சிலி நாட்டில் நிலநடுக்கம்

சாண்டியாகோ, பிப். 12  - தென் அமெரிக்க நாடான சிலியில் நில நடுக்கம் ஏற்பட்டது. இதனால் தலைநகர் சாண்டியாகோ மற்றும் அதை சுற்றியுள்ள பகுதிகளில் உள்ள வீடுகளும், கட்டிடங்களும் குலுங்கின. இதனால் அச்சமடைந்த மக்கள் வீடுகளை விட்டு வெளியேறி பாதுகாப்பான இடங்களில் தஞ்சமடைந்தனர். இந்த நிலநடுக்கம் ரிக்டரில் 5.7 என்று பதிவாகி உள்ளதாக அமெரிக்க புவியியல் ஆய்வு மையம் தெரிவித்துள்ளது. 

தென் மேற்கில் உள்ள வல்பரைசோ என்ற இடத்தில் பூமிக்கு அடியில் 35 கிலோ மீட்டர் ஆழத்தில் ஏற்பட்டதாக தெரிவிக்கப்பட்டுள்ளது. ஆனால் இந்த நிலநடுக்கத்தால் உயிர்ச் சேதமோ காயமோ ஏற்படவில்லை. வீடுகள் மற்றும் கட்டிடங்கள் இடியவில்லை என்றும் சிலி அரசு தெரிவித்துள்ளது. கடந்த 2010 ம் ஆண்டில் சிலியில் கடும் நிலநடுக்கம் ஏற்பட்டு அதனால் சுனாமியும் ஏற்பட்டது குறிப்பிடத்தக்கது.