வடகொரியா நடந்து கொள்ளும் விதம் குறித்து தென் கொரிய அதிபருடன் டிரம்ப் விவாதிப்பு

வாஷிங்டன் : அண்மைக் காலமாக வடகொரியா நடந்து கொள்ளும் விதம் குறித்து தென் கொரிய அதிபர் மூன் ஜே-இன்னுடன் அமெரிக்க அதிபர் டிரம்ப் தொலைபேசியில் ஆலோசித்தார்.

இதுகுறித்து தென் கொரிய அதிபர் மூன் ஜே-இன் அலுவலகம் வெளியிட்ட அறிக்கையில்,

அதிபர் மூன் ஜேனை அமெரிக்க அதிபர் டொனால்ட் டிரம்ப் தொலைபேசியில்  தொடர்பு கொண்டு பேசினார். அதிபர்கள் டிரம்ப்-கிம் இடையிலான பேச்சுவார்த்தை விவகாரத்தில், வட கொரியா அண்மைக் காலமாக நடந்து கொள்ளும் விதம் குறித்து இருவரும் விவாதித்தனர். சிங்கப்பூரில் நடைபெறவிருக்கும் அந்தச் சந்திப்பு வெற்றிகரமாக நடைபெறுவதற்காக இரு தலைவர்களும் இணைந்து செயல்பட உறுதிபூண்டனர் என்று அந்த அறிக்கையில் தெரிவிக்கப்பட்டுள்ளது.