மதுரை கலெக்டராக டி.ஜி. வினய் நியமனம்

சென்னை : மதுரை கலெக்டராக டி.ஜி. வினய் நியமனம் செய்யப்பட்டுள்ளார்.

அரியலூர் கலெக்டராக டி. ரத்னா நியமனம் செய்யப்பட்டுள்ளார். மதுரை மாவட்ட கலெக்டராக டி.ஜி.வினய் நியமிக்கப்பட்டுள்ளார். இவர் அரியலூர் கலெக்டராக இருந்த நிலையில் மதுரைக்கு மாற்றப்பட்டுள்ளார்.  வருவாய் மற்றும் பேரிடர் மேலாண்மை துறை செயலாளராக ஜே.ராதா கிருஷ்ணன் நியமனம் செய்யப்பட்டுள்ளார். அரசு போக்குவரத்து கழக செயலாளராக சந்திரமோகன் நியமனம் செய்யப்பட்டுள்ளார். சுற்றுலா, கலாச்சாரதுறையின் கூடுதல் தலைமைச் செயலராக அசோக் டோங்ரேவும், ஆற்றல்துறை முதன்மை செயலராக தீரஜ்குமாரும், நகர்புற நிதி கட்டமைப்பு மேம்பாட்டு கழக தலைவராக அபூர்வ வர்மாவும் நியமனம் செய்யப்பட்டுள்ளதாக தமிழக அரசு பிறப்பித்துள்ள உத்தரவில் தெரிவிக்கப்பட்டுள்ளது.