முக்கிய செய்திகள்
Idhayam Matrimony

15 பந்து, 5 ரன், 6 விக்கெட் எடுத்து நியூசிலாந்து வீரர் போல்ட் அசத்தல் - 104 ரன்னில் சுருண்டது இலங்கை

வியாழக்கிழமை, 27 டிசம்பர் 2018      விளையாட்டு
Image Unavailable

கிறிஸ்ட்சர்ச் : நியூசிலாந்து வேகப்பந்து வீச்சாளர் டிரென்ட் போல்ட், வெறும் 15 பந்துகளில் 5 ரன் மட்டுமே விட்டுக்கொடுத்து 6 விக்கெட் வீழ்த்தி அசத்தினார்.

178 ரன்களுக்கு...

இலங்கை கிரிக்கெட் அணி, நியூசிலாந்தில் சுற்றுப்பயணம் செய்து கிரிக்கெட் விளையாடி வருகிறது. இந்த அணிகளுக்கு இடையிலான 2-வது மற்றும் கடைசி டெஸ்ட் போட்டி கிறிஸ்ட்சர்ச்சில் நேற்று முன்தினம் தொடங்கியது. முதலில் பேட் செய்த நியூசிலாந்து அணி, முதல் இன்னிங்சில் 178 ரன்களுக்கு ஆல்-அவுட் ஆனது. இலங்கை வேகப்பந்து வீச்சாளர்கள் சுரங்கா லக்மல் 5 விக்கெட்டுகளும், லஹிரு குமாரா 3 விக்கெட்டுகளும் கைப்பற்றினர்.

2-வது நாள் ஆட்டம்

அடுத்து தனது முதல் இன்னிங்சை தொடங்கிய இலங்கை அணி முதல் நாள் ஆட்ட நேர முடிவில் 4 விக்கெட் இழப்புக்கு 88 ரன்கள் எடுத்திருந் தது. மேத்யூஸ் (27 ரன்), ரோஷன் சில்வா (15 ரன்) ஆட்டமிழக்காமல் இருந்தனர். 2-வது நாள் ஆட்டம் நேற்று தொடங்கியது. நியூசிலாந்து வேகப் பந்து வீச்சாளர் போல்ட் அதிரடியாக பந்துவீசினார். அவரது வேகத்தில் இலங்கை அணி தடுமாறியது. வெறும் 5 ரன்களை மட்டுமே விட்டுக்கொடுத்து, பின் வரிசையின் ஆறு விக்கெட்டையும் அவர் தனது வேகத்தால் அள்ளினார். இதில் நான்கு பேர், டக் அவுட் என்பது குறிப்பிடத்தக்கது.

104 ரன்னில்...

15 ரன் எடுத்திருந்த ரோஷன் சில்வா, நேற்று இன்னும் ஆறு ரன் சேர்த்த நிலையில் போல்ட் பந்துவீச்சில் சவுதியிடம் கேட்ச் கொடுத்து ஆட்டமிழந்தார். அடுத்து விக்கெட் கீப்பர் டிக்வெல்லா வந்தார். பவுண்டரி விளாசிய அவர், வெறும் 4 ரன்களில் போல்ட் பந்துவீச்சில் சவுதியிடம் கேட்ச் கொடுத்து, சில்வா போலவே ஆட்டமிழந்தார். அடுத்து வந்த பெரேரா, லக்மல், சமீரா, லஹிரு குமாரா ஆகியோரை அடுத்தடுத்து எல்பிடபிள்யூ முறையில் ஆட்டமிழக்க செய்தார் போல்ட். இதையடுத்து முதல் இன்னிங்ஸில் 104 ரன்னுக்கு அந்த அணி ஆட்டமிழந்தது. 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 4 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து