முக்கிய செய்திகள்
Idhayam Matrimony

ஆறு மணி நேரம் 35 நிமிடங்கள் நீடித்தது: விம்பிள்டன் அரை இறுதிப் போட்டியில் புதிய சாதனை

சனிக்கிழமை, 14 ஜூலை 2018      விளையாட்டு
Image Unavailable

லண்டன் : விம்பிள்டன் டென்னிஸின் ஆடவர் அரை இறுதிப் போட்டி ஒன்றில் ஆறு மணி நேரத்திற்கும் மேலாக நீடித்த ஆட்டத்தில் தென் ஆப்ரிக்காவின் கெவின் ஆண்டர்சன் வெற்றி பெற்றார்.

7-6 என்ற கணக்கில்...

விம்பிள்டனின் புகழ்ப் பெற்ற மத்திய மைதானத்தில் நடைபெற்ற முதலாவது அரை இறுதிப் போட்டியில் அமெரிக்காவின் ஜான் இஸ்நரை எதிர்கொண்டார் தென் ஆப்ரிக்காவின் கெவின் ஆண்டர்சன். தொடக்கம் முதலே இருவரும் சிறப்பாக ஆடிய நிலையில் முதல் மூன்று செட்களுமே டை பிரேக்கர் வரை சென்றன. இதில் முதல் செட்டை 7-6 என ஆண்டர்சன் கைப்பற்றினார்.

ஐம்பது நிமிடங்கள்

ஆனால், அடுத்த இரண்டு செட்களை 7-6, 7-6 என்ற கணக்கில் ஜான் இஸ்நர் கைப்பற்றினார். நான்காவது செட்டை 6-4 என கைப்பற்றினார் கெவின் ஆண்டர்சன். இதனால் வெற்றியைத் தீர்மானிக்கும் ஐந்தாவது செட்டில் இருவரும் ஒருவருக்கொருவர் சளைக்காமல் ஆட, அந்த செட் மட்டும் இரண்டு மணி நேரம் ஐம்பது நிமிடங்கள் நீடித்தது. இறுதியில் ஐந்தாவது செட்டை 26-24 என்ற கணக்கில் கெவின் ஆண்டர்சன் கைப்பற்றி வெற்றி வாகை சூடினார். இந்த வெற்றியின் மூலம் அவர் இறுதிப் போட்டிக்குள் நுழைந்தார்.

அதிக நேரம் நடை...

ஆறு மணி நேரம் 35 நிமிடங்கள் நீடித்த இந்தப் போட்டியே விம்பிள்டனில் அதிக நேரம் நடைபெற்ற அரை இறுதிப் போட்டி என்ற சிறப்பைப் பெறுகிறது. இருப்பினும் விம்பிள்டனில் நீண்ட நேரம் நடைபெற்ற போட்டி என்ற வகையில் இரண்டாவது இடத்தையே இப்போட்டி பெறுகிறது. 2010 ஆம் ஆண்டு நடைபெற்ற விம்பிள்டன் போட்டியின் முதல் சுற்றில் ஜான் இஸ்நர்- நிகோலஸ் மஹூத் இடையேயான போட்டி 11 மணி நேரம் ஐந்து நிமிடம் நடைபெற்றது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து