மாற்றத்தை உருவாக்கும் படம் கெவி - அமீர் பேச்சு

ARTUPTRIANGLES FILM KAMPANY சார்பில் தயாராகி வரும் படம் ‘கெவி’. இயக்குநர் தமிழ் தயாளன் இயக்கத்தில் உருவாகியுள்ள இந்த படத்தில் அறிமுக நாயகன் ஆதவன் நடிக்க, ஷீலா  கதாநாயகியாக நடித்துள்ளார்.

கொடைக்கானல் மலைப்பகுதியில் அமைந்துள்ள ஒரு கிராமத்தைச் சுற்றி, வசிக்கும் மலைவாழ் மக்களின் வாழ்க்கையை மையப்படுத்தி நிஜமான சம்பவங்களின் பின்னணியில் இந்தப்படம் உருவாகியுள்ளது.

இந்த ‘கெவி’ படத்தின் அறிமுக நிகழ்ச்சி சமீபத்தில் நடைபெற்றது . இதில் சிறப்பு விருந்தினராக இயக்குநர் அமீர் கலந்துகொண்டு பேசினார்.அப்போது அவர், சுதந்திரம் பெற்று இவ்வளவு காலம் ஆகியும் நாம் இன்னும் மேன்மை அடையவில்லை என்பது ஒரு வருத்தத்திற்குரிய செய்தி. ஜெய் பீம் என்ற படம் வெளியானபோது இருளர்களின் பிரச்சனை வெளிச்சத்திற்கு வந்து தமிழக அரசு தலையிட்டு பல வசதிகளை செய்து கொடுத்தது.

அதேபோல கெவி திரைப்படமும் அந்த பகுதி மக்களின் வாழ்க்கையில் ஒரு மாற்றத்தை ஏற்படுத்தும் வகையில் தமிழக அரசின் கவனத்திற்கு இந்த கெவி படத்தை கொண்டு போக வேண்டியது அவசியமாக இருக்கிறது என்றார்.