டோங்கா பிரதமர் போஹிவா காலமானார்

வியாழக்கிழமை, 12 செப்டம்பர் 2019      உலகம்
Bohiva 2019 09 12

டோங்கா : பசிபிக் தீவு நாடான டோங்காவின் பிரதமரும் , காலநிலை மாற்றம் குறித்து பிரச்சாரத்தில் ஈடுபட்டவருமான போஹிவா உடல் நலக்குறைவால் காலமானார். அவருக்கு வயது 78.

இது குறித்து நியூஸிலாந்து தகவல் துறை அமைச்சகம் கூறுகையில்,  அகிலிஸி போஹிவா இரண்டு வாரங்களுக்கு முன்னர் கல்லீரல் பிரச்சினை காரணமாக நியூஸிலாந்தில் உள்ள மருத்துவமனையில் சிகிச்சை பெற்று வந்தார். இந்த நிலையில் அவர் சிகிச்சை பலனின்றி வியாழக்கிழமை (நேற்று) மரணமடைந்தார் என்று தெரிவிக்கப்பட்டுள்ளது. போஹிவாவின் மறைவைத் தொடர்ந்து நியூஸிலாந்து நாடாளுமன்றம் காலவரையின்றி ஒத்திவைக்கப்பட்டுள்ளது. போஹிவாவின் மறைவுக்கு உலகத் தலைவர்கள் பலர் தங்கள் இரங்கலை தெரிவித்துள்ளனர்.

போஹிவாவின் மறைவு குறித்து ஆஸ்திரேலியப் பிரதமர் ஸ்காட் மோரிசன் தனது டுவிட்டர் பக்கத்தில், டோங்காவின் பிரதமர் போஹிவாவின் மறைவு அறிந்து மிகுந்த வருத்தம் அடைந்தேன். அவர் தனது மக்களுக்கு சிறந்த வழக்கறிஞராக இருந்தார் என்று தெரிவித்துள்ளார்.

டோங்காவின் ஜனநாயக இயக்கத்துக்கு பெரும் சக்தியாக விளங்கினார் போஹிவா. கடந்த முப்பது வருடங்களாக டோங்காவில் நடந்த அரசாட்சிக்கு போஹிவா அரசியல் ரீதியாக தனது எதிர்ப்பைத் தொடர்ந்து தெரிவித்து வந்தார். இதன் காரணமாக அவர் மீது தேசவிரோத குற்றச்சாட்டு சுமத்தப்பட்டது. மேலும் தேர்தலின் மூலம் டோங்காவின் பிரதமராகத் தேர்ந்தெடுக்கப்பட்ட முதல் சாமனியரும் போஹிவாதான். அதிக முறை நாடாளுமன்றத்திற்கு தேர்ந்தெடுக்கப்பட்டவரும் போஹிவா தான்.றும் அரசியல் சார்ந்து மட்டும் இல்லாமல் காலநிலை மாற்றம் குறித்த தீவிரப் பிரச்சாரத்திலும் போஹிவா ஈடுபட்டார்.

Pillayar Patti Lord Vinayagar temple | பிள்ளையார்பட்டி கற்பக மூர்த்தி விநாயகர் திருக்கோயில் வரலாறு

அம்மியில் அரைத்து, மசாலா உதிராமல் மீன் வறுவல் | Traditional Fish fry in tamil | Viraal meen varuval

How to Make Coconut Oil at Home| வீட்டிலேயே தேங்காய் எண்ணெய் தயாரிப்பது எப்படி| Homemade Coconut Oil

Nattu kozhi Pepper Fry in Tamil | நாட்டு கோழி மிளகு கறி | Chicken Pepper fry | Country Chicken Fry

Fish Manchurian recipe in Tami l மீன் மஞ்சுரியன் l How to make fish manchrian in Tamil|Fish Recipes

Chicken Popcorn Recipes in Tamil |சிக்கன் பாப்கார்ன்|Crispy Fried Chicken|Chicken Recipes in Tamil

இதை ஷேர் செய்திடுங்கள்:

View all comments

வாசகர் கருத்து