திருச்சி காந்தி மார்க்கெட்டில் பயங்கரம் - பா.ஜ.க.செயலாளர் வெட்டிக் கொலை

திங்கட்கிழமை, 27 ஜனவரி 2020      தமிழகம்
BJP Secretary murder 2020 01 27

திருச்சி : திருச்சி வரகனேரி பென்ஷனர் தெருவை சேர்ந்தவர் விஜயரகு வயது (39), இவர் திருச்சி பாலக்கரை பாரதிய ஜனதா கட்சியின் மண்டல் செயலாளராக பணியாற்றி வந்தார். மேலும் இவர் திருச்சி காந்தி மார்க்கெட்டில் நுழைவு கட்டணம் வசூலிக்கும் பணியும் செய்து வந்தார். நேற்று அதிகாலை 4 மணியளவில் நுழைவு கேட்டில் பணம் வசூலித்து கொண்டிருந்தார்.

அப்போது அங்கு வந்த 4 பேர் கொண்ட கும்பல் விஜயரகுவுடன் வாக்குவாதத்தில் ஈடுப்பட்டனர். அதில் ஒருவர் மறைத்து வைத்திருந்த வீச்சரிவாலால் வெட்டிவிட்டு தப்பி ஓடி விட்டனர். அங்கிருந்தவர்கள் விஜயரகுவை சிகிச்சைக்காக திருச்சி அரசு மருத்துவமணைக்கு கொண்டு போய் சேர்த்தனர். ஆனால் அவர் சிகிச்சை பலனின்றி இறந்தார். இது குறித்து தகவல் அறிந்த பாரதிய ஜனதா நிர்வாகிகள் சாலை மறியலில் ஈடுபட்டனர். இந்த கொலை குறித்து காந்தி மார்க்கெட் இன்ஸ்பெக்டர் மணிவண்ணன் வழக்கு பதிந்து விசாரித்து வருகின்றனர். இந்த கொலைக்கு காரணம் தொழில் முன்விரோதமா அல்லது காதல் பிரச்சனையா என்று விசாரணையில் தெரிய வரும்.

இதை ஷேர் செய்திடுங்கள்:

View all comments

வாசகர் கருத்து