முக்கிய செய்திகள்
Idhayam Matrimony

பிரச்சினைகளை எதிர்கொள்ள கிரிக்கெட் மீதான ஆர்வம்தான் உதவியது: முகமது ஷமி

வியாழக்கிழமை, 2 ஆகஸ்ட் 2018      விளையாட்டு
Image Unavailable

பர்மிங்காம் : கிரிக்கெட் மீதான தீராத ஆர்வம்தான் வெளியில் உள்ள பிரச்சனைகளை எதிர்த்து போராட உதவியது என்று முகமது ஷமி தெரிவித்துள்ளார்.

முதல் நாளில்...

இங்கிலாந்து - இந்தியா இடையிலான முதல் டெஸ்ட் எட்ஜ்பாஸ்டனில் நேற்று முன்தினம் தொடங்கியது. சுழற்பந்து வீச்சாளர் அஸ்வின் மற்றும் வேகப்பந்து வீச்சாளர்களின் நேர்த்தியான பந்து வீச்சால் இங்கிலாந்து முதல் நாளில் 9 விக்கெட் இழப்பிற்கு 285 ரன்கள் சேர்த்தது. வேகப்பந்து வீச்சில் முகமது ஷமி ரிவர்ஸ் ஸ்விங்கில் அசத்தினார். அவர் 19 ஒவரில் 64 ரன்கள் விட்டுக்கொடுத்து இரண்டு விக்கெட்டுக்கள் வீழ்த்தினார்.

மனைவி புகார்...

முகமது ஷமி ஐபிஎல் தொடருக்கு முன் மனைவி கொடுத்த புகாரால் சிக்கலுக்குள்ளானார். ஐபிஎல் தொடர் முழுவதுமாக அவரால் பங்கேற்க இயலவில்லை. கார் விபத்தில் இருந்து தப்பினார். அதன்பின் ஆப்கானிஸ்தான் டெஸ்டிற்கான யோ-யோ டெஸ்டில் தோல்வியடைந்தார். தனது தீவிர முயற்சியால் இங்கிலாந்துக்கு எதிரான ஐந்து போட்டிகள் கொண்ட டெஸ்ட் தொடரில் இடம்பிடித்தார். எட்ஜ்பாஸ்டனில் சிறப்பாக பந்து வீசிய ஷமி, கிரிக்கெட்டி மீதான ஆர்வம்தான் வெளியில் உள்ள பிரச்சனைகளை எதிர்கொள்ள உதவுகிறது என்றார்.

போராடினேன்...

இதுகுறித்து முகமது ஷமி கூறுகையில் ‘‘தென்ஆப்பிரிக்கா தொடருக்குப்பின், குடும்ப விவகாரம் உள்பட பல பிரச்சனைகள் ஏற்பட்டன. கிரிக்கெட்டிற்கும் குடும்ப பிரச்சினைக்கும் இடையிலான போட்டியில் அதிக அளவில் போராடினேன். கிரிக்கெட்டை நான் விரும்பியதால், அதற்கு முக்கியத்துவம் கொடுத்தேன். என்னுடைய வேலையில் சிறப்பான கவனம் செலுத்த வேண்டும் என்று விரும்பினேன். அதன்பின் வாழக்கையில் என்னது நடந்தாலும் பார்த்துக் கொள்ளலாம் என்று திடமாக இருந்தேன்.

கவனம் செலுத்த...

கடினமான எந்தவொரு பிரச்சினையை சந்தித்தாலும் முதலில் கிரிக்கெட் விளையாட வேண்டும். இதில் கவனம் செலுத்த வேண்டும் என்று விரும்பினேன். என்னுடைய முயற்சிக்கு சரியான பலன் தற்போது கிடைத்துள்ளது. எட்ஜ்பாஸ்டன் டெஸ்டில் முதல் நாளில் இரண்டு விக்கெட்டும், இன்று ஒரு விக்கெட்டும் என முதல் இன்னிங்சில் மூன்று விக்கெட்டுக்கள் வீழ்த்தினார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து