உன்னால் என்னால் விமர்சனம்

சோனியா அகர்வால், ராஜேஷ், ஆர். சுந்தர்ராஜன், ரவிமரியா, ஆகியோருடன் புதுமுகங்கள் ஜெகா , ஏ. ஆர்.ஜெயகிருஷ்ணா, உமேஷ், மோனிகா ஆகியோர் இணைந்து நடித்துள்ள படம்  உன்னால் என்னால்,. இப்படத்தை ஏ .ஆர். ஜெயகிருஷ்ணா இயக்கியுள்ளார்.ஸ்ரீ ஸ்ரீ கணேஷா கிரியேஷன்ஸ் சார்பில் ராஜேந்திரன் சுப்பையா தயாரித்துள்ளார். இப்படத்திற்குப் கிச்சாஸ் ஒளிப்பதிவு செய்துள்ளார். ரிஸ்வான் இசையமைத்துள்ளார். குடும்பத்தின் வறுமையின் காரணமாக ஏதாவது செய்து பிழைத்துக் கொள்ளலாம் என்று கிராமத்தில் இருந்து மூன்று இளைஞர்கள் சென்னை வருகிறார்கள். மூவருக்குமே பணத்தேவை உள்ளது. ஒரு கட்டத்தில், மூன்று பேருமே விரக்தியின் விளிம்பில் நிற்க, கூலிக்குக் கொலை செய்யும் வேலை வருகிறது. அந்த வேலையைச் செய்தார்களா? இல்லையா என்பதுதான் இந்த டத்தின் கிளைமாக்ஸ். இப்படத்தில் மூன்று இளைஞர்களாக ஜெகா ,இயக்குநர் கே. ஆர்.ஜெயகிருஷ்ணா, உமேஷ் நடித்துள்ளார்கள். ரியல் எஸ்டேட் மோசடிக் கும்பலின் தலைவியாக சோனியா அகர்வால் நடித்துள்ளார். பேச்சில் மிரட்டுகிறார். எடுத்துக்கொண்ட கருவை வைத்து நல்ல காட்சிகளைக் கொண்டு முறைப்படுத்தி எடுத்து இருந்தால் இப்படம் ஒரு நல்ல படமாக அமைந்திருக்கும்.