முக்கிய செய்திகள்
Idhayam Matrimony

தோனி-சேவாக் இடையே இன்று கிரிக்கெட் யுத்தம்

வெள்ளிக்கிழமை, 25 மே 2012      விளையாட்டு
Image Unavailable

சென்னை, மே 25 - ஐ.பி.எல். தொடரின் இறுதிப்போட்டிக்கு தகுதி பெறும் அணி யார் என்பதை தீர்மானிக்கும் போட்டியில் இன்று சென்னை சூப்பர் கிங்ஸ் அணியும், டெல்லி டேர் டெவில்ஸ் அணியும் மோத இருக்கின்றன.  இந்தியன் பிரீமியர் லீக்கின் 5-வது போட்டித் தொடர் இந்தியாவின் முன்னணி நகரங்களில் கடந்த சில மாதங்களாக மிகவும் விறுவிறுப்பாக நடைபெற்று வந்தது. இதில் புள்ளிகளின் அடிப்படையில் முதல் நான்கு இடங்களைப் பெற்ற டெல்லி, கொல்கத்தா, மும்பை, சென்னை அணிகள் தங்களுக்குள் இறுதி போட்டிக்கு செல்வது யார் என்ற பலப்பரீட்சையில் இறங்கின. இதில் முதல் இரண்டு இடங்களைப் பெற்ற டெல்லி டேர்டெவில்ஸ் மற்றும் கொல்கத்தா நைட்ரைடர்ஸ் அணிகள் மோதிய போட்டியில் கொல்கத்தா அணி வெற்றிபெற்று முதலாவதாக இறுதிப் போட்டியில் நுழைந்தது. அடுத்ததாக மூன்றாவது மற்றும் நான்காவது இடங்களைப் பிடித்த அணிகளுக்கு இடையேயான போட்டியில் மும்பை அணியை வென்று இறுதிப் போட்டிக்கான தனது வாய்ப்பை சரியான நேரத்தில் எழுச்சிகண்ட சென்னை சூப்பர் கிங்ஸ் அணி  தக்கவைத்துக்கொண்டது. சென்னை அணிக்கும், டெல்லி அணிக்கும் இடையில் இன்று சென்னையில் நடைபெறும் போட்டியில் வெற்றிபெறும் அணியே 27 ம் தேதி நடைபெற இருக்கும் இறுதிப் போட்டியில் கொல்கத்தா நைட் ரைடர்ஸ் அணியை எதிர்கொள்ள  இருக்கிறது.
லீக் போட்டிகளில் சுமாராக செயல்பட்ட சென்னை சூப்பர் கிங்ஸ் அணியும் லீக் போட்டியில் முதலிடத்தை பெற்ற டெல்லி அணியும் இன்று சென்னையில் பலப்பரீட்சை நடத்த இருக்கின்றன. தற்போதைய நிலையில் இரண்டு அணிகளுமே பேட்டிங், பவுலிங் மற்றும் பீல்டிங் ஆகிய மூன்று துறைகளிலும் சமபலம் வாய்ந்த அணிகளாகவே திகழ்கின்றன. இதில் சென்னை அணி சொந்த மண்ணில் விளையாடுவது அதற்கு கூடுதல் பலம் ஆகும்.
சென்னை அணியின் லீக் சுற்றுக்களில் ஆரம்பத்தில் சற்று தடுமாறிய கேப்டன் தோனி தற்போது நல்ல பார்மிற்கு திரும்பியுள்ளது அந்த அணிக்கு கூடுதல் தெம்பை அளித்திருக்கிறது. அதிலும் மும்பை  இண்டியன்ஸ் அணிக்கு எதிரான போட்டியில் 20 பந்துகளில் தோனி அடித்த 51 ரன்களே சென்னை அணியை வெற்றிக்கு அழைத்துச் சென்றது என்றால் அது மிகையாகாது.  சென்னை அணியின் பேட்ஸ்மேன்கள் அனைவரும் பார்மிற்கு திரும்பும் பட்சத்தில் சென்னை அணி இறுதிப்போட்டிக்கு செல்லும்வாய்ப்புகள் மிக அதிகம்.
டெல்லி அணி லீக் போட்டிகள் 16 இல் 11 போட்டிகளை வென்று 22 புள்ளிகளுடன் முதலிடத்தை பெற்ற அணி. அந்த அணியில் சேவாக், பீட்டர்சன், மகேளா ஜெயவர்த்தனே,  நமன் ஓஜா போன்ற சிறந்த பேட்ஸ்மேன்களும் சிறப்பாக ஆடும் பட்சத்தில் மிகப்பெரிய இலக்கையும் அவர்களால் எட்ட முடியும். டெல்லி டேர்டெவில் அணியின் பவுலர்களும் நல்ல பார்மில் இருக்கிறார்கள். குறிப்பாக மோர்னே மோர்கெல், உமேஷ்யாதவ், இர்பான் பதான் ஆகியோர் மிகச் சிறப்பாக பந்துவீசி வருகின்றனர்.
சென்னை அணியில் மைக்கேல் ஹஸ்ஸி, முரளி விஜய், சுரேஷ் ரெய்னா, எம்.எஸ்.தோனி, ரவீந்திர ஜடேஜா, பிராவோ, அல்பி மோர்கெல் என வரிசையாக பேட்ஸ்மேன்களாக உள்ளனர். பந்துவீச்சில் மும்பைக்கு எதிரான போட்டியில் அல்பி மோர்கெலின் பந்துவீச்சு சென்னை அணிக்கு பக்கபலமாக அமைந்தது.
கடந்த முறை சாம்பியன் பட்டம் வென்ற சென்னை சூப்பர் கிங்ஸ் அணி இம்முறையும் இறுதிப் போட்டிக்கு செல்லும் என்ற நம்பிக்கை தற்போது பெருமளவில் ஏற்பட்டுள்ளது. டெல்லி அணியும் தற்போதைய நிலையில் சளைத்த அணியாக இல்லை. அந்த அணிக்கும் இறுதிப் போட்டிக்கு செல்லும் வாய்ப்பு சம அளவில் உள்ளது. இரண்டு அணிகளுக்கும் வாழ்வா? சாவா?  என்ற விதத்தில் இந்த போட்டி அமைந்துள்ளது.  இறுதிப் போட்டிக்கு இணையான இந்த போட்டி சென்னை கிரிக்கெட்  ரசிகர்களுக்கும், ஒட்டுமொத்த கிரிக்கெட் ரசிகர்களுக்கும் பெரும் விருந்தாக அமையும் என்பதில் எந்த வித சந்தேகமும் இல்லை.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago