தின பூமி
☰
முக்கிய செய்திகள்
Idhayam Matrimony

பஹல்காம் தாக்குதல் எதிரொலி: பார்லி., சிறப்பு கூட்டத்தை கூட்ட மத்திய அரசு தீவிர ஆலோசனை

சனிக்கிழமை, 26 ஏப்ரல் 2025      இந்தியா
Parlimanet 2024-06-30

புதுடெல்லி, காஷ்மீரில் தீவிரவாதிகள் தாக்குதல் பற்றி விவாதிக்க பாராளுமன்ற சிறப்பு கூட்டம் கூட்டுவது குறித்து மத்திய அரசு தீவிர ஆலோசனை நடத்தி வருகிறது.

காஷ்மீரில் 26 சுற்றுலா பயணிகளை பாகிஸ்தான் தீவிரவாதிகள் சுட்டுக்கொன்ற விவகாரத்தில் மத்திய அரசு பல்வேறு அதிரடி நடவடிக்கைகளை எடுத்து வருகிறது. முதல் கட்டமாக இந்தியாவில் உள்ள பாகிஸ்தானியர்கள் அனைவரையும் வெளியேற்ற நடவடிக்கைகள் நடந்து வருகிறது. அடுத்த கட்டமாக பாகிஸ்தான் நாட்டவர்கள் இந்தியாவுக்கு வருவதற்கு தடை விதிக்கப்பட்டுள்ளது. மேலும் பாகிஸ்தானுக்கு செல்லும் சிந்துநதி நீரை தடுக்கும் வகையில் ஏற்பாடுகள் நடந்து வருகின்றன.

இந்த நிலையில் பாகிஸ்தானுக்கு பாடம் புகட்டும் வகையில் மத்திய அரசு மேலும் நடவடிக்கைகளை மேற்கொள்ள வேண்டும் என்றும் அதற்கு ஒத்துழைக்க தயார் என்றும் காங்கிரஸ் உள்பட பல்வேறு கட்சிகள் அறிவித்துள்ளன. 

இதையடுத்து மத்திய அரசு இது தொடர்பாக ஆலோசனை நடத்தி வருகிறது. பாராளுமன்ற சிறப்பு கூட்டத்தை கூட்டி பாகிஸ்தானுக்கு எதிராக இந்தியாவில் உள்ள கட்சிகள் அனைத்தும் ஓரணியில் இருப்பதை வெளிப்படுத்த திட்டமிடுவதாக தெரிகிறது.

பாராளுமன்ற சிறப்பு கூட்டத்தை கூட்ட வேண்டுமானால் பாராளுமன்ற விவகார அமைச்சகத்தின் கேபினட் கமிட்டி கூடி ஆலோசிக்க வேண்டும். மத்திய மந்திரிகள் அடங்கிய அந்த கமிட்டிதான் பாராளுமன்ற சிறப்பு கூட்டத்தை எந்த தேதியில் எப்படி நடத்துவது என்பதை தீர்மானிக்கும். அந்த கமிட்டி அளிக்கும் அறிக்கைக்கு ஜனாதிபதி ஒப்புதல் வழங்க வேண்டும். அதன் பிறகுதான் பாராளுமன்ற சிறப்பு குழு கூட்டத்தை நடத்த முடியும். பாராளுமன்ற விவகார அமைச்சகம் இதில் விரைந்து செயல்பட்டால் சிறப்பு கூட்டத்தை உடனடியாக நடத்த முடியும் என்று சொல்கிறார்கள்.

1962-ம் ஆண்டு காஷ்மீர் எல்லையில் சீனா அத்துமீறி ஊடுருவிய போது அப்போதைய பிரதமர் நேரு பாராளுமன்ற சிறப்பு கூட்டத்தை நடத்தினார். சீனாவுடன் போர் நடத்த வேண்டியதன் அவசியத்தை அவர் விளக்கி பேசினார். அதன் பிறகு இந்தியாவுக்கும் சீனாவுக்கும் இடையே போர் நடந்தது. தற்போது அதே போன்று பாராளுமன்ற சிறப்பு கூட்டத்தை நடத்தலாமா? என்று ஆய்வு செய்து வருகிறார்கள்.  

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 10 months 2 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 10 months 2 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 11 months 2 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 11 months 2 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 1 month ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 1 month ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.