முக்கிய செய்திகள்
Idhayam Matrimony

இளவரசி மேகனின் கடிதத்தை வெளியிட்ட பத்திரிகைக்கு இங்கிலாந்து இளவரசர் ஹாரி கண்டனம்

வெள்ளிக்கிழமை, 4 அக்டோபர் 2019      உலகம்
Image Unavailable

இளவரசி மேகன் அவரது தந்தைக்கு எழுதிய தனிப்பட்ட கடிதத்தை அவரின் அனுமதியில்லாமல் வெளியிட்டது பெரும் சர்ச்சையை ஏற்படுத்தி உள்ளது.

இதற்கு இங்கிலாந்து இளவரசர் ஹாரி கண்டனம் தெரிவித்துள்ளார்.
இங்கிலாந்தில் பிரபலமான மெயில் ஆன் சண்டே என்ற பத்திரிகை இளவரசி மேகன் அவரது தந்தைக்கு எழுதிய தனிப்பட்ட கடிதத்தை அவரின் அனுமதியில்லாமல் வெளியிட்டது பெரும் சர்ச்சையை ஏற்படுத்தி உள்ளது. இந்த விவகாரம் தொடர்பாக மெயில் ஆன் சண்டே நிறுவனத்தின் மீது இளவரசி மேகன் வழக்கு தொடர்ந்துள்ளார்.

தனிப்பட்ட தகவல்களை தவறாகப் பயன்படுத்தி, அவதூறு பரப்பும் செயலில் ஈடுபட்டதாக அந்த பத்திரிகை நிறுவனம் மீது குற்றம்சாட்டப்பட்டுள்ளது. ஆனால் மெயில் ஆன் சண்டே இந்த குற்றச்சாட்டை மறுக்கிறது. கடிதத்தை வெளியிட்டதில் எந்த தவறும் புரியவில்லை என்று விளக்கம் அளித்துள்ள அந்த நிறுவனம், கோர்ட்டில் இந்த வழக்கை தற்காத்து வாதாட தயாராக இருப்பதாக கூறியுள்ளது.

இதற்கிடையில் இளவரசர் ஹாரி, தனியார் பத்திரிகையின் இந்த செயல் எனது மனைவிக்கு எதிரான ஈவு இரக்கமற்ற நடவடிக்கை என கூறி கண்டனம் தெரிவித்துள்ளார். மேலும் ஊடகங்களின் பெரும் தொல்லையினாலேயே தனது தாயாரும், இளவரசியுமான டயானா பாதிக்கப்பட்டதாகவும், அதே போன்று வரலாறு மீண்டும் திரும்பி விடுமோ என்பதே தனது மிகப் பெரிய அச்சம் என்றும் அவர் கூறினார். இதுபற்றி அவர் கூறுகையில், அப்போது எனது தாயாரை இழந்தேன். இப்போது அதே சக்திகளால் எனது மனைவி பாதிக்கப்படுவதை கண்கூடாக பார்க்கிறேன் என வருத்தத்துடன் கூறினார்.
இளவரசி டயானா வாழ்ந்த காலத்தில், அவரை புகைப்படம் எடுக்க புகைப்பட கலைஞர்கள் அவரை பின்தொடர்ந்தது அவருக்கு பெரும் தொந்தரவாக அமைந்தது. 1997-ம் ஆண்டு ஆகஸ்டு 31-ம் தேதி பிரான்ஸ் தலைநகர் பாரிசில் இளவரசி டயானா தனது காதலர் டோடி பயத்துடன் காரில் சென்று கொண்டிருந்த போது, புகைப்பட கலைஞர்கள் அவரது காரை விரட்டி சென்றதால் விபத்துக்குள்ளாகி டயானா உயிரிழந்தது நினைவுகூரத்தக்கது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 3 weeks 6 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 3 weeks 6 days ago ஆவாரம்பூவின் மருத்துவ பலன்கள் 3 weeks 6 days ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 2 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 1 week ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.