ஓய்வூதியதாரர்களுக்கு 10 ரூபாயில் மின்னணு வாழ்வு சான்றிதழ் அரசு இ-சேவை மையங்களில் பெறலாம்

சென்னை : ஓய்வூதியர்களுக்கு 10 ரூபாய் சேவைக்கட்டணத்தில் அரசு இ -சேவை மையங்களில் வாழ்வு சான்றிதழ் வழங்கப்படும் என்று அரசு கேபிள் டிவி நிறுவனம் அறிவித்துள்ளது.

இது குறித்து தமிழ்நாடு அரசு கேபிள் டிவி நிறுவனம் வெளியிட்ட செய்திக்குறிப்பு வருமாறு:

தமிழ்நாடு அரசு கேபிள் டிவி நிறுவனத்தின் அரசு இ-சேவை மையங்களில் மின்னணு வாழ்வு சான்றிதழ் பெறலாம். தமிழ்நாடு அரசு கேபிள் டிவி நிறுவனம் தமிழகம் முழுவதும் 486 அரசு இ-சேவை மையங்களை அமைத்து அரசின் பல்வேறு துறைகள் சார்ந்த சேவைகளை வழங்கி வருகிறது.

தற்பொழுது, கூடுதல் சேவையாக நேற்று முதல் ஓய்வூதியதாரர்களுக்கு மின்னணு வாழ்வு சான்றிதழ் வழங்கும் சேவை துவக்கப்படவுள்ளது. மின்னணு வாழ்வு சான்றிதழ் பெற விரும்பும் ஓய்வூதியதாரர்கள், இந்நிறுவனத்தின் இ-சேவை மையத்தில் தங்களது ஆதார் எண்ணை தெரிவித்து, கைவிரல் ரேகையைப் பதிவு செய்து, ஓய்வூதியம் தொடர்பான தகவல்களை தெரிவித்தால், அவர்களுக்கு மின்னணு வாழ்வு சான்றிதழ் அச்சிட்டு வழங்கப்படும். இதற்கு சேவைக் கட்டணமாக ரூ.10/- (ரூபாய் பத்து மட்டும்) வசூல் செய்யப்படும்.  இவ்வாறு அந்நத செய்திக்குறி்ப்பில் தெரிவிக்கப்பட்டுள்ளது