முக்கிய செய்திகள்
Idhayam Matrimony

வங்கதேசத்திற்கு எதிரான முதல் டி20: மே.இ.தீவுகள் அணி அபார வெற்றி

புதன்கிழமை, 1 ஆகஸ்ட் 2018      விளையாட்டு
Image Unavailable

செயின்ட் கிட்ஸ் : வங்காள தேசத்திற்கு எதிரான முதல் டி20 போட்டியில் அந்த்ரே ரஸல், சாமுவேல்ஸ் அதிரடியால் வெஸ்ட் இண்டீஸ் 7 விக்கெட் வித்தியாசத்தில் வெற்றி பெற்றது.

ஆரம்பமே அதிர்ச்சி...

வெஸ்ட் இண்டீஸ் - வங்காள தேசம் அணிகளுக்கு இடையிலான மூன்று போட்டிகள் கொண்ட டி20 தொடர் உள்ளூர் நேரப்படி செயின்ட் கிட்ஸில் தொடங்கியது. இதில் டாஸ் வென்ற வெஸ்ட் இண்டீஸ் அணி பந்து வீச்சு தேர்வு செய்தது. அதன்படி வங்காள தேச அணியின் தமிம் இக்பால், சவுமியா சர்கார் ஆகியோர் தொடக்க வீரர்களாக களம் இறங்கினார்கள். முதல் ஓவரிலேயே வங்காள தேச அணிக்கு மிகப்பெரிய அதிர்ச்சி காத்திருந்தது. இருவரும் தாங்கள் சந்தித்த முதல் பந்திலேயே ஆட்டமிழந்தனர்.

143 ரன்கள்...

அடுத்து வந்த லித்தோன் தாஸ் 21 பந்தில் 24 ரன்களும், ஷாகிப் அல் ஹசன் 10 பந்தில் 19 ரன்களும், முஷ்பிகுர் ரஹிம் 11 பந்தில் 15 ரன்களும், மெஹ்முதுல்லா 27 பந்தில் 35 ரன்களும் எடுக்க வங்காள தேசம் 20 ஓவரில் 9 விக்கெட் இழப்பிற்கு 143 ரன்கள் குவித்தது. பின்னர் 144 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் பேட்டிங் செய்ய இருந்தது. அப்போது கனமழை பெய்தது. இதனால் ஆட்டம் நீண்ட நேரம் தடைபட்டது. மழைநின்ற பின் ஆட்டம் தொடங்கியது. வெஸ்ட் இண்டீஸ் அணிக்கு 11 ஓவரில் 91 ரன்கள் வெற்றி இலக்காக நிர்ணயிக்கப்பட்டது. 2-வது ஓவரை முஷ்டாபிஜூர் ரஹ்மான் வீசினார். இந்த ஓவரில் ரன்ஏதும் கொடுக்காமல் இரண்டு விக்கெட்டுக்களை வீழ்த்தினார்.

7 விக்கெட்...

அதன்பின் வந்த அந்த்ரே ரஸில் அதிரடியாக விளையாடி 21 பந்தில் 35 ரன்கள் அடிக்க, சாமுவேல்ஸ் 13 பந்தில் 26 ரன்கள் சேர்த்து ஆட்டமிழந்தார். ரஸல் உடன் இணைந்து ரோவ்மேன் பொவேல் 9 பந்தில் 15 ரன்கள் அடிக்க வெஸ்ட் இண்டீஸ் 9.1 ஓவரிலேயே 93 ரன்கள் எடுத்து 7 விக்கெட் வித்தியாசத்தில் வெற்றி பெற்றது. இரு அணிகளுக்கு இடையிலான 2-வது டி20 போட்டி வரும் 4-ம் தேதி அமெரிக்காவின் புளோரிடாவில் நடக்கிறது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து