அரியானா சட்டசபை தேர்தல்: காங். சார்பில் வினேஷ் போகத் போட்டி

புது டெல்லி, அரியானா மாநில சட்டப்பேரவைத் தேர்தலுக்கான முதற்கட்ட வேட்பாளர் பட்டியலை வெளியிட்டுள்ள காங்கிரஸ்  ஜுலானா தொகுதியில் மல்யுத்த வீராங்கனை வினேஷ் போகத் போட்டியிடுகிறார் என அறிவித்துள்ளது. 

மல்யுத்த வீரர்களான வினேஷ் போகத் மற்றும் பஜ்ரங் புனியா ஆகிய இருவரும் நேற்று முன்தினம் மதியம் டெல்லியில் உள்ள காங்கிரஸ் தலைமை அலுவலகத்தில் பொதுச் செயலாளர் வேணுகோபால் முன்னிலையில் அக்கட்சியில் இணைந்தனர்.

இந்நிலையில் அரியானா மாநில சட்டப்பேரவைத் தேர்தலுக்கான முதற்கட்ட வேட்பாளர் பட்டியலை காங்கிரஸ் கட்சி வெளியிட்டது. அதில் ஜுலானா தொகுதியில் மல்யுத்த வீராங்கனை வினேஷ் போகத் போட்டியிடுகிறார் என அறிவிக்கப்பட்டுள்ளது.

காங்கிரசில் இணைந்த பஜ்ரங் புனியாவுக்கு விவசாயப்பிரிவு செயல் தலைவர் பொறுப்பு தரப்பட்டுள்ளது. காங்கிரஸ் கட்சியில் இணைவதற்கு முன்பாக இந்திய ரெயில்வேயில் தான் வகித்து வந்த பதவியை வினேஷ் போகத் ராஜினாமா செய்தார் என்பது குறிப்பிடத்தக்கது.