முக்கிய செய்திகள்
Idhayam Matrimony

வங்கக் கடலில் புதிய காற்றழுத்த தாழ்வுப் பகுதி: நாளை முதல் 3 நாட்களுக்கு தமிழகம், புதுவையில் மழை

சனிக்கிழமை, 17 நவம்பர் 2018      தமிழகம்
Image Unavailable

சென்னை,வங்கக் கடலில் புதிதாக உருவாகவுள்ள காற்றழுத்த தாழ்வுப் பகுதியால் நாளை 19-ம் தேதி மற்றும் 20, 21 ஆகிய தேதிகளில் தமிழகம், புதுவையில் மழை இருக்கும் என வானிலை ஆய்வு மையம் தெரிவித்துள்ளது.

இது தொடர்பாக சென்னையில் நேற்று செய்தியாளர்களைச் சந்தித்த வானிலை ஆய்வு மைய இயக்குனர் பாலச்சந்திரன் கூறியதாவது:-தமிழகப் பகுதிகளைக் கடந்து காற்றழுத்த தாழ்வு மண்டலமாக வலுவிழந்த கஜா புயல் தொடர்ந்து மேற்கு திசையில் நகர்ந்து கேரள பகுதிகளைத் தாண்டி தென்கிழக்கு அரபிக்கடல் பகுதியில் உள்ள லட்சத்தீவுகள் பகுதியில் ஆழ்ந்த காற்றழுத்த தாழ்வு மண்டலமாக வலுப்பெற்று நிலை கொண்டுள்ளது. அது அடுத்து வரும் 24 மணி நேரத்தில் புயலாக வலுப்பெற்று மேற்கு திசை நோக்கி நகர்ந்து செல்லும்.

மூன்று நாட்களுக்கு...தெற்கு அந்தமான் பகுதியில் வளிமண்டலத்தில் மேலடுக்கு சுழற்சி நிலவுகிறது. அடுத்து வரும் 24 மணி நேரத்தில் தெற்கு வங்கக் கடல் பகுதியும், மத்தியப் பகுதியில் குறைந்த காற்றழுத்த தாழ்வுப் பகுதி உருவாகக் கூடும். இது வரும் 19, 20 ஆகிய தேதிகளில் மேற்கு திசையில் தென்மேற்கு வங்கக் கடலில் தமிழக கடற்கரைப் பகுதிகளை நோக்கி நகரக் கூடும். அதனால் வரும் 19, 20, 21 ஆகிய தேதிகளில் தமிழகம் மற்றும் புதுவையில் மழை பெய்யக் கூடும்.

மீனவர்கள்...கடந்த 24 மணி நேரத்தில் சிவகங்கையில் 17 செ.மீ. மழையும் கொடைக்கானல் பகுதியில் 14 செ.மீ. மழையும் பெய்துள்ளது. அடுத்து வரும் 24 மணி நேரத்தில் தமிழகம் மற்றும் புதுவையில் ஒரு சில இடங்களில் மிதமான மழை பெய்யக் கூடும். மீனவர்களுக்கான எச்சரிக்கையைப் பொறுத்தவரையில் தென் கிழக்கு அரபிக்கடலில் இன்று 18-ம் தேதி, 19-ம் தேதியிலும், தென் மேற்கு அரபிக்கடலில் வரும் 19, 20 தேதிகளில் செல்ல வேண்டாம் என அறிவுறுத்தப்படுகிறார்கள். வங்கக்கடலில் மீனவர்கள் தெற்கு வங்கக் கடலின் மத்தியப் பகுதியில் இன்று 18-ம் தேதியும், தென் மேற்கு வங்கக்கடல் பகுதியில் நாளை 19-ம் தேதி, 20-ம் தேதி ஆகிய நாட்களில் செல்ல வேண்டாம் என்று கேட்டுக் கொள்ளப்படுகிறார்கள். சென்னைக்கு தற்போது லேசான மழைதான். வரும் 19, 20-ம் தேதிகளில் மழைக்கு வாய்ப்புள்ளது. இவ்வாறு பாலச்சந்திரன் தெரிவித்தார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 2 weeks 6 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 2 weeks 6 days ago ஆவாரம்பூவின் மருத்துவ பலன்கள் 2 weeks 6 days ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 2 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 4 days ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 17 hours ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.