மகாராஷ்டிராவில் கோர்ட் காவலில் உயிரிழந்த இளைஞரின் குடும்பத்தினரை நேரில் சந்தித்து ராகுல் ஆறுதல்

மகாராஷ்டிரா : மகாராஷ்டிரத்தில் நீதிமன்றக் காவலில் உயிரிழந்த இளைஞரின் குடும்பத்தினரை எதிர்க்கட்சித் தலைவர் ராகுல் காந்தி சந்தித்துப் பேசினார்.

மகாராஷ்டிர மாநிலம் பர்பானியில் கடந்த  10‑ம் தேதி அம்பேத்கர் சிலை அருகே வைக்கப்பட்டிருந்த அரசமைப்புப் புத்தகம் சேதப்படுத்தப்பட்டதையடுத்து அங்கு பயங்கர வன்முறை ஏற்பட்டது. இந்த வன்முறையில் 50-க்கும் மேற்பட்டோரை காவல்துறையினர் கைது செய்து 8 வழக்குகள் பதிவு செய்யப்பட்டன.

இதில் நீதிமன்றக் காவலில் இருந்த சோம்நாத் சூரியவன்சி என்பவர் மர்மமான முறையில் உயிரிழந்தார். அவரது உடலில் காயங்கள் இருந்ததாக பிரேத பரிசோதனை அறிக்கையில் குறிப்பிடப்பட்டுள்ளது. இதனால் அங்கு பதட்ட சூழ்நிலை ஏற்பட்டுள்ளது.

இந்நிலையில், உயிரிழந்த சோம்நாத் சூரியவன்சியின் குடும்பத்தினரை எதிர்க்கட்சித் தலைவர் ராகுல் காந்தி உள்ளிட்ட காங்கிரஸ் தலைவர்கள்  சந்தித்துப் பேசினர்.