தங்கம் விலை சரிவு

சென்னை : சென்னையில் ஒரே நாளில், ஆபரண தங்கத்தின் விலை சவரனுக்கு ரூ.720 குறைந்து விற்பனையானது.

சர்வதேச சந்தை நிலவரங்களுக்கு ஏற்ப, நாள்தோறும் ஆபரணத் தங்கத்தின் விலை நிர்ணயம் செய்யப்படுகிறது. அண்மைக்காலமாக தங்கத்தின் விலையில் அதிரடி மாற்றங்கள் காணப்பட்டன. அதிரடியாக உயர்வதும், பின்னர் சீராக விலை இறங்குவதும் என நிலைமைகள் மாறின.

இந்நிலையில், நேற்று (டிச.,14) சவரனுக்கு ரூ. 720 குறைந்து விற்பனையானது. ஒரு கிராம் ஆபரணத் தங்கத்தின் விலை ரூ.7,140க்கும், ஒரு சவரன் ரூ.57,120க்கும் விற்பனையானது.

அதேபோல் வெள்ளியின் விலை கிராமுக்கு ரூ.1 குறைந்து, ஒரு கிராம் ரூ.100-க்கு விற்பனையானது. ஒரே நாளில் தங்கம் விலை சவரனுக்கு ரூ.720 சரிந்ததால், நகைப்பிரியர்கள் மகிழ்ச்சி அடைந்துள்ளனர்.