மீன் குழம்பு செய்முறை ;

1. 25 கிராம் சீரகத்தை எடுத்து மிக்சியில் போட்டு பொடியாக அரைத்துக்கொள்ளவும்.
2. 10 மிளகையும்  பொடியாக அரைத்துக்கொள்ளவும்.
3. சின்ன வெங்காயம் 5 மற்றும் பூண்டு 6 பல் இவை இரண்டையும் மிக்சியில் போட்டு நன்றாக  அரைத்துக்கொள்ளவும்.
4. ஒரு பாத்திரத்தில் எலுமிச்சம் பழ அளவு புளியை போட்டு  தேவையான அளவு தண்ணீர் ஊற்றி புளிக் கரைசலை தயார் செய்து வைத்துக் கொள்ளவும்.
5. அடுப்பில் கிடாய் வைத்து 2 ஸ்பூன் ரிபைன்ட் ஆயில் ஊற்றவும்.
6. எண்ணெய் சூடானவுடன் 1 ஸ்பூன் சோம்பு, பொடியாக நறுக்கிய 50 கிராம் சின்ன வெங்காயம், பொடியாக நறுக்கிய 3 தக்காளி சேர்த்து நன்றாக வதக்கவும்.
7. இதனுடன் 1 ஸ்பூன் சீரகத் தூள்,1 ஸ்பூன் மிளகுத் தூள் போட்டு நன்றாக வதக்கவும்.
8. நன்றாக வதங்கிய பின் மிக்சியில் போட்டு  நன்றாக அரைத்துக்கொள்ளவும்.
9. 1/2 மூடி தேங்காய்யை நறுக்கி மிக்சியில் போட்டு தேவையான அளவு தண்ணீர் ஊற்றி நன்றாக அரைத்துக்கொள்ளவும்.
10. அடுப்பில் பாத்திரத்தை வைத்து 50 மில்லி நல்லெண்னை உற்றவும்.
11. எண்ணெய் சூடானவுடன் வெந்தயம் 1 ஸ்பூன், சோம்பு 1 ஸ்பூன், பச்சை மிளகாய் 4, பூண்டு 5 பல், மற்றும் சிறிதளவு  கருவேப்பிலை,கொத்தமல்லி சேர்த்து நன்றாக வதக்கவும்.
12. பொடியாக நறுக்கிய 100 கிராம் சின்ன வெங்காயத்தை போட்டு வதக்கவும்.
13. பொடியாக நறுக்கிய 2 தக்காளி மற்றும் தேவையான அளவு கல் உப்பு போட்டு வதக்கவும்.
14. 1/2 டீஸ்பூன் சீரகத் தூள்,1/2 டீஸ்பூன் மிளகுத் தூள் போட்டு நன்றாக வதக்கவும்.
15. இதனுடன் மிக்சியில் அரைத்து வைத்த சின்ன வெங்காயம்,பச்சை மிளகாய் பூண்டு  ஆகியவற்றை சேர்த்து வதக்கவும்.
16. மிளகாய் தூள் 2 ஸ்பூன்,தனியா தூள் 3 ஸ்பூன்,சேர்த்து வதக்கவும்.
17. கரைத்து வைத்துள்ள புளி கரைசலை ஊற்றி கலந்து விட்டு 10
18. நிமிடம் குழம்பை கொதிக்க வைக்க வேண்டும்.
19. பிறகு அரைத்து வைத்துள்ள 1/2 மூடி தேங்காய் விழுதை போட்டு கலந்து விடவும்.
20. இதனுடன் நன்றாக கழுவி வைத்த 1/2 கிலோ நெய் மீனை போட்டு 5 நிமிடம் கொதிக்க வைக்க வேண்டும்.
21. இப்போது அடுப்பில் இருந்து இறக்கி விடலாம்.
22. சுவையான மீன் குழம்பு ரெடி.