ஆசிய சாம்பியன்ஸ் டிராபி ஹாக்கி: இந்தியா ஹாட்ரிக் வெற்றி

ஹூலுன் பியர் : ஆசிய சாம்பியன்ஸ் டிராபி ஹாக்கி தொடரில் இந்தியா 8 கோல்கள் வித்தியாசத்தில் மலேசியாவை வீழ்த்தி ஹாட்ரிக் வெற்றியை பதிவு செய்துள்ளது. இந்தியா தற்போது ஒன்பது புள்ளிகளுடன் முதலிடத்தில் உள்ளது. 

ரவுண்டு ராபின்...

8-வது ஆசிய சாம்பி யன்ஸ் டிராபி ஹாக்கி போட்டி சீனாவின் ஹூலுன் பியர் நகரில் நடந்து வருகிறது. இதில் பங்கேற்றுள்ள 6 நாடுகளும் ரவுண்டு ராபின் முறையில் தலா ஒரு முறை மோத வேண்டும். லீக் முடிவில் முதல் 4 இடங்களை பிடிக்கும் அணிகள் அரைஇறுதிக்கு தகுதி பெறும். அரை இறுதி 16-ந் தேதியும், இறுதிப் போட்டி 17-ந் தேதியும் நடக்கிறது.

8-1 என்ற கணக்கில்...

இந்திய அணி முதல் ஆட்டத்தில் சீனாவை 3-0 என்ற கோல் கணக்கில் தோற்கடித்தது. 2-வது ஆட்டத்தில் ஜப்பானை 5-1 என்ற கோல் வீழ்த்தியது.இந்திய அணி 3-வது ஆட்டத்தில் நேற்று மலேசியாவுடன் மோதுகிறது. இந்த ஆட்டத்திலும் இந்தியா அணி 8-1 என்ற கணக்கில் வெற்றிப்பெற்று ஹாட்ரிக் வெற்றியை பதிவு செய்தது. முன்னதாக மலேசியா முதல் ஆட்டத்தில் 2-4 என்ற கோல் கணக்கில் சீனாவிடம் தோற்றது. 2-வது ஆட்டத்தில் பாகிஸ்தானுடன் 2-2 என்ற கணக்கில் சமன் செய்தது. இந்தியா தனது நான்காவது போட்டியில் இன்று கொரியாவை எதிர்கொள்கிறது.