திருப்பதி பிரம்மோற்சவ விழா - செப்டம்பர் 30-ம் தேதி துவக்கம்

செவ்வாய்க்கிழமை, 30 ஜூலை 2019      ஆன்மிகம்
Tirupati 2019 07 03

திருப்பதி : திருப்பதி ஏழுமலையான் கோவிலில் வருடாந்திர பிரம்மோற்சவ விழா வருகிற செப்டம்பர் மாதம் 30-ம் தேதி கொடியேற்றத்துடன் தொடங்கி 9 நாட்கள் நடக்கிறது.

திருப்பதி ஏழுமலையான் கோவிலில் வருகிற செப்டம்பர் மாதம் வருடாந்திர பிரம்மோற்சவ விழா தொடங்கி கோலாகலமாக நடைபெற உள்ளது. அதையொட்டி செப்டம்பர் மாதம் 24-ம் தேதி கோவில் ஆழ்வார் திருமஞ்சனம் எனப்படும் சுத்தம் செய்யும் பணி நடக்கிறது. செப்டம்பர் மாதம் 29-ம் தேதி அங்குரார்ப்பணம் நடக்கிறது. செப்டம்பர் மாதம் 30-ம் தேதி மாலை கொடியேற்றம் நடக்கிறது. அதை தொடர்ந்து இரவு பெரிய சே‌ஷ வாகன வீதி உலா, அக்டோபர் மாதம் 1-ம் தேதி காலை சிறிய சே‌ஷ வாகன வீதி உலா, இரவு அம்ச வாகன வீதி உலா, 2-ம் தேதி காலை சிம்ம வாகன வீதி உலா, இரவு முத்துப்பந்தல் வாகன வீதி உலா, 3-ம் தேதி காலை கல்ப விருட்ச வாகன வீதி உலா, இரவு சர்வ பூபால வாகன வீதி உலா, 4-ம் தேதி மோகினி அவதாரத்தில் பல்லக்கு வாகன வீதி உலா, இரவு கருட வாகன வீதி உலா, 5-ம் தேதி காலை அனுமந்த வாகன வீதி உலா, மாலை தங்க தேரோட்டம், இரவு யானை வாகன வீதி உலா, 6-ம் தேதி காலை சூரிய பிரபை வாகன வீதி உலா, 7-ம் தேதி காலை தேரோட்டம், இரவு குதிரை வாகன வீதி உலா, 8-ம் தேதி காலை சக்கர ஸ்தானம், இரவு கொடியிறக்கம் நடக்கிறது. பிரம்மோற்சவ விழாவையொட்டி, தினமும் காலை 9 மணியில் இருந்து பகல் 11 மணி வரையிலும், இரவு 8 மணியில் இருந்து இரவு 10 மணி வரையிலும் வாகன வீதி உலா நடக்கிறது. கருட வாகன வீதிஉலா (கருட சேவை) இரவு 7 மணியில் இருந்து இரவு 12 மணி வரை நடக்கிறது. வாகனங்களில் உற்சவர்களான ஸ்ரீதேவி, பூதேவி, சமேத மலையப்ப சாமி சிறப்பு அலங்காரத்திலும், பிரத்யேக அவதாரத்திலும் எழுந்தருளி கோவிலின் நான்கு மாடவீதிகளில் உலா வந்து பக்தர்களுக்கு அருள்பாலிக்கின்றனர்.

Chicken Lollipop Recipe in Tamil | சிக்கன் லாலிபாப் | Chicken Recipes in Tamil

Falooda Recipe in Tamil | பலூடா | Sweet Dessert Recipe

Murungai Keerai Soup inTamil | முருங்கை கீரை சூப் | Drum Stick Leaves Soup in Tamil | Vegetable Soup

Dhaniya Paneer Recipe in Tamil | தனியா பன்னீர் | Paneer Recipe in Tamil | Paneer Gravy

Chicken Chukka in Tamil | சிக்கன் சுக்கா | Chicken Chukka Varuval in Tamil

இதை ஷேர் செய்திடுங்கள்:

View all comments

வாசகர் கருத்து