எண்ணெய் மற்றும் இயற்கை எரிவாயுக் கழகத்தில் உள்ள 'கணினி ஆபரேட்டர் மற்றும் நிரலாக்க உதவியாளர்' பணிகளுக்கு காலியிடங்கள் உள்ளதாக அறிவிப்பு வெளியாகியுள்ளது.
சென்னை, ஜூலை.- 30 - வரும் நாடாளுமன்ற கூட்டத் தொடரில், மத்திய அரசு கொண்டுவர உத்தேசித்துள்ள ``மதகலவர தடுப்பு சட்ட மசோதா'' மாநில அரசின் அதிகாரங்களை பறக்கும் வகையில் உள்ளது என்று தமிழக முதல்வர் ஜெயலலிதா கடும் கண்டனம் தெரிவித்துள்ளார். இது குறித்து முதல்வர் ஜெயலலிதா வெளியிட்டுள்ள இந்த மசோதாவுக்கு அறிக்கையில் கூறியிருப்பதாவது:- நடைபெறவுள்ள நாடாளுமன்ற கூட்டத் தொடரில் மத்திய அரசு 2011 ஆம் ஆண்டு வகுப்புவாரி மற்றும் இலக்கு வன்முறை (நியாயம் மற்றும் இழப்பீடு வழங்க வழிவகை செய்தல்) தடுப்புச் சட்டமுன்வடிவை தாக்கல் செய்ய இருப்பதாக ஊடகங்களில் செய்திகள் வெளியாகி உள்ளன.
அ.தி.மு.க. சார்பிலும், தமிழ்நாடு அரசின் சார்பிலும் இதற்கான என்னுடைய உறுதியான எதிர்ப்பை முதலிலேயே தெரிவிக்க விரும்புகிறேன். மக்கள் நலனுக்காகவே இந்தச் சட்டம் கொண்டு வரப்படுவதான எண்ணத்தைத் தோற்றுவிக்க முயன்றாலும், இந்தச் சட்டமுன்வடிவின் நோக்கம் தெளிவில்லாமலும், ஊகங்களுக்கு இடமளிக்கும் வகையிலும் உள்ளது. மேலோட்டமாக பார்க்கும் போதே, இதில் எழுத்தில் உள்ளதை விட அதிக பொருள் பொதிந்து உள்ளது தெரிய வரும். இந்தச் சட்டமுன்வடிவில் தெரிவித்துள்ள நோக்கங்களை அடைவதற்கான முறைகளில் இது மிகவும் வழுவுள்ளதாக அமைந்துள்ளது. உரத்து சொல்லப்படுகின்ற மதக் கொள்கைகளுக்கு இங்கு இடமில்லை என்பதையும், மதச் சார்பற்ற, பல்வேறு மதங்கள் பின்பற்றப்பட்டு, பல்வேறு மொழிகள் பேசப்படுகின்ற இந்தியத் திருநாட்டில், வகுப்புவாரி மற்றும் இலக்கு வன்முறைக்கு இடமில்லை என்பதையும், சமாதானத்தை விரும்புகின்ற மற்றும் மதச் சார்பற்ற இந்தியக் குடிமக்கள் ஒப்புக் கொள்வார்கள். இந்த உத்தேச சட்டமுன்வடிவு, அதன் நோக்கத்தை எள்ளளவும் அடையாது. மாறாக, பல்வேறு அமைப்புகளிடையே இது நம்பிக்கையின்மையை ஏற்படுத்துவதுடன், குறை கூறுகின்ற மற்றும் வெளிப்படையாக பேசுகின்ற குழுக்கள் மீது பழிவாங்கும் நடவடிக்கைகளையும், தங்களது ஏமாற்றங்களை பலவீனமான நபர்கள் மீது காண்பிக்கக் கூடிய ஒரு சந்தர்ப்பத்தையும், அதிகாரம் படைத்தவர்களுக்கு அளித்து விடும். சுருங்கக் கூறின், வகுப்புவாரி மற்றும் இலக்கு வன்முறையைத் தடுக்க உள்ள இந்த மருந்து, நோயைக் காட்டிலும் மோசமானதாகும். உத்தேச சட்ட முன்வடிவின் பிரிவு 3ல், ஒரு குழுவிற்கு எதிரான விரோதமான சூழ்நிலை என்பதைப் பற்றி விளக்கும் போது, ஒருவரது அடிப்படை உரிமையைப் பறித்துக் கொள்வது அல்லது பறித்துக் கொள்வதாக மிரட்டுவது என்று விளக்கி உள்ளது. இதுவன்றி, வேறு எந்த நடவடிக்கை, இந்தச் சட்டத்தின் கீழ் குற்றமாகக் கருதப்படக் கூடியவையாக இருந்தாலும், இல்லாவிட்டாலும், அச்சுறுத்திப் பணிய வைத்தல், விரோதமான அல்லது எதிரான சூழ்நிலையை உருவாக்கும் எண்ணம் அல்லது அதனை ஏற்படுத்துவதான நிலை ஆகியவற்றை நோக்கமாகவோ, விளைவாகவோ இருப்பவையையும் இதன் கீழ் கொண்டு வந்துள்ளது. பறித்துக் கொள்வதாக மிரட்டுவது மற்றும் விரோதமான அல்லது எதிரான சூழ்நிலையை ஏற்படுத்துவதான நிலை ஆகியவற்றை உள்ளடக்கிய விளக்கங்கள், ஒவ்வொருவரும் தனது மனதில் பட்டவாறான தெளிவுரைகளை வழங்கிட இயலும். ஒவ்வொருவரின் தனிப்பட்ட முறையிலான தெளிவுரைகள் தவறான பயன்பாட்டுக்கு வழி வகை செய்யும் என்பதால், எந்த ஒரு சட்டமும் முழுமையாக வெளிப் பொருள்களை மையமாகக் கொண்டு தான் இருக்க வேண்டும்.
இந்த உத்தேச சட்டமுன்வடிவு, வகுப்புவாரி மற்றும் இலக்கு வன்முறையின் கீழ் வரும் குற்றங்களை பிரிவுகள் 7 முதல் 12 வரை பட்டியல் இட்டுள்ளது. பிரிவு 8 வன்மப் பிரச்சாரம் என்பதை விளக்கி, மேலும், பகையைத் தூண்டுவது அல்லது வளர்ப்பது ஆகிய குறிக்கோளைக் கொண்டுள்ளதாக சாதாரணமாகக் கருதக் கூடிய வகையில் எந்தத் தகவலையும், எவர் ஒருவரும் பரவச் செய்தாலும் அல்லது பரப்பினாலும், எந்த விளம்பரம் அல்லது அறிவிக்கையை பதிப்பித்தாலும், காண்பித்தாலும் . என்று கூறுகிறது. சாதாரணமாகக் கருதக்கூடிய வகையில் என்னும் சொற்றொடர் மனதில் பட்டவாறு விளக்கமளிக்கக் கூடியதாகும். எனவே, அதிகாரத்தில் உள்ளவர்களின் தூண்டுதலால் இதை தவறாகப் பயன்படுத்த ஏதுவாகும்.
இந்த உத்தேச சட்டமுன்வடிவின் பிரிவு 13ல் கடமை தவறுதல் என்பதன் மூலக்கூறு என்ன என்பதை வரையறை செய்யும்போது, வகுப்புவாரி மற்றும் இலக்கு வன்முறையை தடுக்கும் வகையில் பொது அமைதியை பராமரிப்பதும் பொது ஊழியரின் கடமை என்றும், வகுப்புவாரி மற்றும் இலக்கு வன்முறைகள் நடப்பதற்கான சாத்தியக்கூறுகள் குறித்த தகவல்களை பெற்று, அதைத் தடுப்பதற்கான நடவடிக்கைகளை எடுக்காததும் கடமையிலிருந்து தவறுதல் தான் என்று பிரிவு 18ல் சுட்டிக்காட்டப்பட்டுள்ளதை தொடர்புபடுத்துகிறது. இது மிகவும் ஆபத்தானது. ஏனெனில், களப் பணியாற்றும் அதிகாரிகள் இந்தப் பிரிவின் கீழ் குற்றம் புரியவில்லை என்றாலும், உயர் அதிகாரிகள் தனக்கு கீழ் பணிபுரியும் அதிகாரிகள் மீது இந்தப் பிரிவின் கீழ் குற்றப் பத்திரிகை தாக்கல் செய்யலாம். இது போன்ற நெகிழும் தன்மையுடைய விளக்கத்தின் அடிப்படையில் வகுப்புவாரி இணக்கம், நியாயம் மற்றும் இழப்பீட்டுக்கான தேசிய அதிகார அமைப்பு தானாகவே நடவடிக்கை எடுக்கலாம் என்கிறபோது இதனுடைய ஆபத்து இரட்டிப்பாகிறது. இந்த உத்தேச சட்டமுன்வடிவின் 14வது பிரிவு, கட்டளை இடக்கூடிய, கட்டுப்பாடு அல்லது கண்காணிப்புப் பணிகளை மேற்கொள்ளும் பொது ஊழியர்கள், தங்களுக்குக் கீழ் பணியாற்றும் அதிகாரிகள் இந்தச் சட்டம் அல்லது அமலில் உள்ள எந்தச் சட்டத்தின் கீழும் செய்ததாகக் கூறப்படும் தவறுகளுக்கும் பொறுப்பு ஏற்க வேண்டும். ஆணையிடக்கூடிய பொறுப்பில் இருக்கும் ஒரு அதிகாரி தன்னுடைய பொறுப்பை தட்டிக்கழிக்க முடியாது என்பது ஏற்றுக் கொள்ளக்கூடியது என்றாலும், வெளிப் பொருள்களை மையமாகக் கொண்டு, தெளிவாகக் குறிப்பிடப்படாத பட்சத்தில், உயர் அதிகாரியை குற்றம் சாட்டுவது பொருத்தமாக இருக்காது. இந்த உத்தேச சட்டமுன்வடிவின் 20வது பிரிவு மாநில சுயாட்சியை நேரடியாக தாக்கக் கூடியதாக உள்ளது. இந்தப் பிரிவு இந்திய அரசமைப்புச் சட்டத்தின் எண்ணத்திற்கும், மாநிலங்களுக்கு அதிக அளவில் சுயாட்சி கொடுக்க வேண்டும் என்ற சர்க்காரியா ஆணையம் உள்ளிட்ட இதர ஆணையங்களின் பரிந்துரைகளுக்கும் எதிரானது. திட்டமிட்ட வகுப்புவாரி மற்றும் இலக்கு வன்முறை நிகழ்வு என்பது அரசமைப்புச் சட்டம் 355வது பிரிவில் குறிப்பிட்டுள்ள உள்நாட்டுக் குழப்பம் என்ற பொருளுக்கு உட்பட்டது என்று இந்தப் பிரிவில் கூறப்பட்டுள்ளதால், தலைக்கு மேல் கத்தி போல், எப்பொழுது வேண்டுமானாலும் ஆபத்து ஏற்படலாம் என்ற அச்ச உணர்வை மாநில அரசுகளுக்கு இது ஏற்படுத்தும். இந்தப் பிரிவு, குறிப்பாக மத்திய அரசு மட்டுமே திட்டமிட்ட வகுப்புவாரி மற்றும் வன்முறைகள் குறித்து கவலைப்படுவது போன்றும், மாநில அரசுகள் இத்தகைய குற்றங்களுக்கு துணை போவது போன்றும் ஒரு தோற்றத்தை ஏற்படுத்தியுள்ளது. மாநில அரசு மற்றும் அதன் கீழ் பணியாற்றும் அதிகாரிகளின் பணிகளில் குறுக்கிடும் வகையில் வகுப்புவாரி இணக்கம், நியாயம் மற்றும் இழப்பீட்டுக்கான தேசிய அதிகார அமைப்பிற்கு வானளாவிய அதிகாரம் கொடுக்கப்பட்டுள்ளது. இந்தப் பிரிவின்படி, வகுப்புவாரி மற்றும் இலக்கு வன்முறை நிகழ்வு அல்லது நிகழ்வதற்குரிய சாத்தியக்கூறு குறித்து தானாகவோ அல்லது கிடைக்கப் பெறும் தகவல்களின் அடிப்படையிலோ அல்லது வேறு விதமாகவோ விசாரிக்கும் அல்லது புலன் விசாரணை செய்யும் அதிகாரம் வகுப்புவாரி இணக்கம், நியாயம் மற்றும் இழப்பீட்டுக்கான தேசிய அதிகார அமைப்பிற்கு வழங்கப்பட்டுள்ளது. மாநில அரசையே நடத்திச் செல்லும் அளவுக்கு, புலன் விசாரணை, புகார்கள் மீதான விசாரணை போன்றவற்றில் விஞ்சிய அதிகாரம் மற்றும் செயல் திறன் இந்த தேசிய அதிகார அமைப்பிற்கு வழங்கப்பட்டுள்ளது. இந்த உத்தேச சட்டமுன்வடிவின் 20வது பிரிவில் குறிப்பிடப்பட்டு உள்ள திட்டமிட்ட வகுப்புவாரி மற்றும் இலக்கு வன்முறை குறித்து மத்திய அரசுக்கு உள்ள அதிகாரங்கள், தேசிய அதிகார அமைப்பிற்கு உள்ள அதிகாரம் மற்றும் செயல்பாடுகள், மாநில அரசுக்குள்ள அதிகாரங்களை முழுவதும் பறிக்கும் வகையில் அமைந்துள்ளதோடு மட்டுமல்லாமல் மாநில சுயாட்சிக் கொள்கைகளுக்கு முற்றிலும் எதிரானதாகவும் உள்ளது. மாநில அரசுகளுக்கும், அனைத்து மட்டத்தில் உள்ள பொது ஊழியர்களுக்கும் ஆலோசனைகளையும், பரிந்துரைகளையும் வழங்கும் அதிகாரம் இந்த தேசிய அதிகார அமைப்பிற்கு கொடுக்கப்பட்டுள்ளது. இந்த அனைத்து ஆலோசனைகள் மற்றும் பரிந்துரைகளின் மீது உரிய நடவடிக்கை எடுக்க வேண்டிய கட்டாயம் மாநில அரசுகளுக்கும், பொது ஊழியர்களுக்கும் இருக்கிறது. இந்த உத்தேச சட்டமுன்வடிவின் கீழ் உள்ள குற்றங்களுக்கான குற்ற வழக்குகளை தாக்கல் செய்வதற்கான சிறப்பு குற்றவியல் வழக்குரைஞரை நியமிக்கும் தனிப்பட்ட அதிகாரம் கூட இந்தச் சட்டத்தின்படி மாநில அரசுக்கு இல்லை. மாநில அரசு சிறப்பு குற்றவியல் வழக்குரைஞரை நியமிப்பதற்கு முன், அவ்வாறான நியமனம் செய்வதற்கான அறிவிக்கையை வெளியிட்டு, அதன் மீது பொதுமக்களிடமிருந்து கருத்துக்கள் மற்றும் ஆட்சேபணைகளைப் பெற வேண்டும் என்று இந்த உத்தேச சட்டமுன்வடிவில் உள்ளது.
இந்த உத்தேச சட்டமுன்வடிவில், அத்தியாயம் 7ல், பாதிக்கப்பட்டவர்களுக்கு நிவாரணம், நஷ்ட ஈடு, உரிமையை ஈடு செய்தல், இழப்பீடு வழங்குவதற்கான பொறுப்பு ஆகியவை மாநில அரசுக்கு உள்ளதாகக் குறிப்பிடப்பட்டுள்ளது. இவை எல்லாம், சட்டம் ஒழுங்கை நிலைநாட்டுதல் மற்றும் வகுப்புவாரி வன்முறை ஆகிய சூழ்நிலைகளில், மாநில அரசுக்குரிய இயல்பான செயல்களாகும். மாநில அரசுக்குரிய இந்த அதிகாரங்களை பறித்துக் கொண்டும், அதிகாரத் தோரணையோடும், மேற்பார்வையிடுபவராகவும் தன்னை மத்திய அரசு கருதிக் கொண்டுள்ளதாக இந்தச் சட்டம் அமைந்து உள்ளது. அரசு அதிகாரிகள், காவல் துறை அதிகாரிகள் மற்றும் பணியாளர்கள் மேலதிகாரிகளின் உத்தரவுகளுக்கு கீழ்ப்படியாமை மற்றும் கலகத்தை ஆதரிக்கும் வகையில் இந்த உத்தேச சட்டமுன்வடிவு அமைந்துள்ளது. இது, ஒட்டுமொத்த குழப்பம் மற்றும் சட்டத்தின் ஆட்சி இல்லாமை ஆகியவற்றை ஏற்படுத்தி, அதன் மூலம் நாட்டில் சட்டம் ஒழுங்கை முழுவதுமாக நிலை குலையச் செய்து விடும். வகுப்புவாரி மற்றும் இலக்கு வன்முறையைத் தடுக்கும் போர்வையில், மாநில அரசுகளைப் புறந்தள்ளி விட்டு, அனைத்து அதிகாரங்களையும் மத்திய அரசிடம் குவித்து, அதன் மூலம் மாநில அரசுகள் எந்த ஒரு அதிகாரமும் இல்லாமலும், மத்திய அரசின் கருணைப் பார்வையில் இருக்கும்படியும் வைத்திருப்பதற்கான ஒரு வெளிப்படையான முயற்சி தான், இந்த வகுப்புவாரி மற்றும் இலக்கு வன்முறை (நியாயம் மற்றும் இழப்பீடு வழங்க வழிவகை செய்தல்) தடுப்புச் சட்ட முன்வடிவு, 2011 ஆகும்.
ஒருவேளை, உச்ச நீnullதிமன்றத்தின் எஸ். ஆர். பொம்மை தீர்ப்புரையின் காரணமாக அரசமைப்புச் சட்டப் பிரிவு 356-ன் படி, மாநில அரசுகளைக் கலைக்கும் வாய்ப்பு மத்திய அரசுக்கு குறுகி உள்ள காரணத்தால், மாநில அரசுகள் எப்போது வேண்டுமானாலும் கலைக்கப்படலாம் என்ற அச்சுறுத்தல் எப்போதும் இருக்க வேண்டும் என்ற நோக்கத்தை இது கொண்டுள்ளது போலும். குறிப்பிட்டுச் சொல்ல வேண்டுமென்றால், இந்தச் சட்டத்தின் நோக்கம் குறிப்பிடப்படவில்லை. இந்தச் சட்டத்தின் கீழ் கொண்டு வரப்பட உள்ள பல குற்றங்கள் சம்பந்தப்பட்ட அதிகாரிகளின் மனதில் பட்ட தெளிவுரைகளின் அடிப்படையிலேயே அமையும் என்பதாலும், அதிலும் குறிப்பாக, இந்தச் சட்டத்தின் கீழ், ஒட்டுமொத்த அதிகாரங்கள் வழங்கப்பட்டுள்ள நிலையிலும், இதைத் தவறாகப் பயன்படுத்த வாய்ப்பாகி விடும். வகுப்புவாரி மற்றும் இலக்கு வன்முறை நிகழ்வுகளில் மாநில அரசுகளை முற்றிலுமாக ஒதுக்கி விட்டு மத்திய அரசுக்கே ஒட்டுமொத்த அதிகாரங்களை வழங்குவதாக இந்தச் சட்டம் அமைந்துள்ளது. nullநீதியரசர் சர்க்காரியா ஆணையம் மத்தியமாநில அரசுகளின் உறவுகள் பற்றி கூறப்பட்ட நெறிமுறைகளை இந்தச் சட்ட முன்வடிவு சீர்குலைக்கிறது. விரோதப் போக்குடைய மத்திய அரசு, எதிர்க் கட்சிகள் ஆட்சி அதிகாரத்தில் உள்ள மாநிலங்களை அரசமைப்புச் சட்டப் பிரிவு 356ன்படி கலைக்கும் அதிகாரத்திற்கு nullதிமன்ற தீர்ப்புகளால் தடை ஏற்பட்டுள்ள நிலையில், அதனைத் தவிர்க்கும் வகையில், புதிய தந்திரமாக இந்தச் சட்ட முன்வடிவு உள்ளதாகத் தோன்றுகிறது. இந்த உத்தேச சட்டமுன்வடிவு சட்டமாக்கப்பட்டால், மத்தியில் ஆட்சி அதிகாரத்தில் உள்ள அரசியல் கட்சிகளைச் சேர்ந்தவர்கள் சதித்திட்டம் தீட்டி எதிர்க்கட்சி ஆளும் மாநிலங்களில் நிலையற்ற சூழ்நிலையை உருவாக்கக் கூடிய நிலை ஏற்படலாம். வன்முறையில், போராட்டத்தில் ஈடுபடுவோர் மீது நடவடிக்கை எடுத்தால், சம்பந்தப்பட்ட மாநில அரசானது கருத்து வேறுபாட்டினை அடக்குமுறை மூலம் முடக்குவதான பழிக்கு ஆளாக நேரிடும். மாறாக, வன்முறை நிகழ்ந்தால், வகுப்புவாரி மற்றும் இலக்கு வன்முறை நிகழ்வதாகக் கூறி, மெய்மைக் கூறுகளை முற்றிலும் விட்டுவிட்டு, தனது விருப்பங்களையும், கருத்துகளையும் சாந்திருக்கிற பொதுப்படையான சட்டத்தின் பிரிவுகளை பயன்படுத்தி சம்பந்தப்பட்ட மாநில அரசு கலைக்கப்படக் கூடும். சர்வதேச அரங்கில் வலிமை மிக்க அதிகார நாடாக இந்தியா அங்கீகரிக்கப்படும் இந்தச் சூழ்நிலையில், இது போன்ற நடவடிக்கை தேசத்திற்கு நலன் பயப்பதாக இருக்காது. இந்தச் சட்டமுன்வடிவு இந்திய அரசமைப்புச் சட்டத்தின் அடிப்படைக் கொள்கைகளுக்கு முற்றிலும் ஒவ்வாதது மற்றும் எதிரானது. இது ஜனநாயகத்திற்கு விரோதமான பாசிச சட்டமுன்வடிவு என்பதைத் தவிர வேறல்ல. இடர்ப்பாடான சூழ்நிலையில் உற்சாகத்தையும், கோட்பாடுகளையும் இழந்த மத்திய அரசு, ஆதாய நோக்கத்துடன் அறிமுகப்படுத்தவுள்ள இந்தச் சட்டமுன்வடிவு முற்றிலும் விரும்பத்தகாத ஒன்றாகும். ஜனநாயகத்தில் நம்பிக்கையுள்ள ஒவ்வொருவரும் இந்தச் சட்ட முன்வடிவினை முழுவதுமாக எதிர்க்க வேண்டியது அவர்தம் புனித கடமையாகும். இந்தச் சட்ட முன்வடிவை அறிமுக நிலையிலேயே ஒட்டு மொத்தமாக தூக்கி எறிவதற்கான அனைத்து நடவடிக்கைகளையும் எடுக்க வேண்டும். அரசியல் வேறுபாடுகளைக் களைந்து, கட்சி வித்தியாசமின்றி, நல்லெண்ணம் கொண்ட அனைத்து அரசியல் கட்சிகளும், சமுதாயத் தலைவர்களும், சிந்தனைவாதிகளும், சுதந்திரமான ஊடகங்களும் மற்றும் இந்த மிகப்பெரிய நாட்டின் குடிமக்களும் இந்தச் சட்ட முன்வடிவில் ஒளிந்து கொண்டிருக்கும் ஆபத்தினை உணர்ந்து, இதற்கு எதிராக தெளிவான முறையில் குரல் எழுப்ப வேண்டும் என்று வேண்டுகோள் விடுக்கிறேன்.
இவ்வாறு ஜெயலலிதா அந்த அறிக்கையில் கூறியுள்ளார்.
இதை ஷேர் செய்திடுங்கள்:
சித்த மருத்துவ குறிப்புக்கள்
வீடியோ
அரசியல்
இந்தியா
சினிமா
தமிழகம்
உலகம்
விளையாட்டு
கிட்சன் சமையல் - ருசித்து பாருங்க!!
உருளைக்கிழங்கு பிரெட்12 hours 5 sec ago |
மினி பான் கேக்4 days 7 hours ago |
ஸ்வீட் பால்.1 week 13 hours ago |
-
41-வது வணிகர்தின விடுதலை மாநாடு: தமிழ்நாடு முழுவதும் நாளை கடையடைப்பு
04 May 2024சென்னை : தமிழ்நாடு வணிகர் சங்கங்களின் பேரமைப்பு சார்பில் நாளை 41-வது வணிகர்தின வணிகர் விடுதலை முழக்க மாநாடு நடைபெற உள்ளது.
-
இன்றைய பெட்ரோல்-டீசல் விலை நிலவரம் – 04-05-2024.
04 May 2024 -
தங்கம் விலை சற்று குறைந்தது
04 May 2024சென்னை : சென்னையில் ஆபரணத்தங்கத்தின் விலை நேற்று பவுனுக்கு ரூ.120 குறைந்து ரூ. 52,800-க்கு விற்பனையானது.
-
நோயாளிகள் 17 பேர் கொலை: அமெரிக்க நர்சுக்கு 700 வருட சிறை தண்டனை விதிப்பு
04 May 2024வாஷிங்டன் : அமெரிக்காவின் பென்சில்வேனியாவில், 17 நோயாளிகளுக்கு வேண்டுமென்றே தவறான மருந்து கொடுத்து கொலை செய்த ஹீதர் பிரஸ்டீ என்ற நர்ஸ்க்கு, 700 ஆண்டு சிறை தண்டனை விதித்
-
கடும் வெப்பம்: கேரளாவில் மின் பயன்பாடுக்கு கட்டுப்பாடு
04 May 2024திருவனந்தபுரம் : கடும் வெப்பம் காரணமாக கேரளாவில் மின் பயன்பாட்டுக்கு கட்டுப்பாடுகளை அம்மாநில மின்வாரியம் விதித்துள்ளது.
-
கணினி ஆசிரியர் பணியிட அறிவிப்பு போலியானது : தமிழக பள்ளிக்கல்வித்துறை விளக்கம்
04 May 2024சென்னை : 5 ஆண்டுகால ஒப்பந்த அடிப்படையில் கணினி ஆசிரியர் பணியிடங்கள் நிரப்பப்படுவதாகவும், அதற்கு மாதம் ரூ.10 ஆயிரம் சம்பளம் வழங்கப்படும் என பரவி வரும் போலியானது என தமிழக
-
தமிழகத்தில் அரசு பஸ்களை சீரமைக்கும் பணிகள் தீவிரம் : இதுவரை 13,500 பேருந்துகளில் பழுது நீக்கம்
04 May 2024சென்னை : தமிழ்நாடு அரசு போக்குவரத்துக்கழகத்தின் பழுந்தடைந்த பேருந்துகள் அனைத்தும் போர்க்கால அடிப்படையில் சீரமைக்கப்பட்டு வருவதாகவும் இதுவரை 13,529 பேருந்துகள் சரி செய்ய
-
சட்டக் கல்லூரிகளில் சேருவதற்கு மே 10 முதல் விண்ணப்பிக்கலாம்
04 May 2024சென்னை:தமிழகத்தில் சட்டப் பல்கலைக்கழகத்தின் கீழ் இயங்கும் சட்டக் கல்லூரிகளில் சேர மே 10ஆம் தேதி முதல் விண்ணப்பிக்கலாம் என அறிவிக்கப்பட்டுள்ளது.
-
காஷ்மீரில் பயங்கரவாதிகள் தாக்குதலில் 4 வீரர்கள் காயம்
04 May 2024ஸ்ரீநகர்:காஷ்மீரில் விமானப்படையினரை ஏற்றி சென்ற வாகனம் மீது பயங்கரவாதிகள் நடத்திய தாக்குதலில் 4 வீரர்கள் படுகாயமடைந்தனர்.
-
வெற்றி பெற வேண்டிய கட்டாயத்தில் சி.எஸ்.கே.பஞ்சாப் அணியை இன்று எதிர்கொள்கிறது
04 May 2024தர்மசாலா:ப்ளேஆப் சுற்றுக்கு தகுதிபெற எஞ்சிய 4 ஆட்டங்களிலும் வெற்றிப்பெற வேண்டியது கட்டாயம் என்பதால் இன்றைய போட்டி சென்னை அணிக்கு முக்கியமானதாக பார்க்கப்படுகிறது.
-
கொல்கத்தாவுக்கு எதிரான தோல்வி: பிளே ஆப் வாய்ப்பை இழந்த மும்பை அணி
04 May 2024மும்பை: கொல்கத்தா அணிக்கு எதிரான தோல்வியால் முதல் அணியாக பிளே ஆப் வாய்ப்பை இழந்தது மும்பை அணி.
மும்பை பந்துவீச்சு...
-
3-வது கட்ட பாராளுமன்ற தேர்தல்: 94 தொகுதிகளில் இன்று தேர்தல் பிரச்சாரம் ஓய்கிறது
04 May 2024புதுடெல்லி : நாடு முழுவதும் பாராளுமன்ற தேர்தல் 3-ம் கட்டமாக 94 தொகுதிகளுக்கு வருகிற 7-ம் தேதி வாக்குப்பதிவு நடைபெற உள்ளது.
-
பதிலடி கொடுத்தால்தான் பயங்கரவாத தாக்குதல்களை நம்மால் தடுக்க முடியும் மத்திய அமைச்சர் ஜெய்சங்கர் கருத்து
04 May 2024புவனேஸ்வர்:பதிலடி கொடுத்தால்தான் பயங்கரவாத தாக்குதல்களை நம்மால் தடுக்க முடியும் என்று மத்திய அமைச்சர் ஜெய்சங்கர் கருத்து தெரிவித்துள்ளார்.
-
தொடர் புகார் எதிரொலி: கோடை விடுமுறையில் சிறப்பு வகுப்புகளை நடத்தினால் கடும் நடவடிக்கை: தமிழக அரசு
04 May 2024சென்னை:தமிழகத்தில் கடுமையான கோடை வெப்பம் நிலவும் நிலையில், சிறப்பு வகுப்புகள் நடத்தக்கூடாது.
-
வயநாட்டில் தோல்வி பயத்தால் ராகுல் ரேபரேலிக்கு ஓட்டம் : மத்திய அமைச்சர் அமித்ஷா தாக்கு
04 May 2024அகமதாபாத் : வயநாடு தொகுதியில் தோல்வி அடைந்துவிடுவோம் என்ற பயத்தில் ரேபரேலிக்கு ராகுல் ஓட்டம் பிடித்துள்ளார் என மத்திய உள்துறை அமைச்சர் அமித்ஷா பேசினார்.
-
பார்லி. 3-வது கட்ட வாக்குப்பதிவு: கர்நாடகா உள்ளிட்ட 13 மாநிலங்களில் இன்று தேர்தல் பிரசாரம் ஓய்கிறது
04 May 2024புதுடெல்லி:பாராளுமன்ற 3-வது கட்ட வாக்குப்பதிவு நடக்கவுள்ள கர்நாடகா உள்ளிட்ட 13 மாநிலங்களில் இன்று மாலையுடன் தேர்தல் பிரசாரம் ஓய்கிறது.
-
அடுத்த 4 நாட்களுக்கு மஞ்சள் நிற எச்சரிக்கை: தமிழகத்தில் நாளை வரை வெப்ப அலை தொடரும் : இந்திய வானிலை ஆய்வு மையம் தகவல்
04 May 2024சென்னை : அடுத்த 4 நாட்களுக்கு வெயில் அதிகமாக இருக்கும் என்பதால் மஞ்சள் நிற எச்சரிக்கை விடுத்துள்ள இந்திய வானிலை ஆய்வு மையம், தமிழ்நாட்டில் நாளை (6-ம் தேதி) வரை வெப்ப அல
-
டோனி தொடர்ந்த அவமதிப்பு வழக்கு: ஐ.பி.எஸ். அதிகாரிக்கு விதித்த தண்டனைக்கான தடை நீடிப்பு
04 May 2024புதுடெல்லி: கிரிக்கெட் வீரர் எம்.எஸ்.டோனி தொடர்ந்த அவமதிப்பு வழக்கில் ஐ.பி.எஸ்.
-
தலைமறைவாக உள்ள பிரஜ்வல் ரேவண்ணா தந்தை எச்.டி.ரேவண்ணா திடீர் கைது
04 May 2024பெங்களூரு:பாலியல் வழக்கில் பிரஜ்வல் ரேவண்ணா தலைமறைவாக உள்ள நிலையில் அவரது தந்தை எச்.டி.ரேவண்ணா கடத்தல் வழக்கில் கைது செய்யப்பட்டுள்ளார்.
-
பிரஜ்வல் ரேவண்ணா விவகாரத்தில் பாதிக்கப்பட்டவர்களுக்கு உதவி கர்நாடகா முதல்வர் உறுதி
04 May 2024பெங்களூரு:பிரஜ்வல் ரேவண்ணா விவகாரத்தில் பாதிக்கப்பட்டவர்களுக்கு அனைத்து உதவிகளும் வழங்கப்படும் என்று கர்நாடகா முதல்வர் சித்தராமையா உறுதிப்பட தெரிவித்துள்ளார்.
-
ரேபரேலி தொகுயில் போட்டி: போரில் இருந்து தப்பி ஓடுபவர்கள்; ராகுல் மீது ராஜ்நாத் சிங் விமர்சனம்
04 May 2024சண்டிகர் : போரில் இருந்து தப்பி ஓடுபவர்கள் நாட்டை வழிநடத்த விரும்புகிறார்கள் என்று அமேதியில் ராகுல் காந்தி போட்டியிடாதது குறித்து மத்திய பாதுகாப்புத்துறை அமைச்சர் ராஜ்ந
-
தென் தமிழக கரையோரங்களில் அதீத அலைக்கான 'ரெட் அலர்ட்' : இந்திய வானிலை ஆய்வு மையம் தகவல்
04 May 2024சென்னை : தென் தமிழகம், கேரளா உள்ளிட்ட அரபிக்கடலோர கரையோர பகுதிகளில் அதீத அலைக்கான ரெட் அலர்ட்டை விடுத்துள்ளது இந்திய வானிலை ஆய்வு மையம்.
-
சிறைபிடிக்கப்பட்ட சரக்கு கப்பலில் இருந்த 16 இந்திய மாலுமிகளை விடுவித்தது ஈரான் அரசு
04 May 2024டெக்ரான் : சிறைபிடிக்கப்பட்ட சரக்கு கப்பலில் இருந்த இந்திய மாலுமிகள் 16 பேர் உட்பட 24 பேரை சுமார் 20 நாட்களுக்கு பிறகு ஈரான் அரசு விடுவித்துள்ளது.
-
அ.தி.மு.க. அறிவித்த திட்டங்களை தி.மு.க. அரசு முடக்கி விட்டது : எடப்பாடி பழனிசாமி குற்றச்சாட்டு
04 May 2024சேலம் : அ.தி.மு.க. அறிவித்த திட்டங்களை தி.மு.க. அரசு முடக்கி விட்டதாக எடப்பாடி பழனிசாமி குற்றஞ்சாட்டியுள்ளார் .
-
நெல்லை காங்கிரஸ் தலைவர் மரணம்: அரசுக்கு அண்ணாமலை கோரிக்கை
04 May 2024சென்னை : நெல்லை கிழக்கு மாவட்ட காங்கிரஸ் தலைவரின் மரணம் குறித்த புகாரில் குறிப்பிட்டுள்ள அனைவரிடமும் விசாரணை நடத்தி, உண்மையை வெளிக்கொண்டு வர வேண்டுமென்று தி.மு.க.