வங்கதேச பாராளுமன்றம் கலைப்பு: அவாமி லீக் கட்சி தலைவர் கைது

டாக்கா, வங்கதேச பிரதமராக இருந்த ஷேக் ஹசீனா ராஜினாமா செய்ததைத் தொடர்ந்து, அந்நாட்டு பாராளுமன்றத்தை கலைத்து அதிபர் ஷஹாபுதீன் உத்தரவிட்டு உள்ளார்.

வங்கதேசத்தில் ஒரு மாதமாக நடந்த மாணவர் போராட்டங்களில், 300-க்கும் மேற்பட்டோர் உயிரிழந்த நிலையில், பிரதமர் ஷேக் ஹசீனா நேற்று முன்தினம் தன் பதவியை ராஜினாமா செய்தார். நாட்டை விட்டு வெளியேறினார். அங்கு ஆட்சியை ராணுவம் கையில் எடுத்து உள்ளது.

இந்நிலையில், அந்நாட்டு பாராளுமன்றத்தை கலைத்த அதிபர் ஷஹாபுதீன் உத்தரவிட்டுள்ளார். மேலும் ஜூலை 1-ம் தேதி  முதல் கடந்த 05-ம் தேதி வரை கைதான அனைவரையும் விடுதலை செய்யவும் உத்தரவிட்டுள்ளார்.

ஊழல் வழக்கில் கைதாகி சிறையில் இந்த முன்னாள் பிரதமர் கலிதாஜியாவை விடுதலை செய்ய அதிபர் நேற்று முன்தினம் உத்தரவிட்டார். இதனையடுத்து நேற்று அவர் விடுதலை செய்யப்பட்டார். ஹசீனா அமைச்சரவையில் தகவல் தொழில்நுட்பத்துறை அமைச்சராக பதவி வகித்தவரும், அவாமி லீக் கட்சி தலைவருமான ஜூனைத் அஹமதுவை போலீசார் கைது செய்தனர்.