பயங்கரவாதிகளை இனப்பெருக்கம் செய்யும் நாடாக பாக். மாறியுள்ளது - பலூச் ஆர்வலர் குற்றச்சாட்டு

வியாழக்கிழமை, 12 செப்டம்பர் 2019      உலகம்
Baluch activist alleges pak 2019 09 12

ஜெனிவா : பாகிஸ்தான் பயங்கரவாதிகளை இனப்பெருக்கம் செய்யும் நாடாக மாறியுள்ளது. மேலும் சட்டவிரோதம் மற்றும் சிறுபான்மையினருக்கு எதிரான அநீதிகளால் உலகத்திற்கும் குறிப்பாக அண்டை நாடுகளுக்கும் அச்சுறுத்தலாக அந்நாடு மாறியுள்ளது என பலூச் ஆர்வலர் ஒருவர் குற்றம் சாட்டி உள்ளார்.

பலூச் மனித உரிமைகள் பேரவையின் பொதுச்செயலாளர் சமத் பலூச் கூறி இருப்பதாவது:-

பாகிஸ்தான் பயங்கரவாதத்தை இனப்பெருக்கம் செய்து வருகிறது. பாகிஸ்தான் பலூச் மக்களை திட்டமிட்டே இனப்படுகொலை செய்வது மட்டுமல்லாமல், நமது சிந்தி சகோதரர்களான பஷ்டூன்களின் இனப்படுகொலையிலும் ஈடுபட்டுள்ளது. இது உலகிற்கும் அச்சுறுத்தலாகும். ஏனெனில் அது ஒரு முரட்டு அரசு, அங்கு எந்த சட்டமும் இல்லை, நீதியும் இல்லை. பயங்கரவாதத்தை எதிர்த்துப் போராடுவதற்கு வெளிநாடுகளும், சர்வதேச அமைப்புகளும் பாகிஸ்தானுக்கு நிதி உதவி வழங்கி வருகின்றன. இந்த நிதியை பாகிஸ்தான் சட்டவிரோத நடவடிக்கைகளுக்கு நிதியளிப்பதற்காக மதரஸாக்களைக் கட்டுவதற்கும், பிராந்தியத்தில் பயங்கரவாத நடவடிக்கைகளை மேற்கொள்வதற்காக தற்கொலை படையினருக்கு பயிற்சியளிப்பதற்கும் பயன்படுத்தி வருகிறது.

எங்கள் அமைப்பு மேற்கத்திய நாடுகளில் உயர் படிப்பை முடிக்க தங்கள் சொந்த மகன்களையும் மகள்களையும் அனுப்புகிறது. ஆனால் எங்கள் குழந்தைகளை மதரஸாக்களில் சேர மூளைச் சலவை செய்து தவறான பிரசாரத்தின் கீழ் ஜிஹாத்தை பரப்புகிறது. பாகிஸ்தானின் முழு ஊடகங்களும், அரசியல்வாதிகளும், ராணுவமும் உலகிற்கு பொய் சொல்கின்றன. நாடு ஏற்கனவே மரணப் படுக்கையில் உள்ளது. எனவே சர்வதேச நாணய நிதியம் மற்றும் உலக வங்கி உள்ளிட்ட உலகளாவிய பணக் கடன் வழங்குபவர்கள் அந்த நாட்டிற்கு கடன் வழங்க தயங்குகிறார்கள். நாங்கள் நிறைய கஷ்டப்பட்டோம். எங்களது சமூக-கலாச்சார, பொருளாதார உரிமைகள் மறுக்கப்பட்டுள்ளன. பலூசிஸ்தான் கொள்ளையடிக்கப்பட்டுள்ளது, அவர்கள் எங்களது வளங்களை கொள்ளையடித்துள்ளனர். பலூசிஸ்தான் தாதுக்கள் மற்றும் இயற்கை வளங்களால் நிறைந்துள்ளது, ஆனாலும் மக்கள் பாதிக்கப்படுகின்றனர் என கூறினார்.

Darbar Public Review | FDFS | Rajinikanth, Suniel Shetty, Nayanthara

இதை ஷேர் செய்திடுங்கள்:

View all comments

வாசகர் கருத்து