ஜப்பான் ஓபன் பேட்மிண்டன்: ஸ்ரீகாந்த் , பி.வி.சிந்து, பிரனாய் 2-வது சுற்றுக்கு முன்னேற்றம்

புதன்கிழமை, 12 செப்டம்பர் 2018      விளையாட்டு
Sindhu - Srikanth - Prannoy 2018 9 12

டோக்கியோ : ஜப்பான் ஓபன் பேட்மிண்டன் போட்டியின் முதல் சுற்று ஆட்டத்தில் இந்திய வீராங்கனை பி.வி.சிந்து, வீரர் ஸ்ரீகாந்த், பிரனாய் ஆகியோர் வெற்றி பெற்று 2-வது சுற்றுக்கு முன்னேறியுள்ளனர்.

பி.வி.சிந்து வெற்றி

ஜப்பான் ஓபன் பேட்மிண்டன் போட்டி டோக்கியோவில் நேற்று முன்தினம் தொடங்கியது. 16-ம் தேதி வரை நடைபெறும் இந்த போட்டியில் முன்னணி வீரர்–வீராங்கனைகள் கலந்து கொண்டுள்ளனர். இந்தியாவின் முன்னணி வீராங்கனையான சாய்னா நேவால் இந்த போட்டியில் பங்கேற்கவில்லை.

தொடக்க நாளில் நடந்த பெண்கள் ஒற்றையர் பிரிவு முதல் சுற்று ஆட்டம் ஒன்றில் சமீபத்தில் இந்தோனேஷியாவில் நடந்த ஆசிய விளையாட்டு போட்டியில் வெள்ளிப்பதக்கம் வென்றவரும், உலக தரவரிசையில் 3-வது இடத்தில் இருப்பவருமான இந்திய வீராங்கனை பி.வி.சிந்து, 13–ம் நிலை வீராங்கனையான ஜப்பானின் சயகா தகஹாஷியை சந்தித்தார். 53 நிமிடம் நடந்த இந்த ஆட்டத்தில் பி.வி.சிந்து கடும் போராட்டத்திற்கு பின் 21–17, 7–21, 21–13 என்ற செட் கணக்கில் சயகா தகஹாஷியை வீழ்த்தி 2–வது சுற்றுக்கு முன்னேறினார். 2–வது சுற்றில் சிந்து, சீன வீராங்கனை பான்ஜிவ் காவை எதிர்கொள்கிறார்.

பிரனாய் வெற்றி

ஆண்கள் ஒற்றையர் பிரிவில் நடந்த முதல் சுற்று ஆட்டம் ஒன்றில் உலக தரவரிசையில் 13-வது இடத்தில் உள்ள இந்திய வீரர் பிரனாய் 21–18, 21–17 என்ற நேர்செட்டில் அண்மையில் நடந்த ஆசிய விளையாட்டு போட்டியில் தங்கப்பதக்கம் வென்ற இந்தோனேஷியா வீரர் ஜோனதன் கிறிஸ்டியை வீழ்த்தி 2–வது சுற்றுக்குள் அடியெடுத்து வைத்தார். இந்த வெற்றியை பெற பிரனாய்க்கு 45 நிமிடமே தேவைப்பட்டது.

ஸ்ரீகாந்த் வெற்றி

மற்றொரு ஆட்டத்தில் உலக தரவரிசையில் 8–வது இடத்தில் இருக்கும் இந்திய வீரர் ஸ்ரீகாந்த் 21–13, 21–15 என்ற நேர்செட்டில் சீன வீரர் யுஜியாங் ஹூயாங்கை தோற்கடித்து 2–வது சுற்றுக்கு தகுதி பெற்றார். இன்னொரு ஆட்டத்தில் இந்திய வீரர் சமீர் வர்மா 18–21, 22–20, 10–21 என்ற செட் கணக்கில் தென்கொரியாவின் லீ டாங் குன்னிடம் தோல்வி கண்டு வெளியேறினார். இந்த ஆட்டம் 1 மணி 23 நிமிடம் நீடித்தது.

சாத்விக் ஜோடி தோல்வி

கலப்பு இரட்டையர் பிரிவில் முதல் சுற்று ஆட்டத்தில் இந்தியாவின் பிரனாவ் ஜெர்ரி சோப்ரா–சிக்கி ரெட்டி ஜோடி வெற்றி பெற்று அடுத்த சுற்றுக்குள் நுழைந்தது. இதேபிரிவில் இந்தியாவின் சாத்விக் சாய்ராஜ் ரங்கி ரெட்டி–அஸ்வினி பொன்னப்பா ஜோடி முதல் சுற்றுடன் நடையை வெறியேறியது.

சிறப்பம்சங்கள்

* ஸ்ரீகாந்த் 21–13, 21–15 என்ற நேர்செட்டில் சீன வீரர் யுஜியாங் ஹூயாங்கை தோற்கடித்து 2–வது சுற்றுக்கு தகுதி பெற்றார்.
* 13-வது இடத்தில் உள்ள இந்திய வீரர் பிரனாய் 21–18, 21–17 என்ற நேர்செட்டில் அண்மையில் நடந்த ஆசிய விளையாட்டு போட்டியில் தங்கப்பதக்கம் வென்ற இந்தோனேஷியா வீரர் ஜோனதன் கிறிஸ்டியை வீழ்த்தி அடுத்த சுற்றுக்கு தகுதி.
*  53 நிமிடம் நடந்த இந்த ஆட்டத்தில் பி.வி.சிந்து கடும் போராட்டத்திற்கு பின் 21–17, 7–21, 21–13 என்ற செட் கணக்கில் சயகா தகஹாஷியை வீழ்த்தி 2–வது சுற்றுக்கு முன்னேறினார்.

Jallikattu 2019 | Alanganallur

Viswasam Review | Ajith | Nayanthara | Viswasam Movie review

PETTA MOVIE REVIEW | Petta Review | Rajinikanth | Vijay Sethupathi | Karthik Subbaraj | Anirudh

Chippiparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover - Part 5

Power of Attorney | பவர் பத்திரம் | பவர் ஆப் அட்டார்னி | பொது அதிகார பத்திரம்

குடித்துவிட்டு வாகனம் ஓட்டி விபத்து நடிகர் சக்தி கைதாகி விடுதலை

குறைந்த செலவில் அதிக லாபம் தரும் நாட்டு கோழி வளர்ப்பு | Nattu kozhi

இதை ஷேர் செய்திடுங்கள்:

View all comments

வாசகர் கருத்து