ரக்ஷிதா மஹாலஷ்மி நடிக்கும் எக்ஸ்டிரீம்

சீகர் பிக்சர்ஸ் சார்பில் கமலகுமாரி ராஜ்குமார் தயாரிப்பில், ராஜவேல் கிருஷ்ணா இயக்கத்தில், நடிகை ரக்ஷிதா மஹாலஷ்மி, அபி நட்சத்ரா,  நடிப்பில், சஸ்பென்ஸ் திரில்லராக உருவாகியுள்ள படம் "Extreme" (எக்ஸ்டிரீம்). இம்மாதம் 20 ஆம் தேதி இப்படம் வெளியாகவுள்ள நிலையில்,  இப்படத்தின்  இசை வெளியீட்டு விழா, நேற்று முன்தினம் நடைபெற்றது.

இவ்விழாவில் சிறப்பு விருந்தினராக இயக்குநர் ஆர்.வி.உதயகுமார் கலந்து கொண்டு பேசியதாவது….

தனது கணவரின் ஆசைக்கு பின்புலமாக இருந்து படத்தைத் தயாரித்திருக்கும், தயாரிப்பாளர் கமலகுமாரி ராஜ்குமாருக்கு எனது வாழ்த்துக்கள். சினிமாவில் இருந்து நிறைய முதல்வர்கள் வந்துள்ளார்கள். இந்த நேரத்தில் சினிமாவுக்கு வந்திருக்கும் சீகர் பிக்சர்ஸுக்கு வாழ்த்துக்கள் என்றார்.

பின்னர் அபி நட்சத்திரா பேசுகையில், இயக்குநர் ராஜவேல் கதை சொன்னபோது நார்மலாகத்தான் இருந்தது, ஆனால் அதில் எவ்வளவு விசயம் இருக்கிறது என்பது படத்தில் நடிக்கும் போது தான் தெரிந்தது. படத்தின் தயாரிப்பாளர்களுக்கு என் நன்றிகள். படம் மிக நன்றாக வந்துள்ளது. படத்திற்கு உங்கள் ஆதரவைத் தாருங்கள் அனைவருக்கும் நன்றி என்றார்.