முக்கிய செய்திகள்
Idhayam Matrimony

உதிரிகட்சிகளுடன் சேர்ந்து ஸ்டாலின் கூட்டணி வைத்திருக்கிறார் ஆலோசனை கூட்டத்தில் ராஜன்செல்லப்பா எம்.எல்.ஏ.பேச்சு

ஞாயிற்றுக்கிழமை, 30 டிசம்பர் 2018      மதுரை
Image Unavailable

மதுரை,-       உதிரிகட்சிகளுடன் சேர்ந்து மு.க.ஸ்டாலின் கூட்டணி வைத்திருக்கிறார் என்று மதுரை கிழக்குத்தொகுதியில் நடைபெற்ற ஆலோசனைக்கூட்டத்தில் வி.வி.ராஜன்செல்லப்பா எம்.எல்.ஏ. பேசினார்.
    மதுரை புறநகர் மாவட்டம் கிழக்குத்தொகுதியில் உள்ள கிழக்கு ஒன்றியத்தில் சார்பில் பூத் கமிட்டி ஆலோசனைக்கூட்டம் ஒத்தக்கடையில் நேற்று நடைபெற்றது. இதற்கு ஒன்றிய கழக செயலாளர் தக்கார் பி.பாண்டி தலைமை வகித்தார். மதுரை மேற்கு ஒன்றிய கழக செயலாளர் கே.முருகேசன், வண்டியூர் பகுதி  செயலாளர் எம்.ஏ.முருகன், திருப்பாலை பகுதி கழக செயலாளர் எஸ்.ஜீவானந்தம், பொதுக்குழு உறுப்பினர் தனம்போஸ், மாவட்ட மகளிர்அணிச்செயலாளர் சண்முகப்பிரியா, முன்னாள் ஒன்றிய கழக செயலாளர் கள்ளந்திரி சேகர், முன்னாள் மாவட்ட கவுன்சிலர் எம்.ஏ.பாலு ஆகியோர் முன்னிலை வகித்தனர், ஒத்தக்கடை கிளைக்கழக செயலாளர் முத்துகிருஷ்ணன், வரவேற்புரை ஆற்றினார்.
    இக்கூட்டத்திற்கு மதுரை புறநகர் மாவட்ட கழக செயலாளர் வி.வி.ராஜன்செல்லப்பா சிறப்புரை ஆற்றினார்.  இந்நிகழ்ச்சியில் மாவட்ட கழக நிர்வாகிகள் எஸ்.என்.ராஜேந்திரன், எஸ்.அம்பலம், மாவட்ட இளைஞர் அணிச்செயலாளர் வக்கீல் ரமேஷ், பொதுக்குழு உறுப்பினர்கள் இரா.முத்துக்குமார், பாலகிருஷ்ணன், அவனியாபுரம் பகுதி செயலாளர் எஸ் முனியாண்டி, திருப்பரங்குன்றம் ஒன்றிய கழக செயலாளர் நிலையூர் முருகன், வக்கீல் ஈரோட்டுச்சாமி, துதிதிருநாவுக்கரசு உட்பட பலர் கலந்து கொண்டனர்.
இந்த கூட்டத்தில் மதுரை புறநகர் மாவட்ட அ.தி.மு.க.செயலாளரும், எம்.எல்.ஏ.வுமான வி.வி.ராஜன்செல்லப்பா பேசியதாவது:-
    மதுரை புறநகர் மாவட்டத்ததைச் சேர்ந்த கிழக்கு தொகுதியில் உள்ள இந்த கிழக்கு ஒன்றியத்தில் முதல்கட்டமாக 15 ஊராட்சிகளில் உள்ள 54 பூத்துக்களில் பூத்கமிட்டி முகவர் ஆலோசனைக்கூட்டம் நடைபெறுகிறது. கடந்த சில நாட்களுக்கு முன்பு தலைமை கழகத்தில் முதலமைச்சர் மற்றும் துணைமுதலமைச்சரின் தலைமையில் மாவட்ட செயலாளர்கள் கூட்டம் நடைபெற்றது.
    அதில் வரும் தேர்தல் காலங்களில் நாம் எப்படி செயலாற்ற வேண்டும் என்று அ.தி.மு.க. ஒருங்கிணைப்பாளர்கள் நமக்கு அறிவுரை வழங்கினார்கள். அதில் குறிப்பாக முதலமைச்சரின் சொந்த மாவட்டமான சேலம் மாவட்டத்தில் 200 வாக்காளர்களுக்கு 6 நபர் வீதம் பூத் கமிட்டி பொறுப்பாளர்கள் நியமிக்கப்பட்டுள்ளனர். மேலும் அதற்கு தனியாக பூத் கமிட்டி நோட் அமைக்கப்பட்டுள்ளது. இதில் 200 வாக்காளர்களுக்கும் இந்த 6  பூத் கமிட்டி பொறுப்பாளர்கள் தான் அரசின் சாதனைகளை சொல்லி வாக்குள் கேக்க வேண்டும். அவர்களுக்கு மேல் ஒவ்வொரு பூத் கமிட்டிக்கும், பூத் கமிட்டி நிர்வாகிகள் 18 பேர் நியமிக்கப்பட உள்ளனர்.
          முதலமைச்சரின் வழிகாட்டுதலின் படி சேலம் மாவட்டத்தில் அமைக்கப்பட்டது போல் நமது புறநகர் மாவட்டத்தில் உள்ள 6 தொகுதிகளிலும் பூத் கமிட்டி விரைவில் அமைக்கப்பட உள்ளது. தற்போது திருப்பரங்குன்றம் தொகுதியில் இப்பணிகள் முழுமை பெற்றுள்ளது. தற்போது கிழக்கு தொகுதியில் அதே போன்று பூத் கமிட்டி அமைக்க முதல்கட்ட ஆலோசனைக்கூட்டம் இங்கு நடைபெறுகிறது. இந்த பணிகள் அனைத்தும் விரைவில் முடித்திட வேண்டும்
   தற்போது தி.மு.க.வில் ஸ்டாலின் பலம் இழந்துள்ளார். முன்னாள் முதல்வர் அம்மா கடந்த சட்டமன்ற தேர்தலில் கூட்டணி வைக்காமல் தனித்து நின்றார். உதிரிகட்சியெல்லாம் ஒன்றாக இணைந்து போட்டியிட்டன அவர்களெல்லாம் தேர்தலில் வெற்றி பெற முடியவில்லை. தற்போது அந்த உதிரிகட்சிகளுடன் சேர்ந்து ஸ்டாலின் கூட்டணி வைத்துள்ளார். அந்த கூட்டணி விரைவில் சிதைந்து போய்விடும் என்ற கவலையில் ஸ்டாலின் உள்ளார்.     முதலமைச்சர், துணைமுதலமைச்சர் ஆகியோர் தேர்தல் வியூகங்களை வகுத்து வருகின்றனர். அதன் படி நாம் களப்பணியாற்றி அ.தி.மு.க.விற்கு மாபெரும் வெற்றியைத்தேடித் தர வேண்டும். இவ்வாறு அவர் பேசினார்.  

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 4 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து