முக்கிய செய்திகள்
Idhayam Matrimony

காயத்தில் இருந்து மீண்ட பந்துவீச்சாளர் புவனேஷ்வர் வலைபயிற்சியில் ஈடுபட்டார்

புதன்கிழமை, 26 ஜூன் 2019      விளையாட்டு
Image Unavailable

Source: provided

லண்டன் : காயத்தில் இருந்து மீண்ட வேகப் பந்துவீச்சாளர் புவனேஷ்வர் குமார் வலைபயிற்சியில் ஈடுபட்டார். 

காயத்தால் விலகல்...

இந்தியாவின் நட்சத்திர வேகப்பந்து வீச்சாளர் புவனேஷ்வர் குமார் பாகிஸ்தான் அணிக்கு எதிராக நடைபெற்ற லீக் போட்டியில் காயமடைந்தார். இதனால் ஆப்கானிஸ்தான் அணிக்கு எதிராக நடைபெற்ற லீக் போட்டியில் அவரால் விளையாட முடியவில்லை. அவருக்கு பதிலாக முகமது ஷமி சேர்க்கப்பட்டார். அவரும் ஆப்கானுக்கு எதிரான போட்டியில் ஹாட்ரிக் உள்பட 4 விக்கெட்டுகளை வீழ்த்தி அசத்தினார். இந்நிலையில் இந்திய அணி இன்று நடைபெறவுள்ள லீக் ஆட்டத்தில் வெஸ்ட் இண்டீஸ் அணியை எதிர்கொள்கிறது.

பவுலிங் பயிற்சி...

இவ்விரு அணிகளுக்கு இடையிலான போட்டி இன்று மான்சஸ்டர் நகரில் நடைபெறுகிறது. இந்தப் போட்டிக்கு தயாராகும் வகையில் நேற்று முன்தினம் இந்திய அணியினர் வலைப் பயிற்சியில் ஈடுபட்டனர். அப்போது புவனேஷ்வர் குமாரும் பவுலிங் பயிற்சியை மேற்கொண்டார். புவனேஷ்வர் குமார் வலைப் பயிற்சி செய்யும் விடீயோவை பி.சி.சி.ஐ தனது ட்விட்டர் பக்கத்தில் பதிவிட்டிருந்தது. இதனையடுத்து புவனேஷ்வர் குமார் காயத்தில் இருந்து மீண்டுவிட்டதாக அவரின் ரசிகர்கள் கருத்து தெரிவித்து வருகின்றனர்.

தசை பிடிப்பால்...

உலகக்கோப்பை கிரிக்கெட்டின் 22-வது லீக் ஆட்டத்தில் இந்திய அணி பாகிஸ்தானை ஏதிர்கொண்டது. அந்த போட்டியின்போது இந்திய அணியின் வேகப்பந்து வீச்சாளர் புவனேஷ்வர் குமார், தான் வீசிய 3-வது ஓவரின்போது கால் தொடைப்பகுதியில் ஏற்பட்ட தசை பிடிப்பு காரணமாக ஆட்டத்தின் பாதியில் வெளியேறினார்.இந்நிலையில் காயம் காரணமாக அவதிப்பட்டு வந்த புவனேஷ்வர் குமார் தற்போது காயத்திலிருந்து குணமாகி மீண்டும் தீவிர வலைப்பயிற்சியில் ஈடுபட்டு வருகிறார். காயத்திலிருந்து குணம் அடைந்த போதிலும் இன்று நடைபெற உள்ள வெஸ்ட் இண்டடீஸ்க்கு ஏதிரான 34-வது லீக் ஆட்டத்தில் பங்கேற்கமாட்டார் என்றே தெரிகிறது.

பங்கேற்க வாய்ப்பு...

ஆனால் இந்திய அணி அடுத்தடுத்து இங்கிலாந்து, பங்களாதேஷ் அணிகளுடன் மோதவுள்ளது. அந்தப் போட்டிகளில் புவனேஷ்வர் குமார் பங்கேற்க வாய்ப்புள்ளதாக தெரிகிறது. காயத்தில் இருந்து மீண்டுவிட்டாலும் புவனேஷ்வர் குமார் போதியளவில் பயிற்சிகள் மேற்கொண்ட பின்புதான் இந்திய அணியின் ஆடும் லெவனில் சேர்க்கப்படுவார் என தெரிகிறது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 3 weeks 6 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 3 weeks 6 days ago ஆவாரம்பூவின் மருத்துவ பலன்கள் 3 weeks 6 days ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 2 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 1 week ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.