பிரிட்டன் தேர்தலில் இந்தியர் போட்டி

லண்டன், தெலுங்கானாவில் பிறந்து பிரிட்டனில் வசித்து வரும் உதய் நாகராஜூ என்பவர், அந்நாட்டு பார்லிமென்ட் தேர்தலில் தொழிலாளர் கட்சி சார்பில் போட்டியிட உள்ளார். பிரிட்டன் பார்லிமென்டிற்கு 2025ம் ஆண்டு தேர்தல் நடைபெற உள்ளது.

தெலுங்கானாவின் கரீம் நகரில் நடுத்தர குடும்பத்தைச் சேர்ந்த நாகராஜூ ஹனுமந்த ராவ் மற்றும் நிர்மலா தேவி தம்பதிக்கு மகனாக பிறந்தவர் உதய் நாகராஜூ. பிரிட்டனில் தற்போது வசித்து வரும் இவர், தகவல் தொழில்நுட்ப வல்லுநர். தற்போது ஏஐ பாலிசி லேட்ஸ்' நிறுவனர் மற்றும் இயக்குநராக உள்ளார். இவர் வடக்கு பெட்போர்ட்ஷையர் தொகுதியில் இருந்து தொழிலாளர் கட்சி சார்பில் போட்டியிட உள்ளார். இவருக்கு, பிஆர்எஸ் கட்சி தலைவர்கள் உட்பட தெலுங்கானா மாநிலத்தை சேர்ந்தவர்கள் வாழ்த்து தெரிவித்து வருகின்றனர்.