ஆட்சிக்கு வந்தவுடன் அக்னிபாத் திட்டம் ரத்து : அகிலேஷ் யாதவ் வாக்குறுதி

புதுடெல்லி : நாங்கள் ஆட்சிக்கு வந்தவுடன் அக்னிபாத் திட்டத்தை ரத்து செய்வோம் என்று சமாஜ்வாடி கட்சி தலைவர் அகிலேஷ் யாதவ் தெரிவித்துள்ளார்.

சமாஜ்வாடி கட்சி  தலைவர் அகிலேஷ் யாதவ் தனது டுவிட்டர் பக்கத்தில் வெளியிட்டுள்ள அறிக்கையில் கூறியிருப்பதாவது: 

நாங்கள் ஆட்சிக்கு வந்தவுடன் குறுகிய கால ராணுவ ஆள்சேர்ப்பு அக்னிபாத் திட்டத்தை, 24 மணி நேரத்தில் ரத்து செய்வோம். மீண்டும் பழைய முறையில் ஆட்சேர்ப்பு நடைபெறும் என்று தெரிவித்துள்ளார். 

அக்னிபாத் திட்டத்தில் பணிபுரியும், ராணுவ வீரர்களுக்கு மத்திய அரசு சலுகைகள் அறிவித்துள்ளது. அதே நேரத்தில் நாங்கள் ஆட்சிக்கு வந்தவுடன் அக்னிபாத் திட்டத்தை ரத்து செய்வோம் என அகிலேஷ் கூறியுள்ளார்.