முக்கிய செய்திகள்
Idhayam Matrimony

காஷ்மீரை மீண்டும் சொர்க்கமாக உருவாக்க வேண்டும் -பிரதமர் மோடி

வியாழக்கிழமை, 19 செப்டம்பர் 2019      இந்தியா
Image Unavailable

நாசிக் : மராட்டிய மாநிலம் நாசிக்கில் நடந்த பொதுக்கூட்டத்தில் பேசிய பிரதமர் நரேந்திர மோடி காஷ்மீரிகளை பின்பற்றி காஷ்மீரை மீண்டும் சொர்க்கமாக உருவாக்க வேண்டும் என்று பேசினார்.

மராட்டிய மாநிலம் நாசிக் நகரில் மகா ஜன ஆதேஷ் யாத்திரையின் இறுதி நாளில் பிரதமர் நரேந்திர மோடி உரையாற்றினார். அப்போது அவர் கூறியதாவது:-

நான் மராட்டிய மக்களிடமிருந்து ஆசீர்வாதம் பெற வந்து இருக்கிறேன். இங்கு வருவதை நான் பாக்கியமாக கருதுகிறேன். முதல் மந்திரி தேவேந்திர பட்னாவிஸ் தலைமையிலான மராட்டிய அரசை ஆசீர்வதிப்பதற்காக இந்த பேரணியில் கலந்து கொள்ள மக்கள் வந்துள்ளனர்.

மாநிலத்தில் முந்தைய அரசாங்கங்களின் அரசியல் ஸ்திரமின்மை காரணமாக, மராட்டியம் அதிக வேகத்தில் முன்னேறவில்லை என்ற உண்மையை மக்கள் நினைவு கொள்ள வேண்டும். முதல் மந்திரி தேவேந்திர பட்னாவிஸ் தலைமையிலான அரசாங்கத்திற்கு நான் வாழ்த்துக்களைத் தெரிவிக்க விரும்புகிறேன். கடந்த 5 ஆண்டுகளில் அவர்கள் மாநிலத்திற்காக நிறைய செய்தார்கள். கடந்த 5 ஆண்டுகளில் மாநில விவசாயிகள் பயனடைந்துள்ளனர், மேலும் பெண்களுக்கு சிறந்த வேலை வாய்ப்புகள் கிடைத்துள்ளன. பா.ஜ.க.வுக்கு "முழு பெரும்பான்மை" இல்லை என்றாலும் தேவேந்திர பட்னாவிஸ் மராட்டியத்தில் ஒரு நிலையான அரசை வழங்கினார்.

லோக்சபா தேர்தலின் போது நான் உங்களிடம் வந்தபோது, வளர்ச்சியின் வேகம் அதிகரிக்கும் என்று நான் உங்களிடம் கூறியிருந்தேன். அது ஒரு கால எல்லைக்குள் செய்யப்படும் பதில்களுடன் அவ்வப்போது உங்களிடம் வருவேன். நாங்கள் முதல் 100 நாட்களை முடித்து விட்டோம், முதல் நூற்றாண்டு உங்களுக்கு முன் உள்ளது. ஒவ்வொரு வீட்டிற்கும் தண்ணீர் வழங்குவதற்கான பணிகள் தொடங்கப்பட்டுள்ளன.

முதல் 100 நாட்களில், புதிய இந்தியாவின் ஒரு பார்வை உள்ளது. தேசிய பொருளாதார கட்டமைப்பை மேம்படுத்துவதற்கான முயற்சிகள் உள்ளன. புதிய வேலை வாய்ப்புகள் உருவாக்கப்படுகின்றன.

ஜம்மு-காஷ்மீரில் இந்தியாவின் அரசியலமைப்பை முழுமையாக நடைமுறைப்படுத்துவது அரசின் முடிவு மட்டுமல்ல. இது 130 கோடி இந்தியர்களின் உணர்வுகளை வெளிப்படுத்துவதாகும். இந்த முடிவு ஜம்மு-காஷ்மீர் & லடாக் மக்களை வன்முறை, பயங்கரவாதம், பிரிவினைவாதம், ஊழல் ஆகியவற்றிலிருந்து வெளியேற்றுவதாகும்.

ஆனால் ஜம்மு-காஷ்மீரில் உள்ள இளைஞர்கள், தாய்மார்கள் மற்றும் சகோதரிகள் நீண்ட கால வன்முறையிலிருந்து வெளியே வர மனம் வைத்துள்ளனர். வளர்ச்சி மற்றும் புதிய வேலைவாய்ப்புகளை அவர்கள் விரும்புகிறார்கள்.

இந்த முடிவு இந்தியாவின் ஒற்றுமைக்கானது. இந்த முடிவு ஜம்மு-காஷ்மீர் மக்களின் அபிலாஷைகளையும், கனவுகளையும் நிறைவேற்றும் வகையில் இருக்கும். அனைத்து இந்தியர்களும் காஷ்மீரிகளை பின்பற்றி காஷ்மீரை மீண்டும் சொர்க்கமாக உருவாக்க வேண்டும் என கூறினார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 2 weeks 5 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 2 weeks 5 days ago ஆவாரம்பூவின் மருத்துவ பலன்கள் 2 weeks 5 days ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 1 week ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 3 days ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 4 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.