தங்கம் விலை மீண்டும் உயர்வு

சென்னை : சென்னையில் ஆபரணத் தங்கத்தின் விலை நேற்று ஒரு சவரன் ரூ. 50,800-க்கு விற்பனையானது. கடந்த 2 நாட்களுக்கு பிறகு நேற்று மீண்டும் விலை சற்று உயர்ந்தது.

இந்த வார தொடக்கத்தில் ஆபரணத் தங்கத்தின் விலை ஒரு சவரன் ரூ. 51,760-க்கு விற்பனை செய்யப்பட்ட நிலையில், கடந்த இரண்டு நாள்களில் ரூ. 1,120 குறைந்தது. புதன்கிழமை காலை நிலவரப்படி ஒரு சவரன் தங்கம் ரூ. 50,640-க்கு விற்பனை செய்யப்பட்ட நிலையில், நேற்று காலை ரூ.160 உயர்ந்தது.

வியாழக்கிழமை காலை நிலவரப்படி சென்னையில் ஒரு சவரன் தங்கம் ரூ. 50,800-க்கு, ஒரு கிராம் ரூ. 6,350-க்கு விற்பனையானது. அதேபோல், வெள்ளியின் விலை கிராமுக்கு 50 பைசா குறைந்து ரூ. 86.50-க்கும், ஒரு கிலோ ரூ. 86,500-க்கும் விற்பனையானது.