முக்கிய செய்திகள்
Idhayam Matrimony

தமிழக அனல்மின் திட்டங்களுக்கு தேவையான நிலக்கரியை வழங்க வேண்டும் மத்திய அமைச்சரிடம், அமைச்சர் தங்கமணி நேரில் வலியுறுத்தல்

வியாழக்கிழமை, 8 நவம்பர் 2018      தமிழகம்
Image Unavailable

சென்னை,வட சென்னை, உடன்குடி உள்ளிட்ட தமிழக அனல்மின் திட்டங்களுக்கு தேவையான நிலக்கரி ஒதுக்கீட்டைஉடனடியாக வழங்க வேண்டும் என்றும் தமிழகத்திற்கு மத்திய மின்தொகுப்பில் இருந்து முழுமையான மின்சாரத்தை வழங்க வேண்டும் என்றும் டெல்லியில் மத்திய அமைச்சர் பியூஷ்கோயலிடம் தமிழக மின்துறை அமைச்சர் தங்கமணி நேரில் சந்தித்து வலியுறுத்தினார்.

இது குறித்து அரசு வெளியிட்ட செய்திக்குறிப்பு வருமாறு:-மத்திய ரயில் மற்றும் நிலக்கரிதுறை அமைச்சர் பியுஷ் கோயலை டெல்லியில் நேற்று மின்சாரத்துறை அமைச்சர் தங்கமணி, தமிழ்நாடு மின் உற்பத்தி மற்றும் பகிர்மானகழகத் தலைவர் மற்றும் நிர்வாக இயக்குநர் விக்ரம்கபூர், எரிசக்தித்துறை முதன்மை செயலாளர் முகமது நசிமுதீன் ஆகியோர் சந்தித்தனர்.

இதன்பின்னர் மின்துறை அமைச்சர் தங்கமணி நிருபர்களுக்கு அளித்த பேட்டியில் கூறியதாவது: தமிழ்நாடு மின் உற்பத்தி மற்றும் பகிர்மான கழகத்தில் 2020-21-ல் மின் உற்பத்தி தொடங்கயிருக்கும் வடசென்னை (திட்டம் 3 (1x800MW) உப்பூர் (2x800MW) உடன்குடி (2x660MW)எண்ணூர் சிறப்பு பொருளாதாரமண்டலம் (2x660MW) எண்ணூர் விரிவாக்கம் (1x660MW) எண்ணூர் (மாற்று) (1x660MW) ஆகிய அனல் மின் திட்டங்களுக்கு தேவையான நிலக்கரி ஒதுக்கீட்டினை உடனடியாக வழங்குமாறு கோரிக்கை வைக்கப்பட்டுள்ளது.

15 நாட்களுக்கு... தமிழ்நாடு மின் உற்பத்தி மற்றும் பகிர்மான கழகத்தின் அனல் மின் நிலையங்களுக்கு தோராயமாக நாளொன்றுக்கு 72000 மெட்ரிக் டன்கள் நிலக்கரி தேவைப்படுகிறது. (அதாவது 20 நிலக்கரி தொடர்வண்டிகள்). மழைகாலங்கள் தொடங்க உள்ளதால் அனல் மின் நிலையங்களில் நிலக்கரியின் கை இருப்பை குறைந்தது 15 நாட்களுக்கு அதிகரிப்பதற்காக நாள் ஒன்றுக்கு 20 நிலக்கரி தொடர் வண்டிகள் அனுப்புமாறு கோரிக்கை வைக்கப்பட்டது.

பராமரிப்பு பணி...இதனைத் தொடர்ந்து மத்திய மின்சாரம் மற்றும் புதுப்பிக்கவல்ல எரிசக்தித்துறை அமைச்சர் (2 தனி பொறுப்பு) ஆர்.கே.சிங்கை சந்தித்து தமிழ்நாட்டிற்கு மத்திய மின் தொகுப்பில்லிருந்து வரவேண்டிய 6,312 மெகாவாட்டில் தற்போது 3,376 மெகாவாட் மட்டும் தான் வந்து கொண்டிருக்கிறது எனவே மத்திய மின் தொகுப்பிலிருந்து முழுமையாக மின்சாரத்தை தமிழகத்திற்கு வழங்குமாறு கோரிக்கை வைக்கப்பட்டுள்ளது. தமிழ்நாட்டில் காற்றாலை மின்சாரம் அதிகமாக கிடைக்கும் மாதங்களாகிய மே முதல் செப்டம்பர் மாதத்தில் கூடங்குளம் அணு மின் நிலையத்தின் வருடாந்திர பராமரிப்பு பணியினை மேற்கொள்ளுமாறு கோரிக்கைவைக்கப்பட்டுள்ளது என மின் துறை அமைச்சர்.தங்கமணி தெரிவித்தார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 month 1 day ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 month 1 day ago ஆவாரம்பூவின் மருத்துவ பலன்கள் 1 month 1 day ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 1 week ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.