தமிழகத்தில் 2, 858 ஏரிகள் நிரம்பின: நீர்வளத்துறை அதிகாரிகள் தகவல்

சென்னை, தமிழகத்தில் 2,858 ஏரிகள் நூறு சதவீதம் நிரம்பி உள்ளதாக நீர்வளத்துறை அதிகாரிகள் தெரிவித்துள்ளனர். 

தமிழகத்தில்  உள்ள 38 மாவட்டங்களில் 14 ஆயிரத்து 139 பாசன ஏரிகள் உள்ளன. அதில் 2 ஆயிரத்து 858 ஏரிகள் நூறு சதவீதம் நிரம்பி உள்ளன. 2 ஆயிரத்து 92 ஏரிகள் 76 சதவீதம் முதல் 99 சதவீதமும், 1,828 ஏரிகள் 51 முதல் 75 சதவீதமும், 2 ஆயித்து 453 ஏரிகள் 26 முதல் 50 சதவீதமும், 3 ஆயிரத்து 929 ஏரிகள் 1 முதல் 25 சதவீதமும் நீர் நிரம்பி உள்ளன. 

979 ஏரிகளில் போதுமான அளவு நீர் இல்லாமல் கிடக்கிறது. குடிநீர் உள்ளிட்ட பயன்பாட்டுக்காக 90 ஏரிகள் பயன்படுத்தப்படுகிறது. இவற்றின் மொத்த கொள்ளளவு 224.297 டி.எம்.சி. ஆகும். (ஒரு டி.எம்.சி. என்பது நூறு கோடி கன அடி ஆகும்.) 

ஆனால் தற்போது இந்த ஏரிகளில் 112.629 டி.எம்.சி. நீ்ர் இருப்பு உள்ளது. அதாவது 50.21 சதவீதம் மட்டுமே இருப்பு உள்ளது. இந்த தகவல்களை தமிழ்நாடு நீர்வளத்துறை அதிகாரிகள் தெரிவித்துள்ளனர்.