டோனிக்கு பிறந்த நாள்: ரசிகர்கள் வாழ்த்து

சனிக்கிழமை, 7 ஜூலை 2018      விளையாட்டு
dhoni 2018 07 07

இந்திய கிரிக்கெட் அணியின் விக்கெட் கீப்பரும் நட்சத்திர பேட்ஸ்மேன்களில் ஒருவருமான டோனி நேற்று தனது 37-வது பிறந்த நாளை கொண்டாடினார். தற்போது, இங்கிலாந்தில் இந்திய அணி சுற்றுப்பயணம் செய்து விளையாடி வருவதால், இங்கிலாந்தில் உள்ள டோனி, அங்கு கேக் வெட்டி தனது பிறந்த நாளை கொண்டாடினார்.

டோனியின் மனைவி சாக்‌ஷி தனது கணவருக்கு பிறந்த நாள் வாழ்த்துக்களை தெரிவித்ததோடு, கேக் வெட்டி கொண்டாடிய பின்னர் எடுத்த புகைப்படங்களையும் தனது இன்ஸ்டாகிராம் பக்கத்தில் பகிர்ந்துள்ளார். அதேபோல், சக வீரரான சுரேஷ் ரெய்னாவும், டோனிக்கு வாழ்த்துக்களை தெரிவித்து பிறந்த நாள் கொண்டாடிய போது எடுக்கப்பட்ட புகைப்படத்தை வெளியிட்டுள்ளார். 

அதேபோல், சேவாக் உள்ளிட்ட கிரிக்கெட் பிரபலங்களும் வாழ்த்துக்களை தெரிவித்து உள்ளனர்.  சமூக வலைதளங்களில் #HappyBirthdayMSDhoni  என்ற ஹேஷ்டேக்கை உருவாக்கி ரசிகர்கள் டோனிக்கு பிறந்த நாள் வாழ்த்துக்களை பகிர்ந்தனர். 2004 -ஆம் ஆண்டு இந்திய அணியில் அறிமுகமான டோனி, அனைத்து விதமான போட்டிகளையும் சேர்த்து மொத்தம் 500 சர்வதேச போட்டிகளில் விளையாடியுள்ளார். சர்வதேச கிரிக்கெட் வாரியம் நடத்தும் மூன்று வித தொடர்களிலும் கோப்பையை வென்ற ஒரே கேப்டன் என்ற பெருமையை டோனி தன்வசம் வைத்துள்ளார்.

குறைந்த செலவில் அதிக லாபம் தரும் நாட்டு கோழி வளர்ப்பு | Nattu kozhi

Rajapalayam Dog | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover

Kili Mooku Vaal Seval | தமிழகத்தின் பாரம்பரிய கிளி மூக்கு வால் சேவல் - Part 2

Chippiparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover - Part 2

Chippyparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover

இதை ஷேர் செய்திடுங்கள்:

View all comments

வாசகர் கருத்து