முக்கிய செய்திகள்
Idhayam Matrimony

பிரச்சாரத்தில் செய்த தவறுகள்: மத்திய மந்திரி அமித்ஷா ஒப்புதல்

வெள்ளிக்கிழமை, 14 பெப்ரவரி 2020      அரசியல்
Image Unavailable

டெல்லி தேர்தல் பிரசாரத்தின் போது பா.ஜ.க    தலைவர்கள் பேசிய ‘தேசத்துரோகிகளை சுடுங்கள்’ போன்ற கருத்துக்களை தவிர்த்திருக்கலாம் என உள்துறை மந்திரி அமித்ஷா தெரிவித்துள்ளார். 

நடந்து முடிந்த டெல்லி சட்டசபைத்தேர்தலில் மொத்தமுள்ள 70 தொகுதிகளில் 62 இடங்களை கைப்பற்றி ஆம் ஆத்மி கட்சி ஆட்சியை தக்கவைத்துக்கொண்டுள்ளது.
பாஜக 8 இடங்களை கைப்பற்றியது. காங்கிரஸ் கட்சிக்கு எந்த தொகுதியிலும் வெற்றி கிடைக்கவில்லை. டெல்லி தேர்தல் முடிவுகள் பா.ஜ.கவுக்கு மிகப்பெரிய அடியாக கருத்தப்படுகிறது.

இதற்கிடையில், டெல்லியில் கடந்த 27-ம் தேதி நடந்த தேர்தல் பிரசாரத்தின் போது பா.ஜ.க கட்சியை சேர்ந்த நட்சத்திர பேச்சாளரும், மத்திய மந்திரியுமான அனுராக் தாக்கூர் 'தேசத்துரோகிகளை சுடுங்கள்’ என சர்ச்சைக்குரிய வகையில் கருத்து தெரிவித்தார்.

இவரது கருத்து அரசியல் கட்சியினர் மத்தியில் பெரும் பரபரப்பை ஏற்படுத்தியது. இந்த விவகாரம் குறித்து விசாரணை மேற்கொண்ட தேர்தல் ஆணையம் அனுராக் தாக்கூர் 72 மணி நேரம் தேர்தல் பிரசாரம் செய்ய தடைவிதித்தது.  இந்நிலையில், டெல்லியில் தனியார் தொலைக்காட்சி நிறுவனம் நேற்று நடத்திய நிகழ்ச்சியில் பங்கேற்ற பா.ஜ.க தலைவரும், மத்திய உள்துறை மந்திரியுமான அமித்ஷா தேர்தலில் தோல்வியடைந்தது குறித்து கருத்து தெரிவித்துள்ளார்.
அந்நிகழ்ச்சியில் அமித்ஷா பேசியதாவது:-

''குடியுரிமை திருத்தச்சட்டம் தொடர்பான அனைத்து கேள்விகளுக்கும் நான் பாராளுமன்றத்தில் விளக்கம் அளித்துவிட்டேன். இந்த சட்டத்திற்கு எதிராக நடைபெறும் போராட்டத்தை விட ஆதரவாக நடைபெறும் போராட்டங்களே அதிகம். குடியுரிமை திருத்தச்சட்டம் மற்றும் தேசிய மக்கள் தொகை பதிவேடு போன்றவை தேர்தல் முடிவுகளை பிரதிபளிக்கவில்லை.

ஆனால், தேர்தல் பிரச்சாரத்தின் போது சிஏஏ-க்கு எதிராக நடைபெற்ற போராட்டங்களை குறித்து பேசும்போது ‘தேசத்துரோகிகளை சுடுங்கள்’ போன்ற கருத்துக்கள் தெரிவித்ததை தவிர்த்திருக்கலாம். இந்த கருத்துக்கள் தேர்தலில் தாக்கத்தை ஏற்படுத்தியுள்ளது. 

குடியுரிமை திருத்தச்சட்டம் முஸ்லிம் மக்களுக்கோ, சிறுபான்மையினருக்கோ எதிரானது இல்லை. இந்த சட்டம் எந்த வித பாகுபாட்டையும் ஏற்படுத்தவில்லை.
சிஏஏ குறித்து என்னிடம் யார் வேண்டுமானாலும் விவாதம் நடத்தலாம். 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 1 week ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 3 days ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 6 months 4 weeks ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 6 months 4 weeks ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 7 months 3 weeks ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 7 months 3 weeks ago
View all comments

வாசகர் கருத்து