தூத்துக்குடி மாவட்ட தே.மு.தி.க. சார்பில் விஜயகாந்த் பூரண உடல் நலம் பெற வேண்டி சிறப்பு பூஜை : மாவட்டசெயலாளர் சுரேஸ் பங்கேற்பு.

கோவில்பட்டி : தமிழ் திரைப்படஉலகில் எம்.ஜி.ஆருக்கு அடுத்தபடியாக திரைஉலகில் தன்னுடன் இருப்பவர்களுக்கு உதவிசெய்பவர் என்று சொன்னால் அது நடிகர் விஜயகாந்தையே சாரும். அவர் தன்னுடன் நடித்த நடிகர்களுக்கும் சரி, பொதுமக்களுக்கும்சரி, ஏழ்மையில் உள்ளோருக்கும்சரி, அனைத்து உதவிகளையும் செய்து வந்தார். தற்போது உடல்நிலை பாதிக்கப்பட்டு மருத்துவமனையில் சிகிச்சை பெற்றுவந்த நிலையில் விஜயகாந்த் ரசிகர்கள் கோயில் கோயிலாக சென்று பிரார்த்தனை செய்து வருகிறார்கள். 

தமிழகத்தில் முன்னோடியாக தூத்துக்குடி வடக்குமாவட்ட தேமுதிக சார்பில் தூத்துக்குடி மாவட்டத்தில் பிரசித்திபெற்ற திருக்கோயில்களான கோவில்பட்டி அருள்மிகு செண்பகவள்ளிஅம்மன் உடனுறை பூவனாதசாமி திருக்கோயில், கழுகுமலை கழுகாசலமூர்த்தி திருக்கோயில், கயத்தார் அகிலாண்டஈஸ்வரி திருக்கோயில், காமநாயக்கன்பட்டி பரலோக மாதா திருக்கோயில், தூத்துக்குடி பனிமயமாதா திருக்கோயில், ஆகியவற்றில் தூத்துக்குடி வடக்கு மாவட்டசெயலாளர் சுரேஸ் தலைமையில் தினமும் ஐந்து கோயில்களில் சிறப்பு பூஜைகள் நடைபெற்று வருவது குறிப்பிடத்தக்கது. 

கயத்தார் அகிலாண்டேஸ்வரி சமேத கோதண்டராமேஸ்வரர் ஆலயத்தில் மாவட்டசெயலாளர் சுரேஸ் தலைமையில் சிறப்புபூஜை மற்றும் ஆராதனை நடைபெற்றது. மாவட்ட அவைதலைவர் கொம்பையாபாண்டியன், கயத்தார்  ஒன்றியசெயலாளர் அருண், கோவில்பட்டி நகரசெயலாளர் நேதாஜிபாலமுருகன், கோவில்பட்டி ஒன்றியசெயலாளர் பெருமாள்சாமி, கயத்தார் நகரசெயலாளர் கண்ணண், மாவட்ட மகளீரணிசெயலாளர் வெண்ணிலா, முன்னாள் மாவட்டநிர்வாகி முத்துமாலை, அருணாச்சலம், விஜய், மதிமுத்து, மற்றும் பலர் கலந்துகொண்டனர்.