முக்கிய செய்திகள்
Idhayam Matrimony

வாட்சன் அதிரடியால் ஹைதராபாத்தை பந்தாடிய சிஎஸ்கே: ப்ளே ஆஃப் சுற்றை உறுதி செய்தது

புதன்கிழமை, 24 ஏப்ரல் 2019      விளையாட்டு
Image Unavailable

சென்னை : ஐ.பி.எல் தொடரில், சென்னையில் நடைபெற்ற ஹைதராபாத்துக்கு எதிரான போட்டியில் சென்னை சூப்பர் கிங்ஸ் அணி 6 விக்கெட் வித்தியாசத்தில் வெற்றி பெற்றது. இந்த வெற்றி மூலம் ப்ளே ஆஃப் சுற்றை சி.எஸ்.கே. உறுதி செய்துள்ளது.

சென்னை பந்துவீச்சு...

சென்னை சூப்பர் கிங்ஸ், சன்ரைசர்ஸ் ஹைதராபாத் அணிகளுக்கு இடையிலான ஐபிஎல் லீக் போட்டி சேப்பாக்கம் மைதானத்தில்  நடைபெற்றது. இதில் டாஸ் வென்ற சென்னை அணி முதலில் பந்துவீச தீர்மானித்தது. இதையடுத்து பேட்டிங்கை தொடர்ந்த ஹைதராபாத் அணியின் தொடக்க வீரர் பேர்ஸ்டோவ் ரன் ஏதும் எடுக்காமல், ஹர்பஜன் பந்தில் ஆட்டமிழந்தார்.

பாண்டே அபாரம்...

இதையடுத்து ஜோடி சேர்ந்த டேவிட் வார்னரும், மனீஷ் பாண்டேவும் அதிரடியாக ரன் குவித்தனர். வார்னர் 57 ரன்களில் அவுட் ஆன நிலையில், மனீஷ் பாண்டே கடைசி வரை அவுட் ஆகாமல் 83 ரன்கள் குவித்தார். ஹைதராபாத் அணி 20 ஓவர்களில் 3 விக்கெட் இழப்புக்கு 175 ரன்கள் சேர்த்தது.

ரெய்னா 38 ரன்...

இதையடுத்து பேட்டிங்கை தொடர்ந்த சென்னை அணியின் தொடக்க வீரர் டூ பிளசிஸ் 1 ரன்னில் ரன் அவுட் ஆனார். இதனைத்தொடர்ந்து களமிறங்கிய ரெய்னா வாட்சன் உடன் ஜோடி சேர்ந்தார். இவர்கள் இருவரும் இரண்டாவது விக்கெட்டிற்கு 77 ரன்கள் எடுத்தனர். சுரேஷ் ரெய்னா 24 பந்துகளில் 38 ரன்கள் சேர்த்து வெளியேறினார்.

வாட்சன் அதிரடி...

எனினும், மறுமுனையில் வாட்சன் தனது அதிரடி ஆட்டத்தை தொடர்ந்தார். குறிப்பாக சந்தீப் சர்மா வீசிய ஓவர்களை வாட்சன் நொறுக்கினார். அத்துடன் 53 பந்துகளை மட்டுமே சந்தித்த வாட்சன் 6 சிக்ஸர்கள் உள்பட 96 ரன்கள் குவித்து சென்னையின் வெற்றியை உறுதி செய்தார். இவர் 17-வது ஒவரில் புவனேஷ்வர் குமாரின் பந்துவீச்சில் அவுட்டாகி சதத்தை நழுவவிட்டார்.

முதலிடத்திற்கு...

இறுதியில் சென்னை அணி 19.5 ஓவர்களில் 4 விக்கெட்களை இழந்து 176 ரன்கள் சேர்த்து, 6 விக்கெட் வித்தியாசத்தில் வெற்றி பெற்றது. இந்த வெற்றி மூலம், சென்னை அணி 16 புள்ளிகளுடன், புள்ளிகள் பட்டியலில் முதலிடத்துக்கு முன்னேறியது குறிப்பிடத்தக்கது. மேலும், ப்ளே ஆஃப் சுற்றுக்கு நுழைவதை உறுதி செய்துள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து