முக்கிய செய்திகள்
Idhayam Matrimony

நியூசி.க்கு எதிரான முதல் டி-20 போட்டி: 80 ரன்கள் வித்தியாசத்தில் இந்திய அணி படுதோல்வி

புதன்கிழமை, 6 பெப்ரவரி 2019      விளையாட்டு
Image Unavailable

வெலிங்டன் : நியூசிலாந்துக்கு எதிரான முதல் டி-20 போட்டியில் இந்திய அணி 80 ரன்கள் வித்தியாசத்தில் படுதோல்வி அடைந்தது. இந்த தோல்வி மூலம் 3 போட்டிகள் கொண்ட தொடரில் 0-1 என்ற கணக்கில் பின்தங்கியுள்ளது இந்திய அணி.

நியூஸிலாந்துக்கு எதிரான தொடரை வென்றதால், கடந்த இரண்டு ஒருநாள் போட்டிகள் இந்திய கேப்டன் விராட் கோலி விளையாடவில்லை. இதனால் ரோகித் ஷர்மா இந்திய அணியின் கேப்டனாக விளையாடினார். விராட் கோலியின் மூன்றாவது இடத்தில் சுப்மன் கில் களமிறங்கினார். அதேபோன்று நேற்றைய டி20 போட்டியிலும் ரோகித் சர்மாவே கேப்டனாக களம் இறங்கினார்.

இந்திய அணி:

ரோகித் சர்மா, ஷிகர் தவான், ரிஷப் பன்ட், விஜய் சங்கர், தினேஷ் கார்த்திக், தோனி, ஹர்திக் பாண்ட்யா, க்ரூணால் பாண்ட்யா, புவனேஷ்வர் குமார், சாஹல் மற்றும் கலீல் அகமது.

நியூசிலாந்து அணி

செய்பிரட், முன்ரோ, வில்லியம்சன், மிட்சல், ராஸ் டெய்லர், கிராண்ட் ஹோம், சான்ட்னர், குஜலேன், சவுதி, சோதி, பெர்க்யூசன்.

219 ரன்கள் குவிப்பு

டாஸ் வென்ற இந்திய அணி முதலில் பந்துவீச தீர்மானித்தது. நியூசிலாந்து வீரர்கள் தொடக்கம் முதலே இந்திய அணியின் பந்துவீச்சை அடித்து நொறுக்கினர். அந்த அணி 20 ஓவர்கள் முடிவில் 6 விக்கெட் இழப்பிற்கு 219 ரன்கள் குவித்தது. அந்த அணியில் செய்பெர்ட் 43 பந்துகளில் 84 ரன்கள் விளாசினார். அதேபோல், முன்ரோ 34, வில்லியம்சன் 34 ரன்கள் எடுத்தனர்.

டோனி 39 ரன்...

இதனிடையே, 220 ரன்கள் என்ற இலக்குடன் விளையாடிய இந்திய அணியில், ஷிகர் தவான் 29, விஜய் சங்கர் 27 ரன்கள் எடுத்து ஆட்டமிழந்தனர். ரோகித் 1, பண்ட் 4, தினேஷ் கார்த்திக் 5, ஹர்திக் பாண்ட்யா 4, புவனேஷ்வர் குமார் 1 என அனைவரும் சொற்ப ரன்னில் ஆட்டமிழந்தனர். சற்று நேரம் தாக்குபிடித்த குர்ணால் பாண்ட்யா 20 ரன்னில் அவுட் ஆக, கடைசி கட்டம் வரை போராடிய டோனி 31 பந்தில் 39 ரன்கள் எடுத்து ஆட்டமிழந்தார்.

80 ரன்கள்...

இறுதியில் இந்திய அணி 19.2 ஓவரில் 139 ரன்கள் மட்டுமே எடுத்து அனைத்து விக்கெட்களையும் இழந்தது. நியூசிலாந்து அணி 80 ரன்கள் வித்தியாசத்தில் வெற்றி பெற்றது. நியூசிலாந்து அணி தரப்பில் சவுத்தி 3 விக்கெட் சாய்த்தார். பெர்குசன், சண்ட்னெர், சோதி தலா இரண்டு விக்கெட்கள் எடுத்தனர். 84 ரன்கள் விளாசிய செய்பெர்ட் ஆட்டநாயகனாக தேர்வு செய்யப்பட்டார்.

மோசமான பந்துவீச்சு...

நியூசிலாந்து அணிக்கு எதிரான ஒருநாள் தொடரை இந்திய அணி 4-1 என்ற கணக்கில் வென்றிருந்தது. அதே உற்சாகத்தில் இந்திய அணி டி20 தொடரிலும் வெற்றிகளை குவிக்கும் என்று எதிர்பார்க்கப்பட்டது. ஆனால், இந்திய அணியின் பந்துவீச்சு மிகவும் மோசமாக இருந்தது, புவனேஷ்வர் குமார், அகமது, ஹர்திக் பாண்ட்யாம் சாஹல் என அனைவருமே ரன்களை வாரி வழங்கினர். நியூசிலாந்து பேட்ஸ்மேன்களை இறுதிவரை கட்டுப்படுத்தவே முடியவில்லை.  ஏற்கனவே 4வது ஒருநாள் போட்டியில் இந்திய அணி 92 ரன்களில் ஆட்டமிழந்து சொதப்பி இருந்தது.

ரோகித் திணறல்...

நேற்றைய போட்டியில் ரோகித் சர்மா தொடங்கி குர்ணால் பாண்ட்யா வரை கிட்டத்தட்ட 8 பேர் பேட்ஸ்மேன்கள். இருப்பினும் ஒருவரும் அரைசதம் கூட அடிக்கவில்லை. 51 ரன்னிற்கு இந்திய அணி ஒரு விக்கெட் மட்டுமே வீழ்ந்திருந்தது. ஆனால், 77 ரன் எடுப்பதற்கு 6   விக்கெட்களை பறிகொடுத்துவிட்டது. விராட் கோலி இல்லாத நிலையில் இந்திய அணியின் பேட்டிங் வரிசை மிகவும் கவலைக்கிடமான நிலையை எட்டியுள்ளது. ரோகித் கடந்த சில போட்டிகளாக தொடர்ந்து சொதப்பி வருகிறார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து