அ.தி.மு.க.வில் மீண்டும் இணைந்தார் ராதாரவி

புதன்கிழமை, 12 ஜூன் 2019      தமிழகம்
rejoin admk radharavi 2019 06 12

சென்னை : முதல்வர் எடப்பாடி பழனிசாமியை அவரது இல்லத்தில் சந்தித்து நடிகர் ராதாரவி அ.தி.மு.க.வில் இணைந்தார்.

சென்னை கிரீன்வேஸ் இல்லத்தில் முதல்வர் எடப்பாடி பழனிசாமியை சந்தித்து அ.தி.மு.க.வில் நடிகர் ராதாரவி இணைந்தார். ராதாரவி, அ.தி.மு.க.வில் இணைந்த போது அமைச்சர் கடம்பூர் ராஜூ உடனிருந்தார். நடிகை நயன்தாரா பற்றி அவதூறாக பேசியதால் தி.மு.க.வில் இருந்து ராதாரவி சஸ்பெண்ட் செய்யப்பட்டிருந்தார்  என்பது குறிப்பிடத்தக்கது.

பதவிக்காக இல்லை

அ.தி.மு.க.வில் இணைந்த பின் நடிகர் ராதாரவி நிருபர்களுக்கு பேட்டியளித்தார். அப்போது அ.தி.மு.க.வில் பதவி தருவதாக சொல்லி இருக்கிறார்களா? என்று நிருபர்கள் கேள்வி எழுப்பினர். அதற்கு பதலளித்த நடிகர் ராதாரவி, இல்லை. நான் எந்த காலத்திலும் பதவியை எதிர்பார்த்தது இல்லை. கேட்கும் திட்டமும் இல்லை.

நடிகர் சங்கம் வி‌ஷயமாக இப்போது சேலத்துக்கு சென்று கொண்டு இருக்கிறேன். வந்ததும் சில முக்கிய அறிவிப்புகள் தருகிறேன். இன்றைய ஆலோசனை கூட்டத்தில் பிசியாக இருப்பதால் சரியாக பேச முடியவில்லை. சேலத்தில் இருந்து வந்த பிறகு மீண்டும் சந்தித்து பேச திட்டமிட்டுள்ளேன். இவ்வாறு அவர் கூறினார்.

இதை ஷேர் செய்திடுங்கள்:

View all comments

வாசகர் கருத்து