராஷ்டிரா கிரிக்கெட் சங்க மைதானத்தில் நேற்று மாலை நான்கு மணிக்கு தொடங்கியது. இதில் சென்னை சூப்பர் கிங்ஸ் - ராயல் சேலஞ்சர்ஸ் பெங்களூர் அணிகள் மோதின.

முன்னதாக போட்டிக்கான டாஸ் 3.30 மணிக்கு சுண்டப்பட்டது. சென்னை சூப்பர் கிங்ஸ் அணி கேப்டன் எம்எஸ் டோனி டாஸ் சுண்ட, ராயல் சேலஞ்சர்ஸ் பெங்களூர் கேப்டன் ‘ஹெட்’ என அழைத்தார். ஆனால், ‘டெய்ல்’ விழ சென்னை சூப்பர் கிங்ஸ் அணி கேப்டன் எம்எஸ் டோனி டாஸ் வென்று பந்து வீச்சு தேர்வு செய்தார்.

தலா 3 மாற்றங்கள்...
அதேபோல பெங்களூர் அணியிலும் மூன்று மாற்றங்கள். காய்ச்சல் காரணமாக கடந்த இரு ஆட்டங்களில் விளையாடாத டிவில்லியர்ஸ் நேற்றைய ஆட்டத்தில் இடம்பெற்றார். இந்த வருட ஐபிஎல் ஆட்டத்தில் டி வில்லியர்ஸ் 280 ரன்கள் எடுத்துள்ளார். அதேசமயம் விக்கெட் கீப்பர் குயிண்டன் டி காக், ஒரு திருமணத்துக்குச் செல்லவேண்டியிருப்பதால் தென் ஆப்பிரிக்காவுக்குப் பறந்துள்ளார். டி காக், வோரா, வாஷிங்டன் சுந்தருக்குப் பதிலாக டி வில்லியர்ஸ், பார்தீவ் படேல், எம். அஸ்வின் ஆகியோர் இடம்பெற்றுள்ளார்கள்.

மூன்று மாற்றங்கள்
சென்னையில் அணியில் மூன்று மாற்றங்கள். டுபிளெஸ்ஸிஸ், கரண் சர்மா, ஆசிஃப் ஆகியோர் அணியில் இடம்பெறவில்லை. அவர்களுக்குப் பதிலாக முரளி விஜய், துருவ் ஷோரே, டேவிட் வில்லி இடம்பெற்றுள்ளார்கள். வில்லி, ஷோரே ஆகிய இருவரும் ஐபிஎல்-லில் இந்த ஆட்டத்தின் மூலமாக அறிமுகமாகியுள்ளார்கள். கடந்த ஆட்டத்தில் மோசமாக விளையாடி விமரிசனங்களுக்கு ஆளான ஜடேஜா, அணியில் நீடிக்கிறார்.

பார்தீவ் படேல்...
பெங்களூர் அணியின் சார்பில், பார்தீவ் பட்டேல் மற்றும் மெக்கல்லம் ஆகியோர் முதலாவதாக களமிறங்கினர். ஆட்டம் தொடங்கிய சில நிமிடங்களிலே மெக்கல்லம் 5(3) ரன்களில் நிகிடி பந்து வீச்சில் கேட்ச் ஆனார். அடுத்து ஆட வந்த கேப்டன் வீராட் கோலி 8(11) ரன்களில் ஜடேஜா பந்து வீச்சில் போல்ட் ஆகி அதிர்ச்சி அளித்தார். அடுத்து களமிறங்கிய நட்சத்திர வீரரான டி வில்லியர்ஸ் 1(4) ரன்னில் ஹர்பஜன் பந்து வீச்சில் டோனி மூலம் வெளியேற்றப்பட்டார். அடுத்ததாக களமிறங்கிய மந்தீப் சிங் 7(13) ரன்களில் ஜடேஜா பந்தில் கேட்ச் ஆகி வெளியேறினார். சிறப்பாக ஆடி வந்த பார்தீவ் பட்டேல் 37 பந்துகளை சந்தித்து தனது அரை சதத்தை பதிவு செய்தார்.

தொடர்ந்து சரிவு...
அப்போது எதிர்பாராத விதமாக பார்தீவ் பட்டேல் 53(41) ரன்கள் எடுத்திருந்த போது ஜடேஜா பந்து வீச்சில் அவரிடமே கேட்ச் கொடுத்து அவுட் ஆனார். அதன் பிறகு ஆட்டத்தின் போக்கு மாறியது. சென்னை அணியை சமாளிக்க முடியாமல் அடுத்தடுத்து விக்கெட்டுகள் சரியத் தொடங்கியது. இதில் அடுத்ததாக களமிறங்கிய, முருகன் அஸ்வின் 1(2) ரன்னிலும், கொலின் டி கிராண்ட்ஹோம் 8(8) ரன்னிலும், உமேஷ் யாதவ் 1(5) ரன்னிலும் தங்களது விக்கெட்டை பறிகொடுத்தனர். அடுத்து ஆட வந்த டிம் சவுத்தி மற்றும் முகமது சிராஜ் ரன் ரேட்டை உயர்த்த போராடினர்.

127 ரன்கள்...
டிம் சவுத்தி 36(26) ரன்கள் எடுத்து கடைசி வரை ஆட்டமிழக்காமல் இருந்தார். கடைசியில், முகமது சிராஜ் 3(7)ரன்களில் ரன் அவுட் ஆனார். இறுதியாக பெங்களூரு ராயல் சேலஞ்சர்ஸ் அணி 9 விக்கெட்டுகள் இழந்து 127 ரன்கள் எடுத்தது. இதன் மூலம் சென்னை அணிக்கு 128 ரன்கள் வெற்றி என்ற இலக்கு நிர்ணயிக்கப்பட்டது.
சென்னை அணியின் சார்பில் அதிகபட்சமாக ஜடேஜா 3 விக்கெட்டும், ஹர்பஜன் சிங் 2 விக்கெட்டும், நிகிடி மற்றும் வில்லி தலா 1 விக்கெட்டும் வீழ்த்தினர்.

சி.எஸ்.கே வெற்றி
பின்னர் களமிறங்கிய சென்னை சூப்பர் கிங்ஸ் 18 ஓவர்களில் 4 விக்கெட்டுகளை இழந்து 128 ரன்கள் எடுத்து 6 விக்கெட் வித்தியாசத்தில் வெற்றிபெற்றது. மேலும் புள்ளிப்பட்டியலில் மீண்டும் முதலிடம் பிடித்து. அதிகபட்சமாக அம்பத்தி ராயுடு 2 சிக்ஸர்கள் 3 பவுண்டரிகளுடன் 32 ரன்களும், டோனி 3 இமாலய சிக்ஸர்களும், 1 பவுண்டரியுடன் 31 ரன்களுடன் ஆட்டமிழக்காமல் களத்தில் இருந்தார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து