பிஜூ ஜனதா தள முன்னாள் எம்.பி. சுஜித்குமார் பா.ஜ.க.வில் இணைந்தார்

புது டெல்லி, எம்.பி. பதவியை ராஜினாமா செய்த சுஜித்குமார் மத்திய அமைச்சர் தர்மேந்திர பிரதான் முன்னிலையில் நேற்று பா.ஜ.க.வில் இணைந்தார். 

ஒடிசாவில் பிஜு ஜனதா தளம்  மாநிலங்களவை எம்.பி. சுஜித் குமாரை கட்சியில் இருந்து நீக்கி அக்கட்சியின் தலைவர் நவீன் பட்நாயக் உத்தரவிட்டுள்ளார்.  கட்சி விரோத நடவடிக்கைகளில் அவர் ஈடுபட்ட நிலையில் இந்த நடவடிக்கை எடுக்கப்பட்டுள்ளதாக தெரிவிக்கப்பட்டுள்ளது.

இந்த நிலையில், பிஜு ஜனதா தளம் கட்சியில் இருந்து நீக்கப்பட்ட சுஜித் குமார், மாநிலங்களவை எம்.பி. பதவியை ராஜினாமா செய்தார். தனது ராஜினாமா கடிதத்தை துணை ஜனாதிபதி ஜெகதீப் தன்கரிடம் அவர் கொடுத்துள்ளார். தற்போது அவரது ராஜினாமா ஏற்றுக் கொள்ளப்பட்டுள்ளதாக மாநிலங்களவை செயலகம் அறிவித்துள்ளது. 

 இந்நிலையில், எம்.பி. பதவியை ராஜினாமா செய்த சுஜித்குமார் மத்திய அமைச்சர் தர்மேந்திர பிரதான் முன்னிலையில் நேற்று பா.ஜ.க.வில் இணைந்தார்.