சவரன் ரூ.57 ஆயிரத்தை தாண்டியது தங்கம் விலை நகை பிரியர்கள் அதிர்ச்சி

சென்னை: சென்னையில் நேற்று 22 காரட் ஆபரணத் தங்கம் விலை சவரனுக்கு ரூ. 560 உயர்ந்து, ஒரு சவரன் ரூ. 57,280-க்கும், கிராமுக்கு ரூ.70 உயர்ந்து, ஒரு கிராம் ரூ.7,160-க்கும் விற்பனை செய்யப்பட்டது. இதனால் நகை பிரியர்கள் அதிர்ச்சி அடைந்துள்ளனர்.

சர்வதேச மார்க்கெட் நிலவரப்படி, தங்கம் விலை ஏற்ற, இறக்கமாக காணப்படும். கடந்த 27-ம் தேதி தங்கம் விலை சவரனுக்கு ரூ. 200 உயர்ந்து, ஒரு சவரன் ஆபரணத் தங்கம் ரூ. 56,840-க்கும், ஒரு கிராம் தங்கம் ரூ. 25 உயர்ந்து ரூ. 7105-க்கும் விற்பனையானது.

நேற்று முன்தினம் சவரனுக்கு ரூ. 120 குறைந்து ரூ. 56,720-க்கும், கிராமுக்கு ரூ.15 குறைந்து ரூ. 7,090-க்கும் விற்பனை செய்யப்பட்டது. இந்நிலையில் நேற்று  22 காரட் ஆபரணத் தங்கம் விலை சவரனுக்கு ரூ.560 உயர்ந்து, ஒரு சவரன் ரூ. 57,280-க்கும், கிராமுக்கு ரூ.70 உயர்ந்து, ஒரு கிராம் ரூ.7,160-க்கும் விற்பனை செய்யப்பட்டது. ஒரு சவரன் தங்கம் விலை மீண்டும் ரூ.57 ஆயிரத்தை தாண்டியதால், நகைப்பிரியர்கள் அதிர்ச்சி அடைந்துள்ளனர்.