தின பூமி
முக்கிய செய்திகள்
Idhayam Matrimony

அ.தி.மு.க. - பா.ஜ.க. கூட்டணியை பார்த்து முதல்வருக்கு பயம்: எடப்பாடி பழனிசாமி

திங்கட்கிழமை, 21 ஏப்ரல் 2025      தமிழகம்
EPS 2024-08-27

Source: provided

 சென்னை : அ.தி.மு.க.-பா.ஜ.க. கூட்டணியை பார்த்து முதல்வருக்கு பயம் வந்துவிட்டது என எடப்பாடி பழனிசாமி தெரிவித்துள்ளார். 

தமிழக சட்டசபையில் நேற்று முதல்வர் முக.ஸ்டாலின் மற்றும் எதிர்க்கட்சித்தலைவர் எடப்பாடி பழனிசாமி இருவரும் காரசார வாதங்களை முன்வைத்தனர்.

"தி.மு.க. - காங்கிரஸ் கூட்டணி ஆட்சியில்தான் நீட் கொண்டு வரப்பட்டது. பிள்ளையார் சுழி போட்டது நீங்கள் தான்" என்று முதல்வரை நோக்கி தலைவர் பழனிசாமி கூற, அதற்கு "நீட் சிக்கலை போக்க அ.தி.மு.க.வுக்கு இப்போதும் வாய்ப்பு உள்ளது; நீட் தேர்வை ரத்து செய்தால்தான் கூட்டணியில் இருப்போம் என சொல்லுமா அ.தி.மு.க.?" என்று எடப்பாடி பழனிசாமியை நோக்கி கேள்வியெழுப்பினார்.

இதன் பின்னர் சட்டசபை வளாகத்தில் எடப்பாடி பழனிசாமி செய்தியாளர்களை சந்தித்தார். அப்போது அவர் பேசியதாவது;

"2010 டிசம்பரில்தால் நீட் தேர்வுக்கான ஆரம்பப் புள்ளி தொடங்கியது. தி.மு.க.-காங்கிரஸ் கொண்டு வந்த நீட் தேர்வை ரத்து செய்ய அ.தி.மு.க. போராடியது. நீட் தேர்வு பற்றி பலமுறை விளக்கம் கொடுத்துவிட்டேன். திருவிழாவில் மோர் உள்ளிட்டவை குடித்த மக்களுக்கு உடல்நலம் பாதிக்கப்பட்டது என அமைச்சர் கூறுவதை ஏற்க முடியாது. சித்திரை திருவிழாவிற்கு உறையூர் பகுதி மக்கள் மட்டும் தான் சென்றார்களா? உறையூர் பகுதி மக்களுக்கு மட்டும் உடல்நலம் பாதிக்கப்பட்டது ஏன்?

தி.மு.க.-பா.ஜ.க. கூட்டணி சேர்ந்தபோது நாங்கள் கூட்டணி சேர்வதில் மட்டும் என்ன தவறு? அ.தி.மு.க. யாருடன் வேண்டுமானாலும் கூட்டணி வைக்கும். நீங்கள் ஏன் பயப்படுகிறீர்கள்? அ.தி.மு.க.-பா.ஜ.க. கூட்டணியை பார்த்து முதல்-அமைச்சருக்கு பயம் வந்துவிட்டது. அதனால்தான் இப்படி பேசுகிறார். முதல்வர் பதற்றப்படுவதை சட்டசபையில் நேருக்கு நேர் பார்த்தேன்." இவ்வாறு அவர் பேசினார்

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 10 months 2 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 10 months 2 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 11 months 2 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 11 months 2 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 1 month ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 1 month ago
View all comments

வாசகர் கருத்து