முக்கிய செய்திகள்
Idhayam Matrimony

தே.மு.தி.க.வுக்கு தேர்தல் கமிஷன் அங்கீகாரம்

புதன்கிழமை, 18 மே 2011      அரசியல்
Image Unavailable

சென்னை, மே .19 - சட்டசபை தேர்தலில் 29 எம்.எல்.ஏ.க்களை பெற்ற தே.மு.தி.க.வுக்கு தேர்தல் கமிஷன் அங்கீகாரம் கிடைக்கிறது. 7.88 சதவீதம் வாக்குகள் பெற்றுள்ளது.தமிழ்நாட்டில் ஒரு அரசியல் கட்சி தேர்தல் கமிஷன் அங்கீகாரம் பெற வேண்டுமானால் அந்த கட்சி 4 நிபந்தனைகளில் ஒன்றை நிறைவு செய்ய வேண்டும். 

கடைசியாக நடந்த பாராளுமன்ற தேர்தலில் 6 சதவீதத்துக்கு குறையாமல் ஓட்டுகளை பெறுவதுடன் குறைந்தது ஒரு எம்.பி.யாவது பெற்று இருக்க வேண்டும். வாக்கு சதவீதத்தை கணக்கில் எடுத்துக் கொள்ளாமல் இருக்க வேண்டும் என்றால் அந்த கட்சி சார்பில் 2 எம்.பி.க் கள் தேர்வு செய்யப்பட்டு இருக்க வேண்டும். கடைசியாக நடைபெற்ற சட்டசபை தேர்தலில் 6 சதவீதத்துக்கு குறையாத வாக்குகளை பெற்று இருப்பதுடன் அக்கட்சி குறைந்தது 2 எம்.எல்.ஏ.க்களை தேர்வு செய்து இருக்க வேண்டும். அல்லது குறைந்த பட்சம் 8 எம்.எல்.ஏ.க்கள் தேர்தலில் வெற்றி பெற்று இருக்க வேண்டும். 

இந்த அடிப்படையில் தே.மு.தி.க. முந்தைய தேர்தலில் 6 சதவீதத்துக்கும் அதிகமான வாக்குகள் பெற்றது. 2006​ம் ஆண்டு சட்டசபை தேர்தலில் விஜயகாந்த் மட்டும் வெற்றி பெற்றார். அடுத்து நடந்த பாராளுமன்ற தேர்தலில் ஒருவர் கூட வெற்றி பெறவில்லை. இதனால் அக்கட்சிக்கு தேர்தல் கமிஷன் அங்கீகாரம் கிடைக்கவில்லை. ஆனால் நடந்து முடிந்த தேர்தலில் தே.மு.தி.க.வுக்கு 7.88 சதவீத ஓட்டுகள் கிடைத்துள்ளது. மேலும் அக்கட்சியை சேர்ந்த 29 வேட்பாளர்கள் வெற்றி பெற்று எம்.எல்.ஏ.வாகி உள்ளனர். 

எனவே தே.மு. தி.க.வுக்கு அரசியல் அங்கீகாரம் வழங்க தேர்தல் கமிஷன் முடிவு செய்துள்ளது. அதே வேளையில் பா.ம.க. தனது தேர்தல் கமிஷன் அங்கீகாரத்தை இழக்கிறது. கடந்த பாராளுமன்ற தேர்தலில் பா.ம.க. ஒரு தொகுதியில் கூட வெற்றி பெறவில்லை. நடந்து முடிந்த சட்டசபை தேர்தலில் பா.ம.க.வுக்கு 5.23 சதவீத ஓட்டுகள் மட்டுமே கிடைத்து உள்ளது. மேலும் 3 எம்.எல்.ஏ.க்கள் மட்டுமே தேர்வு செய்யப்பட்டு உள்ளனர். 

தேர்தல் கமிஷனின் நிபந்தனைகளில் ஒன்றை கூட நிறைவு செய்யாததால் பா.ம.க.வின் அங்கீகாரத்தை தேர்தல் கமிஷன் ரத்து செய்யும் எனத் தெரிகிறது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 2 weeks 5 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 2 weeks 5 days ago ஆவாரம்பூவின் மருத்துவ பலன்கள் 2 weeks 5 days ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 1 week ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 4 days ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 4 weeks ago

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.