முக்கிய செய்திகள்
Idhayam Matrimony

திருமங்கலம் தாலுகா ஜமாபந்தியில் பயனாளிகள் 217பேருக்கு நலத்திட்ட உதவிகள்:அமைச்சர் ஆர்.பி.உதயகுமார் வழங்கினார்:

வியாழக்கிழமை, 10 மே 2018      மதுரை
Image Unavailable

திருமங்கலம்.- மதுரை மாவட்டம் திருமங்கலம் வட்டத்தில் கடந்த 9-ம் தேதி முதல் நடைபெற்று வரும் 1427ம் பசலி ஆண்டிற்கான நிலவரிக் கணக்கு முடிப்பு ஜமாபந்தி நிகழ்ச்சியில் தமிழக வருவாய் மற்றும் பேரிடர் மேலாண்மைத்துறை அமைச்சர் ஆர்.பி.உதயகுமார் கலந்து கொண்டு பயனாளிகள் 217 பேருக்கு   முதியோர் உதவித்தொகை,பட்டா மாறுதல்,பட்டா உட்பிரிவு,வண்டல்மண் அள்ள உத்தரவு உள்ளிட்ட பல்வேறு நலத்திட்ட உதவிகளை வழங்கினார்.
மதுரை மாவட்டம் திருமங்கலம் வட்டத்தில் 1427-ம் பசலி ஆண்டிற்கான நிலவரிக் கணக்கு முடித்திடும் கிராமங்களுக்கான வருவாய் தீர்வாயம் எனப்படும் ஜமாபந்தி நிகழ்ச்சி கடந்த 9ம் தேதி முதல் நடைபெற்று வருகிறது.உசிலம்பட்டி வருவாய் கோட்டாட்சியர் திருமதி.சுகன்யா தலைமையில் திருமங்கலம் தாலுகா அலுவலகத்தில் நடைபெற்று வரும் இந்த வருவாய் தீர்வாயத்தில் பொதுமக்கள் தங்களது நலத்திட்ட உதவிகள் கோரிடும் மனுக்கள் மற்றும் நில உடமைகள் தொடர்பான மனுக்களை அதிகாரிகளிடம் கொடுத்து வருகின்றனர்.ஜமாபந்தியின் முதல்நாளில் கள்ளிக்குடி பிர்க்காவைச் சேர்ந்த 361பேர் மனுக் கொடுத்தனர்.இரண்டாம் நாள் குராயூர் பிர்க்காவைச் சேர்ந்த 249பேர் தங்களது மனுக்களை அதிகாரிகளிடம் கொடுத்திருந்தனர்.இந்நிலையில் முதல் இரண்டு நாட்களில்   ஏற்புநிலையில் பதிவாகிய மனுக்களில் பயனாளிகள் 217பேருக்கு நலத்திட்ட உதவிகள் வழங்கிடும் நிகழ்ச்சி நேற்று மாலை திருமங்கலம் தாலுகா அலுவலகத்தில் நடைபெற்றது.இவ்விழாவிற்கு உசிலம்பட்டி கோட்டாட்சியர் திருமதி.சுகன்யா முன்னிலை வகித்தார்.திருமங்கலம் தாசில்தார் நாகரத்தினம் வரவேற்று பேசினார்.ஏராளமான பொதுமக்களும் பயனாளிகளும் பங்கேற்ற இவ்விழாவில் தமிழக வருவாய் மற்றும் பேரிடர் மேலாண்மைத்துறை அமைச்சர் ஆர்.பி.உதயகுமார் கலந்து கொண்டு தலைமையேற்று திருமங்கலம் தாலுகாவில் இரண்டு பிர்க்காவைச் சேர்ந்த பயனாளிகள் 217பேருக்கு முதியோர் உதவித் தொகை,பட்டா மாறுதல்,பட்டா உட்பிரிவு செய்தல்,விதவைகள் உதவித் தொகை மற்றும் வண்டல் அள்ளுவதற்கான உத்தரவு என் பல்வேறு நலத்திட்ட உதவிகளை வழங்கி சிறப்புரையாற்றினார்.
அப்போது அமைச்சர் ஆர்.பி.உதயகுமார் பேசியதாவது: பொதுமக்கள் தங்களுக்கு உடனடி தீர்வு கிடைத்திடும் என்ற நம்பிக்கையில் ஜமாபந்தி நிகழ்ச்சியில் மனுக்களை கொடுக்கிறார்கள்.அம்மா திட்டத்தின் மூலம் 60லட்சம் மனுக்களுக்கு தீர்வு கண்டு இந்தியாவிலே நிர்வாக புரட்சி செய்த ஒரே அரசு அம்மாவின் அரசு மட்டும் தான்.அதே போல் வறட்சி காலத்தில் வறட்சி நிவாரணமும்,வெள்ளத்தின் போது வெள்ள நிவாரணமும் வழங்கிய ஒரே முதல்வர் இந்தியொவிலே அம்மா மட்டும்தான்.தற்போது 30லட்சம் பேருக்கு தமிழகத்தில் ஓய்வூதியம் வழங்கப்பட்டு வருகிறது.தகுதியானவர்கள் அனைவருக்கும் அரசின் நலத்திட்ட உதவிகள் நிச்சயம் கிடைக்கும்.இந்நியாவிலே ஏழைகளுக்கும் சாமானிய மக்களுக்கும் உழைத்திடும் ஒரே அரசு அம்மா அரசு தான்.எதிர்கட்சிகளின் தூண்டுதலால் கடந்த ஒரு ஆண்டில் மட்டும் 42ஆயிரம் போராட்டங்களை இந்த அரசு சமாளித்து சட்டம் ஒழுங்கினை சிறப்பாக பராமரித்து வருகிறது.அம்மாவின் வழியில் மக்களுக்காக இந்த அரசு என்றுமே அயராது உழைத்திடும் என்று பேசினார்.
இவ்விழாவில் முன்னாள் மாவட்டச் செயலாளர் ஜெயராமன்,கழக சிறுபான்மை பிரிவு பொருளாளர் ஜான்மகேந்திரன்,மாவட்ட கழக துணைச் செயலாளர் அய்யப்பன்,மாவட்ட சார்புஅணி நிர்வாகிகள் தமிழ்ச்செல்வம்,திருப்பதி, திருமங்கலம் நகரச் செயலாளர் ஜே.டி.விஜயன்,ஒன்றிய செயலாளர்கள் அன்பழகன்,மகாலிங்கம்,ராமசாமி,முன்னாள் திருமங்கலம் யூனியன் சேர்மன் தமிழழகன்,மாவட்ட எம்.ஜி.ஆர் மன்ற இணைச் செயலாளர் ஆண்டிச்சாமி,மாநகர் அம்மா பேரவை வெற்றிவேல்,நகர அவைத் தலைவர் ஜஹாங்கீர், முன்னாள் நகர் மன்ற துணைத்தலைவர் சதீஸ்சண்முகம்,ஒன்றிய அவைதலைவர் அன்னக்கொடி,துணைச் செயலாளர் சுகுமார் மற்றும் கட்சி நிர்வாகிகள் அரசு அலுவலர்கள் கலந்து கொண்டனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து