இந்த வாரம் வெளியாகும் துருவ நட்சத்திரம்

கெளதம் வாசுதேவ் மேனன் இயக்கத்தில் உருவான துருவ நட்சத்திரம் படம் பல இன்னல்களுக்கு பிறகு இந்த வாரத்தில் வெளியாகவுள்ளது. இப் படத்தில் ஐஸ்வர்யா ராஜேஷ், ரிது வர்மா, பார்த்திபன், ராதிகா சரத்குமார், சிம்ரன், விநாயகன், திவ்ய தர்ஷினி உள்ளிட்ட பலர் நடித்துள்ளனர். இந்தப் படத்திற்கு ஹாரிஸ் ஜெயராஜ் இசையமைத்துள்ளார், இந்நிலையில், படத்தின் வெளியீடு பற்றி பேட்டியளித்த கௌதம் மேனன், துருவ நட்சத்திரம் படத்தின் கதையை முதலில் சூர்யாவிடம் சொன்னேன்,  ஆனால் சில காரணத்தால் அவர் நிராகரித்துவிட்டார். இதையடுத்து சூப்பர் ஸ்டார் ரஜினிகாந்திடம் சொன்னேன். அவருக்கு கதை பிடித்து இருந்தது ஆனால் அவரால் சில காரணங்களால் நடிக்க முடியவில்லை. கடைசியாக விக்ரம் இந்த கதைக்கு ஓகே சொல்லிவிட்டார் என்று கூறினார். இயக்குநர் கெளதம் வாசுதேவ் மேனனுக்கு ஏற்பட்ட நிதி நெருக்கடியால் படத்தின் ஷூட்டிங் பணிகள் தாமதமானது. பின்னர் நிதி நெருக்கடியை ஓரளவுக்கு சரிசெய்து மீண்டும் படத்தின் ஷூட்டிங் பணிகளை முடித்து போஸ்ட் புரொடக்ஷன் பணிகளும் முடிந்த நிலையில், துருவ நட்சத்திரம் இப்போது வெளியீட்டுக்கு தயாராக உள்ளது.