காவிரி நீர்ப்பிடிப்பு பகுதிகளில் கனமழை: கர்நாடக அணைகளில் இருந்து 1.35 லட்சம் கனஅடி நீர் திறப்பு - 5 மாவட்டங்களுக்கு வெள்ள அபாய எச்சரிக்கை

வியாழக்கிழமை, 9 ஆகஸ்ட் 2018      இந்தியா
Cauvery flows 2018 7 24

பெங்களூர் : காவிரி நீர்ப்பிடிப்பு பகுதிகளில் கனமழை பெய்து வருவதையொட்டி கர்நாடக மாநில அணைகளில் இருந்து ஒரு லட்சம் கன அடி நீர் திறந்து விடப்பட்டுள்ளது. இதனால் மேட்டூர் அணை படிப்படியாக நிரம்ப வாய்ப்புள்ளது.  தருமபுரி உள்ளிட்ட 5 மாவட்டங்களுக்கு வெள்ள அபாய எச்சரிக்கை விடுக்கப்பட்டுள்ளது.

கர்நாடகம் மற்றும் கேரள பகுதிகளில் கடந்த மாதம் கன மழை பெய்தது. இதனால் கர்நாடக அணைகளும், மேட்டூர் அணையும் நிரம்பியது. மழை குறைந்ததால் அணையில் நீர் திறப்பு படிப்படியாக குறைக்கப்பட்டது. கபினி அணையில் இருந்து கடந்த சில நாட்களாக 5 ஆயிரம் கன அடி நீர் மட்டுமே திறந்து விடப்பட்டது. இதனால் மேட்டூர் அணைக்கு நீர் வரத்து குறைந்து அணையின் நீர்மட்டம் 117 அடியானது.

மீண்டும் கனமழை

இந்த நிலையில் கேரளாவின் வயநாடு மற்றும் கர்நாடகாவில் குடகு மாவட்டத்தில் மீண்டும் கன மழை பெய்து வருகிறது. இதனால் கபினி அணைக்கு மீண்டும் நீர் வரத்து அதிகரித்துள்ளது. நேற்று காலை கபினி அணைக்கு 42 ஆயிரம் கன அடி நீர் வந்து கொண்டிருந்தது. இதனால் கபினி அணையின் நீர் மட்டம் மேலும் உயர்ந்தது. இதனால் அணையின் பாதுகாப்பு கருதி 50 ஆயிரம் கன அடி உபரி நீர் காவிரி ஆற்றில் தமிழகத்திற்கு திறந்து விடப்பட்டது. கிருஷ்ணராஜசாகர் அணையில் இருந்து தண்ணீர் காவிரி ஆற்றில் திறந்து விடப்பட்டுள்ளது. இந்த 2 அணைகளில் இருந்தும் 1.35 லட்சம் கன அடி நீர் திறந்து விடப்படுவதால் காவிரி ஆற்றில் தமிழகத்திற்கு திறந்து விடப்பட்டுள்ளது.

கூடுதல் நீர் திறப்பு

இந்த நீர் நேற்று இரவு ஒகனேக்கல்லை கடந்து மேட்டூர் அணைக்கு வந்து சேருகிறது. கர்நாடக அணைகளில் இருந்து கூடுதல் நீர் திறப்பால் தமிழக காவிரி கரையோர மாவட்டங்களான தருமபுரி உள்ளிட்ட 5 மாவட்டங்களுக்கு வெள்ள அபாய எச்சரிக்கை விடுக்கப்பட்டுள்ளது. கர்நாடக அணைகளில் இருந்து கூடுதல் நீர் திறப்பதால் மேட்டூர் அணை நீர்மட்டம் மீண்டும் 120 அடியை எட்டும் வாய்ப்பு உள்ளது.

சேர்வலாறு அணை...

இதே போல் ஊட்டி மலைப்பகுதியில் மழை பெய்வதால் பவானிசாகர் அணைக்கு நீர்வரத்து அதிகரித்துள்ளது. மேற்கு தொடர்ச்சி மலை பகுதியில் மீண்டும் கனமழை பெய்ய தொடங்கியுள்ளதால் பாபநாசம் அணைக்கு விநாடிக்கு 4 ஆயிரத்து 35 கன அடி நீர் வந்து கொண்டிருக்கிறது. இதனால் அணையின் நீர்மட்டம் 112.25 அடியாக உயர்ந்துள்ளது. பாபநாசம் அணைக்கு வரும் நீர் சேர்வலாறு அணைக்கு திருப்பி விடப்படுகிறது. இதனால் சேர்வலாறு அணையின் நீர்மட்டம் நேற்று காலை 123.23 அடியாக உயர்ந்துள்ளது.

பேச்சிப்பாறை அணை

குமரி மாவட்டத்தில் கடந்த 2 நாட்களாக தொடர்ந்து மழை பெய்து வருகிறது. திற்பரப்பு அருவி பகுதியில் பெய்து வரும் மழையினாலும், அணைகளில் இருந்து கூடுதல் நீர் வெளியேற்றப்படுவதாலும் அருவியில் வெள்ளம் ஆர்ப்பரித்து கொட்டுகிறது. பேச்சிப்பாறை, பெருஞ்சாணி அணைகளுக்கு வரக்கூடிய நீர்வரத்து கணிசமாக உயர்ந்துள்ளது. பேச்சிப்பாறை அணை நீர் மட்டம் நேற்று காலை 20.10 அடியாக உயர்ந்துள்ளது.

COCO Public Review | Kolamavu Kokila | கோலமாவு கோகிலா ரசிகர்கள் கருத்து

Funny Golden Retriver demanding to pat repeatedly and she loves it!!

கட்சியின் சொத்துக்களை அபகரிக்க முயலும் தி.மு.க வினர் - மு.க. அழகிரி பகிர் தகவல்

கண்பார்வை அற்றவர் வெறும் காகிதங்களை வைத்து ஒலி எழுப்பி சாகசம்

அழகிரிக்கு பதவி தர விரும்பாத ஸ்டாலின் - குடும்ப சண்டையால் வெடித்துள்ள பூகம்பம்

Kili Mooku Vaal Seval | தமிழகத்தின் பாரம்பரிய கிளி மூக்கு வால் சேவல் - Part 2

Chippiparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover - Part 2

Chippyparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover

வீட்டில் வளர்க்க தகுந்த வண்ண மீன்களின் வகைகள் | Aquarium | Aquarium fish in tamil

Racing Pigeon | Prepare to grow | புறாக்களை குஞ்சுகளிலிருந்து பந்தயத்திற்கு தயார் படுத்துதல்

இதை ஷேர் செய்திடுங்கள்:

View all comments

வாசகர் கருத்து